1 SAMUEL 26:11 - ASII LAKDAP Bible (BSI)

¹¹ Tatiwe riili naq ümtaikiq. Ngi raq ijaq maq Tatiwe raq ashong wan hokhamwe miisaq kriika tiithum mang! Nanai riika apiqkii nai akham tsabum chü kriili lam wan laita wawan pha.”

Hawa Naga Bible 2001

¹¹ Yehowa vpiq rueq hokhvmx vtvyaungc taq waz kuex tvthuiuz sac tvkoc ngaz rueq dvnc ruiux muinz, Yehowa rueq tvwanc laq phuex! Lox, piq paq nuiyc piq yuix tsongbumx kuex lvmz wvnc ix,” ngoz tueq jungx tueq.

1 SAMUEL 26:11 Referencias Cruzadas

2 SAMUEL 1:14

Dawit raq apaiq ma waito, “Riita ümniiraq Tatiwe raq ashong hokhamwe ka jam jaq mo tsat laü?”

2 SAMUEL 1:16

Kiimaq Dawit raq Amalekwe kriima akha nguto, “Ara mat kha arka ümdü na ümniiraq ümnübok maq chong laü kriishe hophaq tlaü. Ümnaq tsaichang thiikho ka ümniiraq athu haü. Jamkhano ngukla, ümniiraq Tati raq hokhamwe ashong ka tsatbaiq kang nguta tiichong laü.”

2 SAMUEL 19:22

Shatmaq Dawit raq Abishai nai aphu Joab ma nguto, “Namnai ma bom juro waita? Namnai raq ngi ma mra tiipinke shea tan tlan? Ngi tiina ümchaü Israil mung thaq na hokham. Krai mren, ümchaü ranaiq Israilnok mung wa ju miisaq min tiithum maimak.”

Tvtsvmc 17:4

Nanok raq maiq shiithen bom bomtlaq kra ngi bom mang; Ngi ümnaq aming kra lang wan kang kiimaq jasam piqsii klo wan mang.

Romans 12:17

Ashi ra raq namshiq ma ashut klo raüla, apaiq ma namshiq raq ashut maq hali ka, naq songkuq rongkiq. Nanok tarü raq ardea ahea nguta liitlaq, kriili apaiq ma klo kuq ronglaq.

Romans 12:19

Kongtitiim lei, namshiq raq ümtiikiimin maiqmii phuk ka naq lam rongkiq. Shatmaq, namshiq phuk ka Shiikeawe riitiq milam laq. Tatiwe raq Asii bomtsi na, “Ngi raq phuk milam ha. Nanok ma abi kloti phuk milam ha,” nguta chongtlo.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 24:12

Nanai liipan na juwa ajiq, juwa alam kriika Tatiwe riitiq miphokuq laq! Ümniiraq ikhu thaq na atinkhan ashut kiimung tlaü arkha ka Tatiwe riishetiq ümniika mitsa sha wan kiiphaü. Shatmaq ngi raq riiwe kla, ümdü na ijaq ka miiq mang.

1 SAMUEL 24:4

Kra chhi raüta, Dawit kongtibi raq apaiq ma chongto, “Liilaq, ara ümniima akhing heahea pinthum! Tatiwe raq ümniima, apaiq raq ümjaqti ka ümjaqkhon mong na mikiinong kuqbaiq, raüla ümniiraq ümjaqtiwe kra jamkha tiijabaiq wa ro tlaü, kriika ümniiraq athithi nguta chongto ihata.” Krai mren, Dawit ka atsise maq kaütsrong maq tiihit ho raüta, Saul dü na samtlaq samtongjong kaü ni kriiwa, Saul ma tiihe mak maq, phushi panthit hanto.

1 SAMUEL 24:6

Kra ningkhan apaiq raq asengi ma akha chongto, “Tatiwe raq ngi ka itijongwe, Israil mung na hokham ma shongtiiwe dü na, ijaq miiq mang chang miitu mitiiwong kuq laq! Ngi raq apaiq dü na ijaq miika miiq mang, Jamkhano ngukla, Tatiwe raq apaiq ka Israil mung na hokham ma shongto.”