Biblia Todo Logo
La Biblia Online
- Anuncios -




1 Peter 5:8 - Hawa Naga Bible 2001

8 Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.

Ver Capítulo Copiar

ASII LAKDAP Bible (BSI)

8 Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Ver Capítulo Copiar

Muklom

8 Rangtun eq kacha eq tong inn, chammatakoi nim ralwa thangwa shaq mal lingqhing eq ngil aa etho utang sha chung wang táng ta bi chey aa.

Ver Capítulo Copiar




1 Peter 5:8
61 Referencias Cruzadas  

Esther rueq, “Nuiyshiq ralx, nuiyshiq guirguenc jix waz kuex vruex layx bac waz Haman rvtueq!” ngoz tueq tvralc tueq. Kvkaq Haman kuex hokhvmx waz nuiyc hokhvmx nyuiuz mvnz nuex hiyaz kvkhuirc tueq.


Yehowa rueq piq muex, “Mnoz mmaq vkaz lac?” ngoz tueq wiz tueq. Satan rueq, “Ngaz kuex vyuq, nuex kvyuq khuemx shamx vtueq ghaq nuex kvroz khuemc vtaungx,” ngoz tueq tvralc tueq.


Hangsic roalc htenc kuex phuiuz svy thuiyx phauk saq yaq nuex vhuk rvyaq, tsuingshiq kuex Tishox rueq kuq yaq phuiuz vsvy kuex thuiyx wuez yaq.


Ngvy ralx muex khac phoc kuy tvkoc kuimphox muex rvnphvnx jix phoc waz kuex thvl taq shuiuz, piq ralx hez phungc wawc washiz shiz kuex piq muex mvrax tvgurc jix tvyaungc shuiuz.


Hokhvmx thuinkhvy kuex hangsic gawx ikhoc rvtueq, piq kejux kuex renhttuingx htauk nuex dvy yaq buing ikhoc rvtueq.


Vhuk vhex rvyaq hangsic ikhoc vthuinz khaq yaq hokhvmx waz muex kvhiz kuinz; piq muex thuinz tvkhvy miqmac shauk gvnz thvy gay rvtueq.


Layx bac mungx walaungx waz htumc nuex htemc saz jix kuex romc kuy jix vguez; kvruex waz kuex vhuk hex rvyaq hangsic nuiyc vphuiuz vsvy thuiyc khuemx yaq japbawx rulc rv-ngvlc kvhiz juing rvtueq.


yvmx khoc lac ngoz ruiux lex Tishox kuex ngvy hep nuex httax yaq, vpiq rueq ngaz mvrax vguez lvmz hakhix kuex tvkhic shuex. Ngaz muex nyvnc jix miq vshiz shiz vhttax haz? Rungx nuex rvtuimx kaz wuez ix! piq rueq nyvnc yaq kuex mlaq rueq!


Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.


Babelon mungx miqsaz lotlaz kuex hangsic htenc ikhoc thuiz vtueq, hangsic sahez ikhoc miauz tuex.


Piq rueq nolaungx ghaqshungc htenc httak gay ruiux ghaqyungx htenc tvbac gay tueq. Piq huk tuex ruip rawx mungtan miqsaz htenc hiyaz kv-khuirc wuez yaq.


Tsuingshiq walaungx bix kuex vhuk raz tueq ngvmx htenc puinz kauk gay yaq hangsic htenc ikhoc rvtueq. Tsuingshiq rueq miq htenc kuex thvt gay ruiux, kuimphox nuiyc tsak vnyvmx htenc kuex taungx shuex tanc khvnc lvmz wvnc yaq, tsuingshiq rueq miq thvy ningkhvnc nuex mvntix nyuiuz hez paung yaq.


Kvruex yimaq hokhvmx waz rueq Daniel muex mvrax tvgurc jix lotlaz kuex lvp tvkoc bomc tvdvy tueq, tsuinghez rulc vdvmz tsuingc taungnyuiuz hez nuiyc tsuingc sahez htenc tauk hangsic mvrc yaq ghaqkhurx nuex tuip gay rvhumc wuez tueq. Kvruex hez kuex ghaqkhurx jaung nuex muinz max httuiuc kaz tueq dvyx tsuinghez kuex hangsic rueq kauk vtueq tsuinghez ruk vrawz htenc doc muinz tvbunx kauk gay wuez tueq.


