1 Peter 5:8 - ASII LAKDAP Bible (BSI)

⁸ Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Hawa Naga Bible 2001

⁸ Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.

Muklom

⁸ Rangtun eq kacha eq tong inn, chammatakoi nim ralwa thangwa shaq mal lingqhing eq ngil aa etho utang sha chung wang táng ta bi chey aa.

1 Peter 5:8 Referencias Cruzadas

ESTHAR 7:6

Kiijiishe, “Naishiq rewe sang jatiwe ka ara Haman ahata!” nguta Esthar raq hokhamwe ma chongbaiqto. Kra tai raütiishe, Haman ka hokhamwe nai hokhamnyung man na phiip raq tsaito.

YOBA 2:2

Tatiwe raq apaiq ma waito, “Ümniika ümbano kilaü?” Soitan raq treto, Tatiwe bom ka, “Ngi ka mangjong hiq na, ahong aha hiqkhu hiqmai tro khumkikang.”

Tvtsvmc 104:21

Hangsise kong ka ngamkaq lam maq gitrangtlo, Shiikeawe raq akuq ngamphaq lam maq.

Tvtsvmc 109:6

Ijaqtiwe kha photi ka abi phowe tsealaq, laüta apaiq jaqtibi phong wa weshi raq apaiq ma kha minyanlaq.

TAKSU LAK 19:12

Hokham tsankhiq hangsi hok wa; Apaiq mangchan rajun khamsa.

TAKSU LAK 20:2

Hokhamwe tsankhiq haüla, hangsikaü ahok ikha hailaq; Apaiq tsan tiikhiq haüla, tsailam mirhum haü.

TAKSU LAK 28:15

Mung rümtiwe ka abi raüla, asengi miitsan maiqse ka jamkha ijasiq miraq, Hangsikaü ikha ahok ahii wali miraq, Kiimaq chapbikaü hoktlaq ikha miraq.

ISAIA 50:8

Jamkhano ngukla Shiikeawe ka aje na asi, kiimaq apaiq raq ngi ka maiqsang nguta kha mipho. Ashi ra raq ngi ma kha nyan khamtiishea? Rung na adam maq warong phiina! Apaiq raq ngi kha minyan liina!

JEREMIA 2:15

Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

JEREMIA 51:38

Bebilon mungti ka wiita hangsi kong ikha gitrangtlo. Kiimaq hangsi sekong gantlaq ikha gantrangtlo.

EJEKIEL 19:7

Apaiq raq tiiwongchang jam thun tiibun baiqto, kiimaq apaiq raq chela thun tiithenbaiqto. Kra mungti apaiq hoktlaqtek phiip raq tsaito.

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

DANIEL 6:24

Kiijiishe, hokhamwe raq Daniel ma kha nyantibi maiq thun ka wiitarü lap wa rongkiq nguta aming kuqto. Raüta tsangshiq ka tsangshiq chak asetiim wiita nongnong miishe lapho raüta, hangsikong raq ama sitlaq khobok mong kiiniishe dobaiqto. Tsangshiq ka hangsikhok shamong hiq na misaü shaq liipan kiiwiili, hangsikong raq phiim rang raüta, arok arii bunlak buncha kaqphaq hoto.

Hosea 11:10

Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

Hosea 13:8

Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

AMO LUIK DVP (AMOS) 1:2

Amos raq akha chongto, “Tatiwe raq Jajon hiqlam maq gitlo; Apaiq giwatrang ramok watrang ikha, Jerusalem chela maq gitlo, nyamse rümchang nyiimlung wakram, wiitashe shinkito, kiimaq Karmel pum wa, nyamse rümchang wakram, wiita shinkito,”

AMO LUIK DVP (AMOS) 3:4

Hangsikaü raq rum na ngam kaqhü maq gitliishea? Hangsise ka abumchang longsha na, ngam phaqhü maq migansiq shea?

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

JEKERIA 11:3

Tsanbi tsi ma mungtubi hoqtrang tlo, tsangshiq khushü thumto she! Taimanta rum na hangsikong gitrang, tsangshiq haisea chang Jordan raiwiiq, shiithen baiqto she!

