2 Peter 1:10 - ASII LAKDAP Bible (BSI)

¹⁰ Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

Hawa Naga Bible 2001

¹⁰ Kvkhoc rvtueq phunox bix lex, nuimshiq kuex Tishox rueq gvl vtueq vpiq thvl gvl wvnc kv-phuinx lvmx phaungx ngaungx wvnc muex pinhtumc hunglaungx wuez kuinz; kvkhoc ruez ruiux yuq nuimshiq kvmluimx kuex mkaq muinz tuip gay shuinz rvmuq.

Muklom

¹⁰ Iri rangma, ipho nia no tang, Shkewa nim hal nia talta ta takhi rangma chamlang jin somlo inn eshi thaji tang sha usomlot eq ching. Irimal somlo inn jo, nim baluk o tho ngarey náng qhat min ang nin;

2 Peter 1:10 Referencias Cruzadas

Tvtsvmc 112:6

Kechu maiqse rilung ka phanrap ongwan ruq; apaiq ka maiq raq pattup tiitsangshat miraq.

Tvtsvmc 121:3

Apaiq raq ümniika tiideamak miraq, ümnaq khupwongti ka wranaiqshe asamli sitlo.

Tvtsvmc 15:5

Apaiq raq maiq ma aliip jaü mak maq kampho tiinam kuqtlo, kiimaq apaiq ma tsiiqlap kuq raüta rung na arot saqse ma tiijalot mak, Jurwa arthun ara shamtlaq kriiti ka wranaiqshe khupwong kuqshat miraq.

Tvtsvmc 37:24

Tsangshiq ka kürai raümin, hiq na tiibumhap ka kümak, jamkhano ngukla Tatiwe raq tsangshiq ka khrum raüta mitiichap nong.

Tvtsvmc 62:2

Apaiq riili ngi tiiwongtlo kiimaq chhiikuqtlo; apaiq ka ngi tiichhiiti, krai mren ngi ka re raq ümtiikiimin tangmak.

Tvtsvmc 62:6

Apaiq riili ngi tiiwongtlo kiimaq chhiikuqtlo; apaiq ka ngi khupwongti, krai mren ngi ka re raq ümtiikiimin tangmak.

ISAIA 56:2

Ngi raq Niitiitsak ranaiq ka akhingtek na tri riikhaqli maq lang wanti, kra ranaiq ka tiisheshi makti ma achu mishman kuqha. Jurwa ashut klo makti ka Ngi raq achu mishman kuqha.”

Mikha 7:8

Najaqtinok chochi raichang lamluka ahü. Tengto, nashiq ka thenkaishe. Shatmaq achapali mirwan i. Nashiq ka ümchaü ranyaq mong na. Shatmaq Tatiwe raq nashiq ma wa mitiinii kuq nong.

Matthew 22:14

Kiimaq Jesuq raq abom ka akha shatto, “Shiikeawe raq maiq ka pahea asengi ma tiija wan miitu hea wan tlo. Shatmaq apaiq raq maiq ka atsapko li tsea wantlo.”

Romans 11:29

Shiikeawe raq apaiq kongphiq ka ju rii ngutiiwa thiiq wantaq, kriika maiq ahinti miika kuq mak she. Apaiq raq ju wa tsea tsiiq wantaq kiimaq ju ma achu shiiman kewan chang ngutiiwa, thapthi wantaq, kra bom kha ka diibaiq wan mak she. Ju ma kewan chang wa kriika, mikuq wan dongdii she.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

Hebrews 6:11

Ngi raq, i tsan mong na atsi maq shiwea siq tiikang, namshiq tarü loweatek raq maiqmii tsantsii ka, atsi dada maq jamlai miitu wa ran tiikai, kra lap li chang, lamphan kra tiinyi wanli shiikut raüdea ahea miraq nguta, riichopi siq tiikang. Krai mren, namshiq raq jamlai lap wan miitu wa, tsankhun maq kherat tlan kra, lap wan tlii miitu shiikut chaq ruq si ronglaq.

Hebrews 6:19

Nashiq rilung lai shiikhing wa chang, jinkhaiq kong bu ikha sitlaq kriika ara. Ara jinkhaiq kong bu arjaq riiwiiqtibi ka, ahai song chang jam min ahü. Kriiti ka jamlai rahai riimin chhi mak. Nashiq tsan ran chang jinkong bu ka Jesuq. Apaiq ka ramungtan na sitlaq shomjam mong kiijaq, asii thaq niimin asii pinthum siqlaitap sitlaq kra mong niishe wawanto.

James 2:10

Jurwa tri poshi jintlaq, kriika thungtri wiita jin miishe mija.

JOSHUA 7:3

Raüta tsütsa ka Joshua ma akha chonghoto, “Ai chela khatwa ka wiitarü warai ngomin raamak. Sreabi hingnai riimak la hingtsam tin khanli tiiwa laq. Kra khatwa ka phenlabi tlotli ka naq tiiwakiq. Kra chela ka ajongwiq riimak.”

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

2 Peter 1:5

Riita ümchaü min, namshiq ka asii kechu rilung siwan miitu she, Shiikeawe raq tsea wanto. Arkha maq, Shiikeawe ma pharang rang maq kam lanta sironglaq. Lanta apaiq raq namshiq ma jamlai jaqsham wa chongtlaq kra sham lanta sirong laq.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.