“Tsuingshiq ralx htenc kuex hangsic ikhoc ngaz rueq ramc ruiux yuq ngvy miqsaz htenc rueq ngvy yix nuex phvnx wuez phuex. Tsuingshiq kuex shalx nyuip kox maq ngvy kox nuex htat htat httuiuc waung ruex.


Ngaz rueq nuimshiq kuex vsaz tvmoz gay tueq japbawx kuiux rueq ikhoc khvt vtueq nuimshiq kuex puinz juir gay phaungx. Hangsic rueq ikhoc kauk shuex baung kvyuq dvyx phauk vtueq vsvl vwvl rueq ikhoc tvhtaq tvruk puinz gay phaungx.


Yehowa kuex Zion Kanx maq ramc vtueq; vpiq tvruingc kuex Yerusalem maq rv-nyawx yaq; ghaq nuiyc raungx kuex kvkhuirc kvbuilc yaq. Yuq muinz vpiq kuex vpiq miqsaz htenc tvguing jix muex yaungx tuex.


Amo rueq, “Yehowa rueq Zion Kanx maq ramc yaq; vpiq guyc tvruingc kuex Yerusalem maq dung yaq. Ngac remc juing htenc httuiz rawk wvnc vtueq, Karmel Kanx htauk wawc renhttuingx yuiuq kaz,” ngoz tueq jungx tueq.


Hangsic rueq luingx mungx nuex ngvmx humc muq maq huk hex yaq haz? Hangsic vroalc kuex vphuiuz juing lvp muq maq, piq luix mungx nuex huk hex yaq haz?


Hangsic huk hex ruiux yuq, hiz muq maq ukhaq lac httax lot tvnx? Johvlc Yehowa kvjak ruiux yuq, rawshvmx shvmx muq kuex ukhaq lac rvtvnx?


Mungx walaungx bix kuex guyc vtueq yonz wuez yaq; tsuingshiq ngauz vngax htumx kaz shex! Hangsic htenc huk yaq thuic kuex tay shuinz; tsuingshiq httaz juing Yodan ruilx hong wawc luingx vlak htenc kuex sawc kaz shex!


Yehowa rueq ngaz muex vganc romzyac tvkhic nuex Shomc Wayungx Yoshua kuex Yehowa raungkamx waz khaungkac nuex jvp yaq kuex tvkhic phuex. Yoshua hep nuex piq muex mvrax nyvnc tvkoc Satan jvp yaq.


vlix wuinc jix ralx waz kuex htaungc waz rvtueq. Tsvmz gvnc jauz kuex ghaq htumx wvnc tuex raungnuiyq kvruex rvtueq, tsvmz gvnc jix kuex raungkamx bix rvtueq.


“Kvkhoc rvtueq honc lvmz hvt maq bvmc wuez shuinz, nuimshiq Taungjix waz kuex mruex kaq wuez httuiuc kaz yaq nguinx nuimshiq rueq tuiuz muit.


“Kvruex yimaq vpiq yauk phvrx kox nuex httaz jix htenc muex, ‘Mvnhttonc rvhumc jix htenc lex, ngvy kox wawc rv-phvlc wvnc kuinz! Htaungc nuiyc piq kamx waz hez tvkoc vtvyoalc taq pattup wvr mungx kvyuq kaz wvnc kuinz!


Kvruex yimaq Htaungc rueq laulawc mrvhumc kueq ngoz tueq, Vsawc Siyac rueq Yesu kuex kumtsvy tvnx nuex shvlx wvnc tueq.


Kvkaq lvmx lvy dvyx Htaungc kuex vpiq kox wawc dung kaz wvnc tueq; Raungkamx bix httuiuc kaz vtueq Yesu muex joalc moalc kuq tueq.


Miq vbez kuex lvmx nuex vdvy vlix htenc rulc rv-ngvlc yaq, tsuingshiq rueq bomjungc kuex tay wvnc shuex nuex dvyx, Satan kuex kaz vtueq tsuingshiq nuex vwuinc bomjungc kuex tvdung lvmz kuq gay tueq.