JEKERIA 3:1

Jangshi ri hali Tatiwe raq ngi ma Ramwe Jongwe Joshua ka Tatiwe rase khaki na chapraü tiichhikuqto. Kiimaq Joshua ma jaqtsi nü na Thawe kiimin Joshua tiishut miitu chapraü chhikang.

Matthew 13:39

Kiimaq sanglai wanwati we wesang ngutlaq kriika thawe kra nangnga ngutlo. Tsamhan akhing ngutlaq kriika phangthum akhing kra nangnga ngutlo. Kiimaq tsamhantibi ngutlaq kriika rasetiim kra nangnga chongtlo.

Matthew 24:42

“Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 4:1

Kra jai maq Asii Wenyi raq Jesuq ka Thawe raq mimaitai laq nguta kumtsaiphii binjü niishe sheahoto.

Matthew 4:11

Kra jai miishe, Thawe raq Jesuq ka teibaiq thüto. Kiimaq rasetiim she saüki raüta, apaiq ka shiikum pan kuq wanto.

Mark 4:15

Maiq wiijam ka tsamlai lamjong na arok kiikha, tsangshiq raq Shiikeawe bomtsi ka tairili, Thawe ka waraüta, tsangshiq tsan mong wa, Shiikeawe bomtsi kra tsunsiq tlo.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Luke 22:31

Jesuq raq nguto, “Simon le, Simon le! Tailaq! Thawe raq Shiikeawe jaq wa, namshiq wiitarü ka maitai ma nguta, arang ka alap wan wishe. Wak jaqsham seati raq, tsam ka ashaq nai achhii chüp baiq tlaq ikha, maiqchhii chhiiti kra maiqshaq shaqti phong wa michiip baiq.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

2 Corinthians 2:11

Kra mra diikuq tiikang kriika, Thawe raq nashiq khu thaq na, ajaqkaiq maq sham mak chang miitu, diikuq tiikang. Jamkhano ngukla, nashiq raq apaiq hon aja ka asap i.

Ephesians 4:27

Thawe miika kilü naqdi kuq rongkiq.

Ephesians 6:11

Namshiq ma Shiikeawe raq kuqtaq rekhat chang miirii ka wiita kunkun maq tiimiikhiiq lanta sirong laq. Kra riihan jiitiq, namshiq raq Thawe abi kiimung thun ka wiita mito wan lot han.

1 Timothy 2:15

Shatmaq, jechak ka ashong anga raüta, asetiim hum wan tlaq kra lümaq mitiichhii wan. Kiitiina, apaiq ka kamasham lam phan na, pharang rang maq siwan chang. Kiimaq lungwii tsantsii ama maq, kiimaq asii tiima tsantsii thü raüta, saksi minmi maq sichang.

1 Timothy 2:9

Kiimaq namshiq jechakre miimin ara tsii chongke ro tiikang. Namshiq ka noqku akhing na, khu akhea ka samhea, maklii na athuk atsom samlanta lom dam ronglaq. Shatmaq, namshiq miirii ka athii atsin phan, apan alan samlanta, kiimaq chaq aseng laktum nai niti maq tiimiikhiiq lanta, noqku lomdam ka riikhaqli riimak.

1 Timothy 3:11

Kiimaq tsang-nyungre kiimin maiqshaq, arong arai ahea, abom asa na sobsob bombom maq siti riichang. Tsangshiq raq shapshaü miqshii pan raa mak. Tsangshiq ka phanrap na athuk atsom maq jaqshamti riichang.

