1 SAMUEL 7:3 - ASII LAKDAP Bible (BSI)

³ Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”

Hawa Naga Bible 2001

³ Samuel rueq Israel miqsaz muex jungx tueq kuex, “Nuimshiq thuinz vmungx lotlaz maq Yehowa kox nuex yek waung ruiux yuq, pungnuk tishox lotlaz nuiyc Astarte nyuiuz yac yuimx htenc kuex tuip gay wuez shuinx. Nuimshiq miqmac shauk pumz kuex Yehowa muex tvshuk lekuq ruiux vpiq muex dvyx nawk palx kuq ruiux yuq, Philistin miqsaz yauk wawc vpiq rueq nuimshiq kuex palc wvnc kv-phuinx,” ngoz tueq jungx tueq.

1 SAMUEL 7:3 Referencias Cruzadas

RAPHA HIQWA LAK 35:2

Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 8:48

Kiimaq tsangshiq raq kra mung maq, ngohea shaq shaq dea, kiimaq teng teng miidea tsangshiq mra thun ka tiidii wan raüta, ümniiraq naititiim ma akuqthü haü armung ara nü na nyi raüta achu jaü raüla, kiimaq ümniiraq atsea wan haü ara chela nü na nyi raüta, kiimaq ngi raq ümnaq miitu ahaiha ara Shomjam nü na nyi raüta achu jaü raüla,

2 HOKHVMX 17:39

Namshiq ka iwokhong niili misihan. Ngi ka namshiq Tatiwe, nam Shiikeawe, kiimaq Ngi raq namshiq ka namjaqtinok jaq wa mitiichhii kuq wanha.”

2 HOKHVMX 23:15

Kiimaq Josia raq Nebat se Jeroboam raq Bethel chela na sumla phra shomnoq chang berong ahai kriimin runbaiqto. Jeroboam raq arlümaq Israilnok ka ngarai thiikho na tiidea baiqto. Josia raq kra berong-wacha ka runbaiqto. Raüta kra langkaü thun ka bunlak buncha bukbaiqto. Raüta botkhulai rai shotbaiqto. Kiimaq apaiq raq Ashera sumla ka wa na chaqbaiqto.

1 KAÜWA WERAÜ 22:19

Riita, ümchaü sanha Tatiwe nam Shiikeawe kra tsan nai mongjii kiimaq tsaiji wiita kuq lantea shiikumpan ronglaq. Shomjam hai ka sürii phaho liishe. Kra lanta Tatiwe Tongshong Tek nai laihin asii huk asam thun, apaiq shomnoq wan na lang chang thun kra Shomjam mong niishe thü ronglaq.”

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 19:3

Li jiimin, ümkhum na, phanshi ra ahea phan ka asi. Ümniiraq jechak phra kaü Ashera shomnoq chang setu thun mungmaiqse raq shomnoq tlaq kra runbaiq laü, kiimaq ümniiraq Shiikeawe raq thapthi tlaq kra klo wan miitu shiikut chaq laü.”

2 KAÜWA WERAÜ 20:33

Shatmiitiina, thatsang chang hiqba thun na shiithen baiq mak dea riito. Mungmaiqse ka tsangshiq tsantsii mongjii wiita kuq raüta tsangtitiim Shiikeawe ka shomnoq mak dea riito.

2 KAÜWA WERAÜ 30:19

“O Tatiwe lei, naititiim Shiikeawe lei, ümniika thuktsomheawe. Arkha maq ümchu riiwa tsangshiq khum ka phumram kham maq tiisii bat hü miili jiimin, tsantsii wiita kuq raüta ümnaq shomnoq tlaq kriiti ngarai ka adü riikuq laq.”

TAKSU LAK 16:1

Nashiq raq phanrap sham-akai ka misürii i, Shatmaq Shiikeawe bom na supwa chang miraq.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

EJEKIEL 14:6

“Riita ümchaü min, Israilnok ma. Ngi Tati Rakaü Hiqwe raq jamlai bom wa chongtiikang ara tsangshiq ma chongkuq laq: Namshiq raq shomnoq rattlan, maiqphai asi sumla phra thun kra miimbaiq thü ronglaq. Lanta ana Ngi phana jang wan nong ronglaq.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Matthew 15:8

‘Arnok raq ngi ka nü maq lamlam li shreng tlo, shatmaq tsangtsan mong miika shreng mak.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Luke 4:8

Kiijiishe, Jesuq raq treto, “Asii bomtsi na akha chongtlo, ‘Tati Shiikeawe kli üm Shiikeawe. Apaiq kli shomnoq wan lili riilaq!’ ”

John 4:24

Shiikeawe ka Wenyi kiimaq tengteng. Krai mren, maiqse raq apaiq ka, apaiq Wenyi maq, apaiq raq maiqse jaq wa, jamkha shomnoq wa lungwii tlaq, kra phan phan li apaiq ka shomnoq chang.”

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 13:4

Tatiwe jai phan laüta silaq. Laüta apaiq ka shrenglaq. Apaiq aming wokhong na silaq. Laüta apaiq aming thun kra langlaq. Apaiq kli shomnoqlaq. Laüta apaiq rai tiipumtlii silaq.

TRI CHONGKE 4:29

Kra mung thun maq namshiq raq Tatiwe namshiq Shiikeawe kra chhihai jiilei nguta mirit han. Kiimaq namshiq raq tsan nai mongjii wiita kuq lanta apaiq ka rit han jiila, apaiq ka mihum han.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

JOSHUA 13:31

Kiimaq Gilead wang wa khoko kra tiiham wanto, kiimaq Bashan wang wa Og hokhamwe nyungchong chela wiinai Ashtaroth chela nai Edrei chela kriimin lomtlii riito. Arthun chela arka Manase se Machir saüse phan ma chumkuqto.

JOSHUA 24:14

Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

JOSHUA 24:23

“Ikhla, namshiq phong na pongmungti phra thun rümtlan kra wiita miimbaiq rong laq. Lanta namshiq ka Israilnok Tati Shiikeawe puk na nyap ronglaq,” nguta apaiq raq tsangshiq ka shiitepto.

PHOWEBI 10:16

Krai mren she, tsangshiq raq pongmung phra thun ka wiitashe miimbaiqto. Raüta Tatiwe ka shomnoqto. Kiimaq apaiq kiimin Israilnok chamchao kra chhi raüta, kaishak miili ka liilot mak she riito.

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.

PHOWEBI 2:13

Tsangshiq raq Tatiwe shomnoq ka athaq she riibaiqto. Raüta Baal phra thun puk niishe nyap wanto. Raüta Baal phra thun nai Ashtaroth phra thun kriishe shomnoq wanto.

1 SAMUEL 31:10

Kra lot raütiishe, tsangshiq raq aja apiq thun kriika, tsangshiqnok jechak phra kaü Astarte shomjam niishe thüto. Kiimaq amaa ka Beth Shan chela khetuk siim na tiibaiqto.