“Nuimshiq kuex phuiuz bac, svytac, joal juk pawc vtueq rullungx tvraungx lvmx tvkoc rvwvlc tvmaung lvmx htenc rueq nuimshiq kuex puingc taungx wvnc muq mruez shueq, honc lvmz hvt rvshuinz, rvmuq ngoz ruiux khac phox shuex Raungnuiyq kuex bix juimz yaq ikhoc nuimshiq htauk nuex huingc rvhet laz httuiuc wvnc tuex.


Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.


“Simon lex, Simon lex! Tay shuiuz! Nuimshiq kuex tsvmz jap shix ikhoc jap gay muex Satan rueq vkhangx vlvp wuez shex.


Nuimshiq kuex nuimshiq waz ngoz vshuinx htaungc piq sahez rvtuit, kvkhoc ningkhvnc nuex nuimshiq waz thuinroc lvmx kuex phvnx vtueq shuimx kaz vshuinx, htaungc waz kuex vphaungc vyaungc maq phuex miq thvy jix waz rvtueq, piq htauk nuex tsuingrux lvmx vguez ningkhvnc nuex tsuingrux lvmx nuex httax lot muq. Piq kuex vrot vkaq bomjungc jix waz rvtueq, piq kuex vrot waz muex vwaz rvtueq, miqmac gvnngvmx thuinz rulc rv-ngvlc vrot vkaq dvyx jungx thenc yaq.


Kvkhoc ngoz ruiux jix Satan rueq naungshiq htauk nuex taungx lot muq tvkoc tuingshaung lot shix; yvmx khoc lac ngoz ruiux lec piq rueq kvmungx yaq kuex naungshiq rueq tuiuz vshix ningkhvnc nuex rvtueq.


Htaungc muex vkhangx nauk kuq gay kaz.


Htaungc rueq laulawc yaq lvmx htenc lotlaz kuex nuimshiq rueq tvgawx tuing gay lot tvkoc Tishox rueq nuimshiq vkuq nolaungx marrarc kuex svmx wuez shuinz.


Yuq muinz yalxjuik nyuiuz shiz kuex kenx ririx httax vtueq kvmluimx lvmx, lungwawc lvmx, vsawc lvmx nuex tvhttoarc vtueq hunglaungx ruiux yuq kuex vjawc rvkuq tueq ningkhvnc nuex piq kuex palc daungc wvnc rvhumc tuex.


Yalxjuik rulx muinz kenx ririx maq tsuingshiq khosvmc khvysvmc lvmz nuex vsvp vrvp mkvpemc marc wuez kueq; khux kuex phop tvsvp rvp lvmz, kuimshawx nuiyc kuimpuic rvmuq ngoz ruiux vhtawz tsanc hvlc phvnx khoz vkhvy maq kvpemc marc muq maq,


Tsuingshiq taungnyuiuz tamx muinz honc vlayx vhvlx jix raz tueq, vngoc vngac kvjaz jungc jix waz rvmuq maq, kenx ririx raz tueq phvnx ruip saz nuex tsuingrux jix htenc yaungc rax tuex.


Phungc walaungx washiz kuex mvrax kop muq waz, vtaungx nyuiuz vshiz dvyx lvmc jix waz, honc lvmz hvt waz, miqmac shauk gvnz kvguing lot jix waz, kenx ririx httaz ngaungc jix, wuinz waz malc thenc jix nuiyc tvluingc kuy thenc jix waz yaungc rax tuex.


Yuq muinz Taungjix kuex ngaz rulc vdvmz httax vtueq ngaz muex hungc vlaungc kuy ningkhvnc nuex, ngaz rueq Pungnuk miqsaz lotlaz rueq tay lvp laz juing bomjungc kuex hungx laz htaungx laz mjungx phvnx kuq shueq; vthvy gay muex htvp htaz rvhumc tauk wawc palc rvhumc tauk.


Wuinz waz malc thenc jix, vhvlx lvmx kuex lungwawc jix ruec rax tuex. Miqmac shauk vgvnz kvhtuing lot jix, vtsuing vrux jix, vsawc jix nuiyc tvrac phvnc jix waz ruec rax tuex.