1 Timothy 3:2

Phungtu shun sheati maiqla ashi she ngutlaq kriika, maiqshaq, shiilang ashi riichang. Tsangnyung ka ashi li riichang. Apaiq ka bom asa na, pharangrang riichang. Phanrap na stiq skhaq maq siti riichang. Athuk atsom jaqshamti riichang. Apaiq ka ajam na wanwe saü raü jaq, wanwe shiililii atsinti riichang. Kiimaq se ano ma honchong tsiichongke atsinti riichang.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

Titus 1:8

Apaiq ka, wanwe shiiliti riichang. Kiimaq jamlai wa ahea sitlaq, kra phan jaq shamti riichang. Apaiq ka phanrap anin raüta sitiwe riichang. Mitting maiqse ashi riichang. Apaiq ka, akhum Shiikeawe ma kiinong raüta siti riichang. Kiimaq phanrap na athuk atsom shiiting shrai raüta, shiiku wan wan maq sitiwe riichang.

Titus 2:12

Kra kaphap mangchan khoqramkii lümaq, nashiq ma, kechu maiqse rilung siwan miitu ningkun kuq tlo. Laita mangjong ngarai han-ngam tsii kharü mong wa dong wan miitu, ningkun kuq tlo. Laita, nashiq raq stiq skhaq rilung, tingting rilung, kiimaq Shiikeawe ma kiinong kuq laita asii ngamrea rilung siwan miitu ningkun kuq tlo.

Titus 2:2

Maiqlare ma tsii chongkuq ruq riilaq, tsangshiq ka maiqla nguta kamto maq misi laq. Tsangshiq ka phanrap na taksu maq sichang, kiimaq phanrap ka anin raüta sichang. Tsangshiq kamtsantsii ka awongsii mirüm laq. Kiimaq nanok ma lungwiitsii rüm tlaq kriika, khangriri hea maq mirüm laq. Kiimaq phanrap na, nin wan ruq maq misi laq.

Titus 2:4

Tsangshiq raq maiq ma wanyeti, nose shaqli sitlaq ata-nyungre ma, maiqmii tapkun na, maiqmii we ase, kiimaq asetiim ka jamkhii lungwii chang wa, raüta jamkha tiijonglu chang wa, kra chongke chang.

Titus 2:6

Ara chongtiikai kiikhiisii hali, noriibi miimin, phanrap na maiqmii tiima tsantsii ka anin raüta siwanti riichang nguta tsii chongkuq laq.

James 4:7

Arningkhan, namshiq ka Shiikeawe wokhong na sanglili maq, ahea wiq maq si ronglaq. Lanta Shiikeawe wokhong maq Thawe ka, along lanta jobaiq ronglaq. Kra riihan jiika, apaiq ka namshiq tho wa aju she mirho.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.

Revelation 12:12

O ramungtan thun lei, ümchaü sanha chochi rong liishe! Ramungtan na siti tarü chochi rong liishe. Shatmaq, ümchaü ka mangjong hiq nai sammoktra jü ma, phiiptsi chang she saü wato. Thawe ka namshiq phaniishe satkito. Atsankhiq wa wanii tu kaü piraü she satkito. Apaiq ma mangjong jamsha wan rahiq akhing ka athum wan she!”

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 20:10

Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.

Revelation 20:2

Rase raq prenkaü ka khahoto chhikang. Apaiq ka richü pat wa paükaü kra. Apaiq mang ka Thawe riimak la Soitan ngutiimin ngutlo. Rase raq apaiq ka jinraü maq tep khato. Raüta rase raq apaiq ka hiqkhobok jonghea acha ahü linlii mong kiina tiidea baiqto. Raüta kilü ka shaq raüta sil maq phan baiqto. Thawe ka kra hiqkhobok jonghea acha ahü linlii mong na rawii hingshi phaqtek na tiikhashat misi. Kiimaq kra liipan na apaiq raq maiqse angu mangjong hiq wiika lao lot mak she miraq. Kra rawii hingshi phaqtek na shaq jai she, apaiq ka jaqlo miitu adii baiq chang midongki nong.

PHOWEBI 14:5

Krai mren Samson ka awe nai anyung rai Timna chela na kihoto. Tsangshiq ka spiqro wakram lam maq akai rai riito. Kiittiikaq apaiq raq hangsi kaü are ashi ahok watrang taito.