1 Peter 5:9 - ASII LAKDAP Bible (BSI)

⁹ Namshiq ka kamtsan tsii ka pharangrang maq si ronglaq. Apaiq ka long ronglaq. Jamkhano ngukla namshiq raq asap han, namkongtibi kamasham maiqsetiim mangjong tlotli na siti kiimin, kiikhiisii chamchao tlo.

Hawa Naga Bible 2001

⁹ Nuimshiq kuex nuimshiq rueq lvp wvnc tuit kvmluimx kuex tvtsuir tv-phaungx vtueq ralx waz kuex khvt tuingshaung gay shuinz, yvmx khoc lac ngoz ruiux lec mungkawx lotlaz nuex nuimshiq kvkhoc kvmluimx jix miqsaz htenc kvrulc rv-ngvlc yaq vkuilc vdaz rvhumc wuez yaq kuex nuimshiq rueq tuiuz vshuinx.

Muklom

⁹ Kam alam na arong tong eq piq shi táng inn, chammatakoi iri mingkang adak hantey tang tho irimal hun tsamnang chey aa ta nim aa usam eq inn.

1 Peter 5:9 Referencias Cruzadas

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

1 Corinthians 10:13

Namshiq raq ümchuwa phanrap maitai akhing lea wan tlan kriika, nanok wiitarü ma saü wan tlo sii. Shatmaq Shiikeawe raq apaiq kiqkham ka riikhaqli maq thü wan tlo. Kiimaq apaiq raq namshiq ma namshiq raq nin wan lot man chang maitai ka tiisaü wan mak miraq. Ümra akhing niiwa namshiq ma maitai saü tlaq, kra akhing na, apaiq raq namshiq ma anin wan ningkun mikuq. Kiimaq krai mren, kra maitai wa mong wa dong wan chang lamlu kiimin atiichhi mirkuq.

Ephesians 4:27

Thawe miika kilü naqdi kuq rongkiq.

Ephesians 6:16

Wranaiqshe kamtsantsii ka liiq ikha shamshat maq sirong laq. Ara liiq sham tlan kra miitiq Thawe raq hiip tlaq wa liqsin thun kra mito lot han.

Colossians 2:5

Ngi ka namshiq rai bashi na adam simang li jiimin, tiima tsantsii maq namshiq rai kiqshi tsiimshi li sitiikang. Kiimaq ngi ka namshiq wiitarü kiq ashi maq, Jesuq Khristo ma kamtsantsii pharangrang maq chap tlan kra chhi lalata kai chochi tiikang.

1 Thessalonians 3:3

Riita, naishiq raq apaiq ka namshiq phana tiiwakai, namshiq phong wa jumin, namshiq tiichamchaoti ma hai ma, jai na jangki nong man chang miitu tiiwakai. Akha chamchao litkot akhing, namshiq ma saü wan tlaq arka, Shiikeawe raq namshiq ma athiiq arwan, ahea miitu tiisaü tlo nguta, namshiq riimin la asap han.

1 Timothy 6:12

Nashiq kamasham rilung lamphan arka, aju riilong ikha. Arkha maq, ara kamasham rilung ju riilong na, samhea shiikut laüta julili riilaq. Laüta, ümniiraq pattup pat-sa rilung tsitsü poksi kra lap wanli chang miitu, shiichaq wan ruq ju laq. Shiikeawe raq ümniima ara poksi ara mikuq ha nguta, ümniiraq nokwe man na, Shiikeawe ma kamwan laü akhing ranaiq na, kiq kham raüpot khakuqto she.

2 Timothy 3:12

Jurwa Jesuq Khristo wokhong na, kechu rilung siwan miitu shiichaq tlaq, kriiti ka mitiichamchao dongdii ngushat.

2 Timothy 4:7

Ngi riika, ara kamasham rilung lamphan aju riilong na, nola we ashi ma ja lata, aju riilong thungtri riikhaqli maq juwan lot kang she. Ngi raq aju chang lamlu kra tiinyi li julot kang she. Lata, kamasham rilung ka awongsii ma tiija kang she.

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.

Hebrews 12:8

Riita, namshiq ka Shiikeawe raq asetiim, nanok ahinti jamkho tsatson tlaq kiikha tsatson mak jiika, namshiq ka aseshaq ka riiman, siqphin setiim nguta sap chang miraq.

James 4:7

Arningkhan, namshiq ka Shiikeawe wokhong na sanglili maq, ahea wiq maq si ronglaq. Lanta Shiikeawe wokhong maq Thawe ka, along lanta jobaiq ronglaq. Kra riihan jiika, apaiq ka namshiq tho wa aju she mirho.

1 Peter 1:6

Ümchaü jaqlo miitu namshiq ka phanrap phanrii, chamchao litkot walü mong maq lea wan chang li siraü min, namshiq wiitarü chojong chise miili sironglaq.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 6:11

Tsangshiq wiitarü ma khea thum samtong alü miirii achhuq chhuq kuqto chhikang. Kiimaq tsangshiq ka heashi ri nii tiitsak khe ronglaq, tsangshiq jamkho tsattaq kiikhiisii, tsangshiq ma aphu ano ümchuwa atsai chang asi shaq dea asi, kra wiita tiithumli khe chang nguta chongkuqto.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.