Naungshiq kuex naungshiq muex yunghvlc Tishox nuiyc Palc Taungjix Yesu Christu ngauz vngax dungc wvnc tuex kejux Raungwuic kuex tvluimc bvmc vtueq, tvrac tvtsanc muq thuinz nuiyc mungkawx rvnphvnx thuinz kuex gay shec tvkoc muinz,


Rullungx nyuiuz waz miqwaz rulx kuex joal nuingx muq maq honc lvmz hvt httaz tvkoc, kenrix rix httaz tvkoc, khiz tuiuz thenc tvkoc nuiyc miqmac shauk pumz htuing lot tvkoc muinz, rvkhauk laz kvmluimx thuinz httax vtueq, lungwawc ruiux vnanx thuinz htenc mvrc wvnc tvkoc muinz tvluing kuq shuiuz.


Kvkhoc ngoz ruiux jix tsuingshiq rueq miqmac htauk nuex rullungx nosaz yalxjuik rulx muex tsuingshiq taungwaz nuiyc vsaz hez muex lungwawc lvmz,


Kvrulc rv-ngvlc yalxrox bix muinz kenx ririx maq mhttax kueq tvhonc tvtharc kuq shuiuz.


Kvkhoc rvtueq Tishox thuinroc lvmx kuex phvnx wuez shuinz; htaungc waz kuex tuingshaung gay shuinz; kvkhoc ngoz ruiux yuq jix piq kuex nuimshiq kox kvwawc yuz wvnc tuex.


Kvkhoc rvtueq nuimshiq rueq shuimc lvmc wvnc tvkoc nuimshiq thuinz vmungx htenc kuex tvyoalc wuez shuinz. Yesu Christu httuiuc kaz tuex nuex nuimshiq muex kuq shuex kejux kuex vruing raung thuinz vguez maq honc svmz hvt maq tvsawc ric thuinz tvluimc bvmc shuinz.


Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.


Kvruex yimaq raungmungx wawc tvruingc yunghvlc maq, “Majuiuc Tishox rueq palc daungc wvnc juing lvmx kuex httuiuc wvnc yaq! Majuiuc Tishox kuex luimc vkawc httaz hvlc maq Hokhvmx yaungx yaq! Majuiuc vpiq Mesia rueq vpiq vrangx vpangx kuex tvkhic yaq. Yvmx khoc lac ngoz ruiux lec naungshiq phuz vnox bix kuex raungnuiyq raungwvrx Tishox khaungkac nuex mvrax tvgurc kuy jix htenc kuex raungmungx wawc yurc gay tueq shex.


Kvkhoc rvtueq raungmungx nuiyc raungmungx wawc miqsaz htenc lex, kokez wuez kuinz! Yuq muinz ghaq nuiyc svmuktvrax kvlec kuex kuilc daz rvhumc vtuex. Yvmx khoc lac ngoz ruiux lec Htaungc kuex piq raungwuic raungluingx saz dvyx shex httax yaq kuex tuiuz vtueq, pinhtumc khaq ruiux nuimshiq kox nuex httuiuc kay ningkhvnc nuex rvtueq,” ngoz tueq jungx yaq kuex ngaz rueq tay tauk.


Mungkawx tvlot laz rot kaq tvshonx jix Htaungc rvmuq ngoz ruiux Satan ngoz yaq mvnnuex wawc yungrex kuiux kuex, piq mangx bix rulc vdvmz nuex ghaq nuex tuip gay rvhumc tueq.


Kvruex yimaq tsuingshiq muex laulawc jix waz Htaungc muinz kanz wvr jumx nuex tuip gay rvhumc tueq, kvruex wvr jumx kvyuq svl vwvl kuiux nuiyc vrot vkaq shvmmax bix muinz vtuip gay vrvhumc wuez shex; tsuingshiq kuex pattup pat-sac raungnuiyq raungwvrx tvkuilc daz guirguenc rvhumc wuez yaq.


Piq rueq Htaungc Satan rvtueq mvnnuex wawc yungrex kuiux kuex lvp vtueq, yanruiuz maq wawc hingshiz khvrc taq gay tueq.


Kvkaq Samson kuex vnyuiuz waz rulc vdvmz Timna ghaq nuex kaz tueq. Tsuinghez kuex svpiq sunc lvmx maq lvy kaz yaq nuex hangsic roalc laz waz vshiz thuiz yaq kuex piq rueq tay tueq.


Síguenos en:

Anuncios


Anuncios


¡Síguenos en WhatsApp! Síguenos