2 Peter 1:7 - ASII LAKDAP Bible (BSI)

⁷ Namshiq raq kongtibi Phungmaiqse wiitarü ka maklii ashi maq lungwii ronglaq. Namshiq raq nanok tarü ma lungwii tsantsii thü lanta sironglaq.

Hawa Naga Bible 2001

⁷ Tvrac tvtsanc lvmx kuex phunox rvyaungc lvmx, phunox rvyaungc lvmx kuex lungwawc maq tvmvrc kuy yek muex hunglaungx wuez kuinz.

Muklom

⁷ Shkewa mal dangjang jamoq miq dak tang sha rimrang shi tachat lot inn, etho miq dak tang ma tinmat shi tachat lot inn.

2 Peter 1:7 Referencias Cruzadas

Romans 12:10

Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

Colossians 3:14

Riita, ara chong tiikang thun angu tu, arthaq na lungwii tsii maq kei lanta sirong laq. Lungwii tsii raükha riika, phanrap adam na pumshi hanshi ikha riitu khawan tlo.

1 Thessalonians 3:12

Kiimaq, Tatiwe raq namshiq tsan nai mongjii na, kongti miitu, kiimaq maiqse angu wiitarü miitu lungwii tsantsii rüm tlan ka, apa pahea mitiima kuq laq. Naishiq tsan mong na namshiq miitu lungwiitsii jonghea rüm tiikai kiikha mitiijong kuq laq.

1 Thessalonians 5:15

Namshiq phong wa jurmin, abi ka abi maq naq songkuq rongkiq. Shatmaq, wiitarü ma, kiimaq namshiq nai namshiq liipan na, sham akai ahea phan shamke wan kli, tsan mong na wranaiqshe thü lanta sham ronglaq.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.

1 John 3:14

Nashiq raq asap i, ümchaü sanha nashiq raq amaa rilung lamphan ka baiqthü kaishe. Laita rawü rilung lamphan laitiishe shongnga tiikai. Nashiq ka rawü rilung lamphan laitiishe sitiikai nguta nashiq raq asap i she. Nashiq raq naphu nanotiim lungwii laita sitiikai ahata rawii rilung ngutiikai arka. Arkha maq jurwa phunaino lungwii mak maq sitlaq, kriiti ka ümchaü niitaq tsai lam ningkun kharü mong niili sitlo.

1 John 3:16

Lungwii tsantsii rilung ngutlaq ka, arnangnga ngutlo nguta nashiq raq, Jesuq rilung wa sap tiikai. Jesuq raq apaiq miisaq ka nashiq daa wan miitu kuqto. Kiikhiisii hali nashiq riimin nashiq miisaq ka naphu nano miitu kewan chang!

1 John 4:21

Arkha maq, nashiq ma Khristo raq ara aming kuq thüto: Jurwa Shiikeawe lungwii tlaq, kriiti raq aphu ano Phungmaiqse ka lungwii raa dongdii.