1 SAMUEL 2:8 - ASII LAKDAP Bible (BSI)

⁸ Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.

Hawa Naga Bible 2001

⁸ Vpiq rueq htemc saz jix kuex bokkhuyx wawc muinz kvpuinc kvtvnc jix kuex tsuingshiq thuinz kuilc daz yaq mungx wawc tenz wvnc yaq. Vpiq rueq kvruex hez kuex hokhvmx sahez kungjix muex tvyaungc vtueq, tvtsanc nganc juing baung nuex taq tueq. Yehowa rueq ghaq vjungx vbaung kuex guimz yaq; kvruex htauk kvyuq mungkawx kuex guirx tueq.

1 SAMUEL 2:8 Referencias Cruzadas

RAPHA HIQWA LAK 41:14

Kiijiishe hokhamwe raq Joseph ka tiihea kito. Kiimaq tlothit li apaiq ka phaqtek mong wa tiishea kito. Apaiq raq anübin ka sijai akhu akhea ka klaito. Raüta apaiq ka hokhamwe man na wa raüta chapto.

RAPHA HIQWA LAK 41:40

Ngi raq ümniika ara imung khuthaq na arang hotiwe miishe shong tiikang. Krai mren, isenginok mungmaiqse kunli raq ümnaq aming ka milang. Ümniiraq arang hotlaü kriika ijai thongti arang ho miraq.

2 SAMUEL 7:8

“Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

1 HOKHVMX 16:2

“Ümniika manghü raahü maiqse riilaü. Shatmaq Ngi raq ümniika isenginok Israil mung khuthaq na tuwe jong ma shong wan kang. Shatmaq ümchaü ümniirii min Jeroboam raq ngarai tang wantaq kiikhiisü hali tang wan laü. Laüta isenginok ka ngarai thiikhobok niishe tiidea baiq laü. Tsangshiq ngarai raq itsankhiq she shaü wanto.

2 HOKHVMX 9:6

Kiimaq tsangnai ka tap mong na wawanto. Kiimaq kra jerowe shammiwe raq olip tai ka Jehu khupo na nyukto. Raüta apaiq ma akha nguto, “Tatiwe, Israilnok Shiikeawe raq, chiiriim raüta akha ngutlo: ‘Ngi raq ümniika isenginok Israilnok khuthaq na hokham ma shong tiikang.

YOBA 1:21

Apaiq raq akha nguto, “Inyung puk maq siipe chiito, kiimaq ngi ka siipe hali mitsai nong ha. Tatiwe raq kuqto, kiimaq ümchaü apaiq raq hali lam wan nongto. Apaiq mang kli mitiitsam laq!”

YOBA 2:8

Job ka tiido hoto. Raüta sinchiitsap phong tho na ngakito. Kiimaq hamliitak bun phu ashi ajaq sham raüta ahan wa ami thun kriishe huthihi phuktlo.

Tvtsvmc 102:25

rathup rapha na ümniiraq hiq tiiqlaü; kiimaq ümjaq maq ramungtan thun ka tiiqlaü.

Tvtsvmc 104:5

Ümniiraq hiq ka ajamkhü na phataqtaq shonglaü, krai mren hiq ka ümtiikiimin tiimeshimak she.

Tvtsvmc 107:41

Shatmaq apaiq raq thümsaü litsekong ka, tsangshiq chamchao mong wa tiichhiikuqto, raüta tsangshiq takhan jamkun ka nyamsekong puchitlaq ikha pahea tiipu wanto.

Tvtsvmc 24:2

Apaiq raq arka hiq takiq na khamchum tsaühea thaq na tiiqto kiimaq kra jamkhü diim thun ka sammoktra chum mong tsaühea na haito.

Tvtsvmc 75:3

Atra wiitsitsü phan wiita tiikhai raü min kiimaq mangjong hiqraikhü ka wiita tiime wan raü min, Ngi raq hiq tiinga chang khamchong thun ka phataqtaq mithüha.

Tvtsvmc 75:4

Ngi raq abi maiqse thun ma naq ngiim rongkiq nguta chongtiikang;

Tvtsvmc 75:7

Shiikeawe kli phowe ka, wiijam ka atiishut mirbaiq wan kiimaq wiijam ka alam ma mitiijabaiq wan.

ISAIA 22:23

Apaiq ka Ngi raq tombutiip chanchang raü khachang hiq na tsonkhaiq shongtlaq ikha, phataqtaq mishongha. Kiimaq apaiq ka ata awii tlotli ma khushü jong chang khamchong ashi she miraq.

DANIEL 2:48

Kra raütiishe apaiq raq Daniel ka ajong miishe shongto. Raüta apaiq ma phanrap phanrii, araa ariq phan kongphiq thun kuqto. Raüta apaiq ka Bebilon mung pengti tuwejong miishe shongto. Raüta apaiq ka hokhamwe rung na tsii chongketi aki miikiimbi thaq na akhupo miishe shongto.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 6:3

Krai mren, Daniel raq jaqlo liipan niili, akongti ngongwenai kiimaq wanghuptibi thaq na, ajaqsham ka pinthum athuk atsom sham raüta tiichhi kuqto. Apaiq ka anok thaq na pinthum asap atsin kra chhiraüta, hokhamwe raq apaiq ka amungtan hamli na ajong pinthum ngongwe ma shong wan miitu atsan na thapthi wanto.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 22:5

Kiijiika ranyaq mak she miraq. Kiimaq tsangshiq ma piijongteng lo, rashe kii lo kiimin raa mak she miraq. Jamkhano ngukla, Tati Shiikeawe kli she tsangshiq ma rawüli miraq. Kiimaq tsangshiq ka hokham ma jaraüta, pattup pat-sa mung she misiq wan dam.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.