1 SAMUEL 26:11 - Hawa Naga Bible 2001

¹¹ Yehowa vpiq rueq hokhvmx vtvyaungc taq waz kuex tvthuiuz sac tvkoc ngaz rueq dvnc ruiux muinz, Yehowa rueq tvwanc laq phuex! Lox, piq paq nuiyc piq yuix tsongbumx kuex lvmz wvnc ix,” ngoz tueq jungx tueq.

ASII LAKDAP Bible (BSI)

¹¹ Tatiwe riili naq ümtaikiq. Ngi raq ijaq maq Tatiwe raq ashong wan hokhamwe miisaq kriika tiithum mang! Nanai riika apiqkii nai akham tsabum chü kriili lam wan laita wawan pha.”

1 SAMUEL 26:11 Referencias Cruzadas

2 SAMUEL 1:14

Dawid rueq piq muex ngoc, “Yehowa rueq vthvl hokhvmx waz kuex mnoz rueq yvmx khoc lac thvt khvmc tonx?” ngoz tueq wiz tueq.

2 SAMUEL 1:16

Dawid rueq Amalek waz muex ngoc, “Vruex kuex mhtauk nuex mnoz rueq vtvhttuiuc rvtueq. Yehowa rueq hokhvmx tvyaungc tvkoc vthvl taq waz kuex mnoz rueq thvt gay toq lvmz kvjungc ningkhvnc nuex, mshauk pumz kuex htvp htaz gay rvhumc toq,” ngoz tueq jungx tueq.

2 SAMUEL 19:22

Yuq muinz Dawid rueq Abishai nuiyc vphuz Joab muex ngoc, “Nuimnueyc thuinz nuex uraq lac wiz yaq nguinx? Nuimshiq rueq ngaz muex kuilc daz kuy haz tvmaung vshuinx? Ngaz kuex Israel hokhvmx waz yaungx vtaungx ningkhvnc nuex majuiuc raungnuiyq Israel miqsaz kuex thueyc rvhumc mvy muq,” ngoz tueq jungx tueq.

Tvtsvmc 17:4

Vganc jix miq htenc ikhoc layx vbac kvjaz ngaz kvjak mauk; ngaz kuex mnoz rueq nvr phux kvjaz kuex phvnx vtueq yauk laungc yalawx lvmx htenc kuex phvnx vshaungx rvmuq.

Romans 12:17

Nuimshiq muex miq vshiz shiz rueq vyaq ruez kuq ruiux yuq, piq muex vyaq nauk tvyez kuq kaz, miq lotlaz thuinz nuex shuimc vkay vhvlx ngoz tueq ngoz laz juing shuimx kaz hunglaungx kuiuz.

Romans 12:19

Kungjix bix lex, mkaq muinz murx nauk tvyez kaz; Tishox rueq jix murx mtvyez kuq shueq. Yvmx khoc lac ngoz ruiux lec Rumvrc luik nuex, “Taungjix rueq ngaz rueq murx tvyez kuq shaungx, mvrax kuex tv-phvnc tvyez kuq shaungx,” ngoz tueq wuiyq shec tueq.

1 Peter 3:9

Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.

1 SAMUEL 12:3

Ngaz kuex vyuq httax vtaungx. Ngaz rueq phvnx shishiz vshuimc yaq ruiux yuq, majuiuc Yehowa khaungkac nuex muinz, vpiq rueq vthvl shec hokhvmx waz mvnz nuex muinz, ngaz muex mvrax tvgurc mvy yaq. Ukhaq mansuiux kuiux, rvmuq ngoz ruiux loze lac ngaz rueq lvmz tauk nguinx? Ngaz rueq ukhaq lac tuinghtuing phauk saq tauk nguinx? Ukhaq kox wawc lac khauz loayc lvmz tauk nguinx? Kvruex phvnx htenc wawc phvnx shishiz ngaz rueq shuimx tvyaq gay tauk ngoz ruiux yuq kuex, ngaz rueq lvmz itauk phvnx kvruex vhtuimc kuy rv-phaungx,” ngoz tueq jungx tueq.

1 SAMUEL 24:12

Yehowa rueq naungnueyc wawc vyaq jix waz muex mphox kuq phueq! Ngaz rueq mnoz muex tvthuiuz sac tvrvhumc vshaungx ningkhvnc nuex, rv-nyengx tsengx shuimx vshuiux laung nuex vpiq rueq mnoz muex murx mtvgurc kv-phux.

1 SAMUEL 24:4

Tsuinghez rueq piq muex ngoc, “Vruex kuex mkamc rvtueq! Yehowa rueq mralx waz kuex m-yauk nuex lekuq shuex ningkhvnc nuex mnoz rueq vroc piq kuex ruez lot shuiux, ngoz tueq mnoz muex jungx shec tueq,” ngoz tueq. Dawid kuex vyumx saq maq kaz vtueq Sholu rueq helc muq piq khvy hungluz nac kuex jumx gvnz kaz tueq.

1 SAMUEL 24:6

piq rueq vmiq hez muex ngoc, “Yehowa rueq vthvl hokhvmx ngvy jiyungx waz muex tvthuiuz sac yauk shuimc kuex mkhoc maq dvyx ruezruez Yehowa rueq ngaz muex mtuing kuq gay phueq! Piq kuex Yehowa rueq vthvl hokhvmx waz rvtueq ningkhvnc nuex ngaz rueq piq kuex raungluingx saz muinz tvthuiuz sac lvp shaungx rvmuq!” ngoz tueq jungx tueq.