1 SAMUEL 2:10 - ASII LAKDAP Bible (BSI)

¹⁰ Tatiwe jaqtibi thun ka mitiithen baiq; apaiq raq ramungtan maq tsangshiq khuthaq na ra mitiimok. Tatiwe raq mangjong tlotli kha mipho; apaiq raq ahokhamwe ma ningkun mikuq, apaiq raq atsea wan hokhamwe ma rekhat mitiitang kuq wan.”

Hawa Naga Bible 2001

¹⁰ Yehowa ralx htenc kuex tvbac gay rvhumc tuex; vpiq rueq tsuingshiq kuex khawc lvlc tvkoc raungmungx maq raungx tvmuk gay shuex. Yehowa rueq mungkawx lotlaz kuex phox kuq vtueq; vpiq rueq vpiq hokhvmx waz muex luimc vkawc kuq shuex, vpiq rueq vhttauk hokhvmx waz muex taungx wvnc lvmz tvlvp shuex.”

1 SAMUEL 2:10 Referencias Cruzadas

2 SAMUEL 22:14

Kiijiishe Tatiwe raq rawang win maq, amok dungdung she phokto. Kiimaq Ningkun Ajong Shiikeawe bom kra taito.

2 SAMUEL 7:13

Apaiq riitiq ngi miitu shomjam ashi mihai wan. Kiimaq ngi raq apaiq weraü ka pattup pat-sa thummak maq siwan raüta mung peng wan miitu she mirüm wanha.

2 SAMUEL 7:8

“Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

YOBA 40:9

Ümningkun jong ka iningkun jong khan shea? Ümbom chong ka ibom chong ramok wa trang ikha mibom lot haü shea?

Tvtsvmc 132:17

Arjaq ngi raq Dawit laiwa weshi ajong pinthum hokham ma mishong wanha; arjaq ngi raq tsea wan kang hokham jaqshamti ka shongwan ruq lishe mirha.

Tvtsvmc 148:14

Apaiq raq amungtan ahong ala tiiqto, krai mren asengi tlotli raq apaiq tiitsamtlo- Israilnok, apaiq raq mangchan heanok raq, Tatiwe tiitsam ronglaq!

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 2:9

Ümniiraq tsangshiq ka jin chongwai maq bunlak mibukbaiq haü; laüta hamliitak ikha wiita mitiibun bukbaiq haü.’”

Tvtsvmc 20:6

Ümchaü ngi raq sapkang she Tatiwe apaiq raq atsea wan hokhamwe ma rekhat tiitang kuqtlo; apaiq raq apaiq ma asii ramungtan maq tretlo kiimaq ningkun maq apaiq ma rekhat thun jonghea tiitangkuqtlo.

Tvtsvmc 20:7

Wiijamti riika tsangshiq rekhat chang kumrang leng ma kamtlo kiimaq wiijamti riika tsangshiq kumrang kong ma kamtlo, shatmaq nashiq riika nashiq Tatiwe nashiq Shiikeawe ningkun ma kamtiikai.

Tvtsvmc 21:1

Hokhamwe chochitlo, O Tatiwe lei, jamkhano ngukla ümniiraq apaiq ma ningkun kuqlaü; apaiq kai khoqriiqtlo jamkhano ngukla ümniiraq apaiq ma rekhat tiitangkuq laü!

Tvtsvmc 28:8

Tatiwe raq asenginok tiiwongtlo apaiq raq ramkham maq tiibok raüta ashong wan hokhamwe ka tiiwong kuqtlo.

Tvtsvmc 45:7

ümniiraq riikhaqli jaqsham kra lungwii tlaü; kiimaq abi kiimung ka tsaihai tlaü. Arningkhan Shiikeawe, üm Shiikeawe raq ümniika tsea wanto raüta hokham ahinti thaq na ümniima asho awo chochi kuqto,

Tvtsvmc 89:17

Ümniiraq naishiq ma re khat jonghea tiitangkuqlaü; ümlungwii wokhong maq naishiq ka nolajong tiija laüta rekhat kunkun tiitanglaü.

Tvtsvmc 89:24

Ngi raq apaiq milungwiiha lata tsapkapkap maq apaiq ka mirümha; Ngi raq apaiq ma rekhat tiitangwan ruq mirha.

Tvtsvmc 89:25

Ngi raq apaiq mungtan mitiijongha Mediterenian khamjong maq riita Euphretis Rai na saüli.

Tvtsvmc 96:13

ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

DUNGWVNC 15:6

“Tatiwe lei, ümjaq jaq tsi nü ningkun ka maiqkii maiq nyii henghea; kriimaq re thun ka bunlak buncha bukbaiqtlo.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

ISAIA 29:6

Ajong Pinthum Tatiwe raq ümniika ramok rachhai wa trangla rathaiq wan raüta kiimaq hiq jong tiimu wan raüta mitiichhii kuq wan. Apaiq raq henghea pinthum rathaiq mitiisaü. Kiimaq walü wa amok dung dung mitiikhiim wan.

ISAIA 32:1

Akhing ashi misaü wan, raüla hokham weshi midong. Apaiq raq mung ka tingting tri raütu sham raüta mipeng. Kiimaq mungtubi raq mung ka riikhaq tri raütu sham raüta mirüm wan.

ISAIA 45:24

“Tsangshiq raq Ngi lümaq lam lam li, rekhat mitang kiimaq ningkun milap wan; shatmaq Ngi ngengti thun ka tlotli raq jea mingaü.

EJEKIEL 29:21

“Ümtiikiiwa kriishe kupi wan jiiq, raüla Ngi raq Israil ka ningkun ajong miishe mitiija wanha. Lata Ngi raq, Ejekiel lei, ümniima mungmaiqse wiitarü raq taishat na bom mitiichongha. Krai mren, tsangshiq raq Ngi ardea Tatiwe ngutiishe misap wan.”

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.

1 SAMUEL 12:13

“Riita, ümchaü sanha namshiq raq ashong wan han hokhamwe ka, namshiq raq jaü lan we ka arshe, ümchaü Tatiwe raq apaiq ka namshiq ma shongkuqto she.

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 12:18

Kra ngu raüta Samuel raq achu jaüto. Krai mren, kra ranaiq niili, Tatiwe raq rathaiq ramok kiimaq rajun tiisaüto. Kra chhi raütiishe mungmaiqse tlotli ka Tatiwe ma nai Samuel ma ahai riito.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 15:28

Kiijiishe Samuel raq apaiq ma nguto, “Tatiwe raq Israilnok mungtan ka ümjaq wa chaibaiqto she. Raüta maiq weshi, ümnaq thaq na maiqshaq sitlaq kriiwe miishe kiinong kuq baiqto.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 7:10

Riita, Samuel raq honglu kra take rea akhing niili, Philistainnok ka Israilnok khat wa sinkhu nü na wato. Shatmaq kra jaqhea jiwea liipan niili, Tatiwe raq tsangshiq khuthaq na amok achhai dungdung ratiithaiq wanto. Krai mren, tsangshiq ka sunghü tsiihü she bok wanto. Raüta phiip raq tsai raüta pintrangto.