1 SAMUEL 7:2 - ASII LAKDAP Bible (BSI)

² Tatiwe Tongshong Tek ka Kiriath Jearim na rawii aluwiq wiiroqnai tin sito. Ara akhing na Israilnok tlotli ka Tatiwe jaq wa khrum jaü hoqto.

Hawa Naga Bible 2001

² Yehowa Bomkhvrc Jep kuex Kiriat Jearim ghaq nuex wawc rok nueyc tanc shex taq tueq. Kvruex baunglaung Israel miqsaz htenc rueq romc kuy lvmz lvp tvkoc Yehowa kox wawc khoarsez thoz tueq.

1 SAMUEL 7:2 Referencias Cruzadas

1 KAÜWA WERAÜ 13:3

Kra laitiishe nashiq ka miki rong i, laita Shiikeawe Tongshong Tek hokhamwe Saul pat na shishetaq kra mipiki rong i.”

1 KAÜWA WERAÜ 13:5

Krai mren, Dawit raq Israil mungti mungmaiqse ka barap se wa tiihea raüta, hiq mai nü na Ejip mung hiqrai na siti thun kriimaq phawan raüta hiq khu nü mung na Hamath pum kinchit na saüli, Tongshong Tek ka Kiriath Jearim chela wa Jerusalem chela na pikai miitu tiithungto.

JEREMIA 26:20

(Kiimaq man na maiq weshi min asi riito, apaiq ka Shemaia se amang ka Uria. Apaiq ka Kiriath Jearim hiqti. Apaiq riimin Tatiwe mang na ara chela nai armung khuthaq na Jeremia raq chongtaq kiikha chongkuqto.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

Matthew 5:4

“Juwa aho ajü sitlaq kriiti ma chochi; Shiikeawe raq tsangshiq miboq pum!”

JOSHUA 9:17

Krai mren, Israilnok ka tsangshiqnok ritkai kihoto. Raüta ranaiqtsam jaimaq tsangshiqnok sichang chela thun kiina saühoto. Kra chela thun ka arthun ara: Gibeon chela, Chephira chela, Beeroth chela, kiimaq Kiriath Jearim chela.

PHOWEBI 2:4

Rase raq ara ngukiita, Israilnok ka aho asii trang wali she hoq trang wanto.

1 SAMUEL 7:1

Krai mren, Kiriath Jearim chelati raq Tongshong Tek ka pikito. Raüta maiq weshi amang min Abinadab ngutliiwe jam kiijaq piwanto. Apaiq jam ka hiqlampo na riito. Raüta tsangshiq raq ase Eleajar ka kra liiko miitu akhum ka kiinong kuqto.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”