1 SAMUEL 7:4 - ASII LAKDAP Bible (BSI)

⁴ Krai mren, Israilnok raq Baal sumla thun nai Ashtaroth sumla thun ka wiita rubaiqto. Raüta sTatiwe kli she shomnoqto.

Hawa Naga Bible 2001

⁴ Kvkhoc rvtueq Israel miqsaz rueq tsuingshiq Bala yac yuimx nuiyc Astarte nyuiuz yac htenc kuex tuip gay shec ruiux, Yehowa muex dvyx nawk palx wvnc wuez tueq.

1 SAMUEL 7:4 Referencias Cruzadas

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 11:5

Apaiq raq Sidon mungti phra jechak nyung Astarte kra shomnoq wanto. Kiimaq Ammon mungti phra kaü maiqphai asi Molekh phra kriimin shomnoqto.

1 HOKHVMX 8:48

Kiimaq tsangshiq raq kra mung maq, ngohea shaq shaq dea, kiimaq teng teng miidea tsangshiq mra thun ka tiidii wan raüta, ümniiraq naititiim ma akuqthü haü armung ara nü na nyi raüta achu jaü raüla, kiimaq ümniiraq atsea wan haü ara chela nü na nyi raüta, kiimaq ngi raq ümnaq miitu ahaiha ara Shomjam nü na nyi raüta achu jaü raüla,

2 HOKHVMX 23:15

Kiimaq Josia raq Nebat se Jeroboam raq Bethel chela na sumla phra shomnoq chang berong ahai kriimin runbaiqto. Jeroboam raq arlümaq Israilnok ka ngarai thiikho na tiidea baiqto. Josia raq kra berong-wacha ka runbaiqto. Raüta kra langkaü thun ka bunlak buncha bukbaiqto. Raüta botkhulai rai shotbaiqto. Kiimaq apaiq raq Ashera sumla ka wa na chaqbaiqto.

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 14:8

Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.

PHOWEBI 2:13

Tsangshiq raq Tatiwe shomnoq ka athaq she riibaiqto. Raüta Baal phra thun puk niishe nyap wanto. Raüta Baal phra thun nai Ashtaroth phra thun kriishe shomnoq wanto.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”

1 SAMUEL 7:5

Raütiishe Samuel raq Israilnok kunli ka Mijpa chela na thung miitu, akha tiichong wato, “Ngi raq namshiq miitu Mijpa chela maq achu mijaü kuq kang.”