1 SAMUEL 26:12 - ASII LAKDAP Bible (BSI)

¹² Krai mren, Dawit raq Saul piqkii kra nai apaiq kham tsabum chü kriili, Saul kontlaq achangkhu tho kriiwa dowan raütli she Abishai tsangnai ka wawanto. Tsangnai tho ka jurmin hemak dea riito. Kiimaq tsangnai raq jamlai wa klotaq kriimin jurmin sapmak dea riito. Kiimaq akon wa jumin sammak dea riito. Tsangshiq tarü ka akon makaiq riilaq konwanto. Jamkhano ngukla, Tatiwe raq tsangshiq tarü ka maa raq mok ji raq jok, akon ma tiibok baiqto.

Hawa Naga Bible 2001

¹² Kvkaq Dawid rueq Sholu vkhux hep nuex vtaq paq nuiyc yuix tsongbumx kuex lvmz vtueq piq nuiyc Abishai kuex dung kaz wvnc tueq. Lauk shiz muinz kvkhoc yaungx wvnc tueq lvmz kuex khiz muq doc, yvmx lac yaungx wvnc tvnx lvmz muinz helc lvp muq doc rvtueq. Vshiz raung muinz kvsvmc muq. Yehowa rueq tsuinghez kuex maungkuiyq tvtsoalx gay koq tueq, tsuinghez lotlaz piauc hvlc kvtsoalx kaz tueq.

1 SAMUEL 26:12 Referencias Cruzadas

RAPHA HIQWA LAK 15:12

Riita rashe ka achashe riito. Kiimaq Abram ka akon tsihea kha maq makaiq she konkito. Kiimaq apaiq ka ahaisiwala nai aphiiptsi waliishe riito.

RAPHA HIQWA LAK 2:21

Kiijiishe Tati Shiikeawe raq maiqwe ka akon makaiq she tiikon baiqto. Kiimaq apaiq ka akon shon na, apaiq raq maiqwe siimrii phong kiiwa riishi ka lamto. Raüta angam ka pangbaiqto.

ESTHAR 6:1

Kra rawa hokhamwe ka akon tsi mak sangkito. Kra kha miishe, apaiq raq mung lang manphan awaiqthü lakdap kra lamwa rongkiq nguta thaüto. Raüta phat rong laq nguta thaüto.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

1 SAMUEL 24:4

Kra chhi raüta, Dawit kongtibi raq apaiq ma chongto, “Liilaq, ara ümniima akhing heahea pinthum! Tatiwe raq ümniima, apaiq raq ümjaqti ka ümjaqkhon mong na mikiinong kuqbaiq, raüla ümniiraq ümjaqtiwe kra jamkha tiijabaiq wa ro tlaü, kriika ümniiraq athithi nguta chongto ihata.” Krai mren, Dawit ka atsise maq kaütsrong maq tiihit ho raüta, Saul dü na samtlaq samtongjong kaü ni kriiwa, Saul ma tiihe mak maq, phushi panthit hanto.

1 SAMUEL 26:13

Raütiishe, Dawit ka konü jüwii reko kin khuthaq niishe, re raq jowan lot mak chang khan niishe aluwiq niishe wawanto.

1 SAMUEL 26:7

Kra riichongtaq krai mren, kra rawa Dawit nai Abishai ka Saul piitiip mong kiijaq nyapwato. Raüta tsangnai raq Saul ka piitiip mong ba na, apiq ka akhupo tho kiijaq hiq na shong raüta, apaiq ka akon makaiq humkito. Abnar nai phenlabi thun ka apaiq trotam na akon makaiq riito.