1 Peter 4:9 - ASII LAKDAP Bible (BSI)

⁹ Kongtibi Phungmaiqse tiidüsat miitu, namjam hiqkhu ka chinje maq thü ronglaq.

Hawa Naga Bible 2001

⁹ Kvbot kv-nyvnx muit maq nuimshiq vdvmz dvmz wuinz waz malc wvnc lvmz nuex vrax vguez laz juing shuimx kaz shuinz.

Muklom

⁹ Jaapjo hunga ashey eq ashey shi rimrang inn.

1 Peter 4:9 Referencias Cruzadas

RAPHA HIQWA LAK 24:19

Apaiq raq kham ka nyanglot kiitiishe, kriinyung raq nguto, “Ngi raq üm kumtsong kong kriimiimin kham ka khukuq pha. Tsangshiq raq ümchu nyang chang wa kra minyanglaq.”

Romans 12:13

Namshiq jaq na jamlai wa asi kriimaq, namkongti Phungmaiqse alit akotti sitlaq kra, khrum kuq ronglaq. Kiimaq namshiq jam na Phungmaiqse wanhiq khumti dü wan miitu, hiqkhu ka chinshat maq thü ronglaq.

Romans 16:23

Ngi sitiikang jamchongti Gaias, apaiq jam na noqkutlaqwe raq namshiq ma apaiq salam tiiwantlo; Erastas, chela tsiiqtum khetiwe kiimaq naphunowe Kuartas raq namshiq ma tsangnai salam tiitaitlo.

2 Corinthians 9:7

Arkha maq, maiq khumtek raq juwe riiwa, maiqmii tsan na jamkha mikuqha nguta wa tiima tlan, kra phan phan kuq rong laq. Akhan anyan lam maq lo, kiimaq aming shiikhoi ikha tiima raüta kene ka riimak. Ara jamkhano chongtiikang ngukla, Shiikeawe riika jurwa tlungwii raüta kuqtlaq, kriiti ka lungwii tlo.

Philippians 2:14

Arkha maq ümchaü sanha, phanrap jaqsham kaiwa ümchuwa sham tlan, jaqsham lam maq, naq bot tsaü rongkiq. Kiimaq jaqsham lam maq naq riikhii riilea rongkiq she.

1 Timothy 3:2

Phungtu shun sheati maiqla ashi she ngutlaq kriika, maiqshaq, shiilang ashi riichang. Tsangnyung ka ashi li riichang. Apaiq ka bom asa na, pharangrang riichang. Phanrap na stiq skhaq maq siti riichang. Athuk atsom jaqshamti riichang. Apaiq ka ajam na wanwe saü raü jaq, wanwe shiililii atsinti riichang. Kiimaq se ano ma honchong tsiichongke atsinti riichang.

Titus 1:8

Apaiq ka, wanwe shiiliti riichang. Kiimaq jamlai wa ahea sitlaq, kra phan jaq shamti riichang. Apaiq ka phanrap anin raüta sitiwe riichang. Mitting maiqse ashi riichang. Apaiq ka, akhum Shiikeawe ma kiinong raüta siti riichang. Kiimaq phanrap na athuk atsom shiiting shrai raüta, shiiku wan wan maq sitiwe riichang.

Philemon 1:14

Shatmiitiq, ngi raq ümniika ngi khrumke raa ma nguta, jaqla maq athaürea ikha ka romang. Kra rü na, ümniiraq maiqmii tlungwii laüta, khrumkuq tlaü we ka, maklii na athuk atsom. Kriikha maq, ngi nü maq ümniima athaü rea ikhiika chong mang. Ümniiriimin, ahea dea nguta trehü miika, jamlai min klo romang.

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

Hebrews 13:2

Namshiq jam na wanwe dii tlaq kra shiililii ka naq laq rongkiq. Richü pat na, maiq wiijamti raq wanwe tao tiikai anguli, rasetiim taoratto. Tsangshiq riika, wanwe khla tao tiikai angu li, rasetiim tao wan ma jato.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.