2 Peter 1:8 - ASII LAKDAP Bible (BSI)

⁸ Arthun angu tu ara namshiq rilung na asi riichang. Arthun ara namkhum na asho awo maq siraüla, namshiq ka wenyi rilung na, howe minwe siisaq mija han. Namshiq raq Jesuq mangchan ka atsaü maq khon tlan kra wiishe namshiq khum na atsi ango kra dong man wan tlo.

Hawa Naga Bible 2001

⁸ Vruex htenc kuex nuimshiq nuex httaz aungx yaq hungc htenc rvtueq, vruex phvnx htenc naungshiq nuex phungc yungx rungc yungx httax ruiux kuex, naungshiq Taungjix Yesu Christu kuex nuimshiq rueq phaqjic lvmz nuex nuimshiq muex vlvmz dung laz juing vjux httax wvnc tuex.

Muklom

⁸ Nim irimal chalot ang chey inn jo, hiqtang Teyhungwa Jesu Khristo usam rangma irey nim raa unong eq phanin.

2 Peter 1:8 Referencias Cruzadas

TAKSU LAK 19:15

Ahea na konsiq liina, pehü wiiko abum ikha; Shatmaq ümramtsi ma, amang raq mitsai haü.

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 20:3

Apaiq ka ranap nari tiikaü na hali kejat thung na kinongto. Kiijaq maiq wiijamti ka ahai sia chhihoto.

Matthew 20:6

Kiimaq hali raji nari biingi tin khan niishe, apaiq ka kejat thung na hali kinongto. Kiijaq maiq wiijam ka achap raq raq hali chhiki nongto. Kra chhi raüta, apaiq raq tsangshiq ma, ‘Riita namshiq ka ranaiq minru akha jam chiimsam wa?’ nguta waito.

Matthew 25:26

“Kiijiishe, ‘Ümnaq ara riinin. Laibi lati jaqshi se!’ nguta atijong we raq apaiq ka sonto. ‘Ümniiraq ngi asap haü riimak sha? Ngi ka i jaq maq wak shamki mang kriiwa, shamki kang nguta ngoti we; tsam ka jangki mang wa, jangki kang nguta jutsea wanti we?

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 5:42

Ara jamkhano chongtiikang ngukla, ngi raq namshiq hon atsii ka wiita asapha. Kiimaq namtsan na Shiikeawe ma lungwii tsii rüm man kriimin asap ha.

Romans 12:11

Namshiq ka howe minwe ma jawan lanta shongnga ronglaq. Roknin riishin miika naqja rongkiq. Tsantsii wiita kuq wan lanta, Shiikeawe jaq kra sham ronglaq.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

2 Corinthians 13:5

Namshiq rilung ka samhea wiq chechiip lanta sirong laq. Kra shin tlan na, namshiq raq tok ka tang han jiitiq tiina, namshiq ka riikhaqli dea, Jesuq Khristo sengi awongsii dea sitlan nguta, mitiingo lot han. Namshiq raq tok ka tanghan jiila, riikhaqli apaiq ka namshiq rai dea sitlo ngushat miraq.

2 Corinthians 8:2

Tsangshiq ka kamasham na, pinthum litkot chamchao wa maq chen wanto. Shatmaq tsangshiq chochi tsantsii ka ama, alüm alei sitlo. Kriikha maq, tsangshiq ka miitsan miijan li jiimin, tsangshiq raq alu atan kewan lam niika pinthum jaqchii jichii maq kuqne wanto.

2 Corinthians 8:7

Namshiq ka phanrap lam na, nanok ahinti Phungmaiqsetiim thaq na sinkhu na watlan: Khristo ma kamtsantsii thü wan na, Tsütsa Ahea kra nanok ma chongke wan na, tengman tlaq bomtsi kra atsaü maq saptsin wan na, nanok khrum shanke jaqsham na, kiimaq namshiq raq naishiq ma lungwii tsii rüm tlan na, namshiq ka nanok ma sinkhu na watlan. Riita, ara chongtiikang arkha maq tiina, namshiq ka Phungmaiqse miitsan miijanti ka khrumke niimin sinkhu na waronglaq nguta chongkuq tiikang.

2 Corinthians 9:14

Krai mren, Shiikeawe raq namshiq ma jonghea mangchan tlaq kra chhi raüta, tsangshiq raq namshiq miitu, tsan na atsi ma mangchan tsan tsii thü raüta, namshiq miitu achu mijaü kuq.

Philippians 1:9

Ngi raq Shiikeawe jaq wa, achu jaütiikang, namshiq liipan na lungwiitsii rüm tlan kra, apa tsi wan ruq maq, midong man laq. Kiimaq riikhaqli phaqchi tu ka sap lanta, taksma kappe maq, phanrap ahea abi sitlaq kra, shin lanta si ronglaq.

Philippians 2:5

Khristo Jesuq tsantsii jamkho thütaq, kiikhiisii, namshiq tsantsii kiimin thü chang: Jesuq tsantsii ka akha thüto.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

Colossians 2:7

Namshiq rang ka apaiq khum na atsaü maq cham rong laq. Kiimaq namshiq rilung jam ka apaiq khum na hai rong laq. Lanta namshiq ma jamkhiiwa tlang kuq wan kai, kiikha kamasham na ningkun ajong maq si ronglaq. Lanta tsan na kechutum aliim alei miili si ronglaq.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

1 Thessalonians 3:12

Kiimaq, Tatiwe raq namshiq tsan nai mongjii na, kongti miitu, kiimaq maiqse angu wiitarü miitu lungwii tsantsii rüm tlan ka, apa pahea mitiima kuq laq. Naishiq tsan mong na namshiq miitu lungwiitsii jonghea rüm tiikai kiikha mitiijong kuq laq.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

1 Timothy 5:13

Kiimaq tsangshiq ka jamshi maq adü, jamshi maq asat, maiqchii na trephe raü tli, rahiq ka misha phaq. Kra thaq na tiinanpot she ka, tsangshiq ka chiiheawea wea na shapshaü miqshii mitiikon chon. Kiimaq maiq bom heawea na wutapii raq awat ikha bom tlo. Kiimaq tsangshiq tili ka sihea.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Philemon 1:6

Ngi raq i tsan na atsi maq achu jaü tiikang arka, nashiq liipan na, Phungmaiqse rintii riilungwii tsantsii rüm tiikai arka, atsaü maq misi laq. Raüta, nashiq ma Khristo lümaq achu shiiman ümtinkhan wa sitlaq kra, nashiq ma mikuq laq nguta achu jaü tiikang.

Hebrews 6:12

Ngi raq namshiq ka, roknin riishin ma tiija ka romang. Shatmaq ngi raq namshiq ka, Jesuq ma kamti maiqsetiim dea nguta, kamasham lamphan na, jaqkhon tiipha tiipha maq siti ma jawan kra lungwii tiikang. Raüta, Shiikeawe raq mikuqha nguta, kiqkham raüpot khakuqtaq kongphiq kra lap wantiiti bi, kiikha namshiq min si ronglaq nguta tiitai tiikang.

2 Peter 1:2

Kaphap kiimaq hansang ka namshiq ma namshiq raq Shiikeawe kiimaq Jesuq, nashiq TATIWE saptlan kra lümaq namshiq ma asho awo misilaq.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.