1 SAMUEL 2:9 - ASII LAKDAP Bible (BSI)

⁹ “Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.

Hawa Naga Bible 2001

⁹ Vpiq rueq tvmtuing httax yaq miqsaz tvraungx lvmz htenc kuex tvkhup wungx kuq yaq, yuq muinz layx bac jix htenc kuex raungx nyauk mungx nuex moz wvnc tuex; miqsaz rueq miqmac hungc vlaungc maq taungx lot shuex rvmuq.

1 SAMUEL 2:9 Referencias Cruzadas

YOBA 18:18

Apaiq ka atra mung wa ajo she mirbaiq, rawü mi wa ranyaq tangtang mong niishe mijobaiq.

YOBA 40:13

Tsangshiq ka wiita hiq na lap baiqlaq; laüta wulum mung na khabaiq laq.

YOBA 5:16

Apaiq raq miitsan maiqse ma ran tsantsii kuqtlo kiimaq ajiqti ka tiikaiqshak bukbaiq tlo.

YOBA 5:24

Ümniika ümtombu tiip na hansang misi haü; üm skuse kong kra lii haü min ümniiraq wiitarü ahea mirüm haü.

Tvtsvmc 1:6

Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.

Tvtsvmc 105:37

Raütiishe apaiq raq Israilnok tiidong shea wanto; tsangshiq raq chaq nai kampho tsuq wanto, kiimaq tsangshiq tarü phintsaqtsaq koilong koila kong riito.

Tvtsvmc 121:3

Apaiq raq ümniika tiideamak miraq, ümnaq khupwongti ka wranaiqshe asamli sitlo.

Tvtsvmc 121:5

Tati raq ümnaq khebomshat miraq; apaiq ka ümtho na chapshat ümnaq tiiwongke miitu.

Tvtsvmc 121:8

Apaiq raq ümniika aki awa khumtlaü na tiiwongshat miraq ümchaü min kiimaq pattup pat-sa na saüli mitiiwongkuq.

Tvtsvmc 145:20

Apaiq raq apaiq lungwiiti loweatek tiichhiitlo, shatmaq abi kloti thun ka apaiq raq mishthenbaiq.

Tvtsvmc 31:17

Ngi raq ümnaq heatiikang, Tatiwe lei; ngi ma jea naq tiingaükiq. Abi maiqse thun ma jea tiingaülaq; tsangshiq ka wulum mung na kaiqshakshak maq mikiholaq.

Tvtsvmc 37:28

jamkhano ngukla Tatiwe raq tingting jaqsham kra lungwiitlo kiimaq asenginok tsapkapkap maq siwanti ka tiishaübaiq mak. Apaiq raq tsangshiq ka pattup pat-sa tiiwong kuqshat, shatmaq abi kiimungti saüsetiim ka ajo mirbaiq wan.

Tvtsvmc 94:18

Ngi raq ngukang, “Ngi dea wankang”; shatmaq tiipitmaüphan ümlungwii raq, O Tatiwe lei, ngi ka komsaq ranghoto.

Tvtsvmc 97:10

Tatiwe raq abi kiimung saisiti thun lungwiitlo; apaiq raq asenginok khupwongkuqtlo; apaiq raq tsangshiq ka abi kloti jaqkhon mong wa tiichhiitlo.

TAKSU LAK 16:9

Ümniiraq jaqsham ka mihang haü sham, Shatmaq Shiikeawe riitiq, jaqsham ka mithapthi kuq.

TAKSU LAK 2:8

Apaiq raq nanok riikhaqli maq shiililiiti ka, khrum kuqtlo. Kiimaq apaiq puk na siti ka, tiikhup wongkuq shat rümtlo.

TAKSU LAK 3:26

Tatiwe raq ümniika, khup wong shat miraq. Apaiq raq ümniika thiikho na tiidea mak miraq.

THARC TVLUINGC 5:17

Maiqse rilung ka ranyaq mong na sithü changli. Kiimaq hosi, chapa, tsankhiq kiimaq atsi asi lam miili sitiikai.

THARC TVLUINGC 9:11

Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo.

ISAIA 27:3

“Ngi raq ara chhintsii wankang. Lata kham maq aheawiq nyukruq nyuk kang. Lata maiq raq tiibiti mak chang miitu Ngi raq ranaiq rawa kheshat maq liiwan kang.

ISAIA 47:5

Tatiwe raq Bebilon ma ngutlo, “Kaiqshak maq ngalaq ranyaq mong na; tsangshiq raq ümniika maiq mung thun hokham nyung nguta heamak she!

JEREMIA 8:14

“Riita nashiq ka arjiiqli shea minga siq rong i?” nguta Shiikeawe senginok liipan na bom riiwaitlo. “Warong i, nashiq ka kiittelong maq aruk chela thun kiina juwan rong! Laita kiijiiqtiq mitsai rong i. Nashiq Tatiwe Shiikeawe raq nashiq ka tiishutbaiqto she. Nashiq ka atsai changli she. Apaiq raq nashiq ma maiqchok chang liipu tiinyangto she. Jamkhano ngukla nashiq raq apaiq kiq khü laita ngarai tang wankai.

JEREMIA 9:23

Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

JEPHANIA 1:15

Kra ranaiq ka tsankhiq heng ranaiq, pitlang pitthea riihum ranaiq miraq. Athen ajen wan nai athum wan ranaiq miraq. Rathaiq ranyaq ranaiq, ranyaq tangtang ranaiq, kiimaq phumthup ranyaq ranaiq miraq.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

WEAWEA 6:24

Tatiwe raq ümniidea mishmanlaq kiimaq ümniika mishkum panlaq;

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

TRI CHONGKE 33:3

Tatiwe raq asenginok lungwiitlo, kiimaq awokhong na siti ka khup wong kuqtlo. Kra ningkhan nashiq ka ajichong na bumtiikai kiimaq apaiq aming thun kra langtiikai.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.

1 SAMUEL 25:26

Riita ara ümniima kharii jonghea ahea ashi, ümniiraq ümjaq maq ümjaqtibi khuthaq na phuklam jaqmiiq wan saü mak dea riito. Riita, arka Tatiwe raq ümniika tiikhingto. Riita, ümchaü ngi raq atra Tatiwe man na atiitum lata ngutiikang, ümjaqtibi thun ka tarü ara Nabal akhiisiisaq Tatiwe raq apaiq mo mitiiho laq.