1 Peter 5:10 - ASII LAKDAP Bible (BSI)

¹⁰ Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

Hawa Naga Bible 2001

¹⁰ Yuq muinz nuimshiq kuex vlosaz dvyx kuilc daz rvhumc tuinx yix maq, kejux lotlaz Taungjix rvtueq Tishox rueq nuimshiq kuex Christu rulc vshiz dvyx tvyaungc ruiux, pattup ngauz vngax nuex nyuip lvp wvnc muex, nuimshiq gvl jix Taungjix vpiq rueq nuimshiq kuex vrax vguez laz juing hunghtaungx tvmvrc lvmz, tv-phaungx ngaungx lvmz, hungc vlaungc tvmvrc kuq vtueq phaungx ngaungx yaq ruingshungc nuex jvp lvp vkhangx kuq kv-phuinx.

Muklom

¹⁰ Etharin nim chomrey tsamnang kap inn jo, tinshit tey Shkewa bara Khristo jam moq kara eq nim ma pattuk phun amun ma hal taphin, piq ni piq aa hun nim ma tarong, tinthajong etho jaqhal tatsing kot phanin.

1 Peter 5:10 Referencias Cruzadas

Tvtsvmc 119:28

Ngi ka aho ajüsea riili she tsai wan kang; ngi ma ningkun kuqtlaq, ümkiqkhamlaü kra phanphan.

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

Romans 15:5

Riita, ija, ara chong tiikang arai mren, anin wan ningkun kewanti nai tsaido jido kewanti Shiikeawe raq, Jesuq jamkho siwantaq kiikha, apaiq jaiphan phan, namshiq liipan niimin, kiqshi tsiimshi maq siwan miitu ningkun mikuq laq, nguta achuli jaü tiikang.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

Romans 9:11

Riita, tsangnai siphu wenai kiiwa, weshi tsea wantaq kriika, Shiikeawe apaiq raq thapthi tlaq kra phanphan tsea wanto nguta tiichhike miitu, Shiikeawe raq Rebeka ma, “Ümse wenai kiiwa, aphu we ka ano we jaqkhong na misi,” nguta chongkuqto. Shiikeawe raq ara Rebeka ma chongkuqtaq arka, tsangnai siphu rawii min michhi shaq niiphü chong kuqto. Kiimaq tsangnai raq, tsangnai jaq maq jamlai phan ahea abi sham akai min, misham wan shaq niiphü, Shiikeawe raq, ara bom ara chongkuqto. Krai mren, Shiikeawe raq tsangnai siphu wa, weshi tsea wantaq kriika, Shiikeawe apaiq raq kiqkham wantaq, kra thaq na seng raüta, chechiip wanto. Tsangnai raq Shiikeawe man na, jamlai phan Shiikeawe tsan tiiheali chang, jaqsham ahea sham raüta tsea wan ka riimak.

Romans 9:24

Ara jamkhano chongtiikai ngukla, nashiq arka, apaiq raq ashea wan maiqsetiim nguta sitiikai. Nashiq phong wa maiq wiijamti ka, Jehudinok phan wa atsea wan. Kiimaq wiijamti ka Pongnok phan maiqse wa atsea wan.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

1 Corinthians 1:9

Namshiq raq Shiikeawe ma pinthum kamchang, Shiikeawe raq nashiq TATIWE, Ase Jesuq Khristo rai adam maq siwan miitu hea wanto she.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

2 Corinthians 4:17

Ümchaü nashiq raq chamchao litkot lea wan tiikai arka alose miituli. Kiimaq arthun chamchao arka jai na nashiq raq lap wan chang sitlaq kiimaq thi hai jiika aranseli. Ara chamchao tiikai ara tsingo ka, rawiichii nashiq raq rahea, jonghea phan lap wan chang sitlo. Kriika pattup thenki mak phan. Kiimaq nashiq raq pattup pat-sa rilung milap wan rong i. Laita Shiikeawe rai adam na misi rong i.

Philippians 4:13

Khristo raq ngi ma ningkun kuq tlaq kriimaq, ngi raq phanrap akhing saü wan tlaq kra nin lot tiikang.

Colossians 2:7

Namshiq rang ka apaiq khum na atsaü maq cham rong laq. Kiimaq namshiq rilung jam ka apaiq khum na hai rong laq. Lanta namshiq ma jamkhiiwa tlang kuq wan kai, kiikha kamasham na ningkun ajong maq si ronglaq. Lanta tsan na kechutum aliim alei miili si ronglaq.

1 Thessalonians 2:12

Naishiq raq namshiq ma tsaido jido, sungkhu tsiilam phanchan kuqkai. Kiimaq boqpum wan kai. Laita, Shiikeawe tiichochi chang rilung kli singa rong liijo nguta, noho ikha chongkuq kai. Shiikeawe raq namshiq ka apaiq wokhong na si raüta, apaiq achhai anyii rilung kra riisha wan dam lanta, shongnga miitu hea wanto.

2 Thessalonians 2:14

Shiikeawe raq namshiq ka apaiq jamkun na hea wanto she. Arka naishiq raq namshiq ma phanchan kuq kai Tsütsa Ahea lümaq shunshea wanto. Shiikeawe raq namshiq ka Tati Jesuq Khristo chhainyii rilung kra riisha wandam miitu tsea wanto.

2 Thessalonians 2:17

Raüta, namshiq ka wranaiqshe athuk atsom jaqsham miitu, kiimaq athuk atsom bomtsi kra chongkuq lantli siwan miitu, ningkun mikuq laq nguta, ngi raq achu jaükuq tiikang.

2 Thessalonians 3:3

Shatmaq, Tatiwe ka pinthum tsapkap hea we. Krai mren, apaiq raq namshiq ka winji rilung na, nola ma mitiija wan. Raüta, namshiq dü na, Abi Thawe jaq ka tiimiiq mak, mikhup wongkuq.

1 Timothy 6:12

Nashiq kamasham rilung lamphan arka, aju riilong ikha. Arkha maq, ara kamasham rilung ju riilong na, samhea shiikut laüta julili riilaq. Laüta, ümniiraq pattup pat-sa rilung tsitsü poksi kra lap wanli chang miitu, shiichaq wan ruq ju laq. Shiikeawe raq ümniima ara poksi ara mikuq ha nguta, ümniiraq nokwe man na, Shiikeawe ma kamwan laü akhing ranaiq na, kiq kham raüpot khakuqto she.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

2 Timothy 2:10

Ara ningkhan tiina, ngi ka Shiikeawe raq maiqse angu phong wa, apaiq riishe nguta tsea wan tiiti thun kra miitu, phanrap phanrii litkot chamchao, haikaiq haike, shumraü kharü wiita nin lata, sitiikang. Arka, Jesuq Khristo lümaq kuq tlaq tiichhii wan rilung kra, milap wan laq nguta, raüta tsangshiq raq pattup pat-sa Shiikeawe khushü kra mitiijong laq nguta nin tiikang.

Hebrews 9:15

Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.

1 Peter 1:15

Kra rii na ümchaü sanha, namrilung ka siirairai she thü rong laq. Namshiq raq phanrap jaqsham tlan na, asii arai maq sham lanta sirong laq. Namshiq hea wanti we Shiikeawe ka jamkho asii sitlaq, kiikhiisii namshiq min asii si rong laq.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--