1 Peter 4:10 - ASII LAKDAP Bible (BSI)

¹⁰ Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.

Hawa Naga Bible 2001

¹⁰ Nuimshiq Tishox kox wawc htep kejux yauk noalc htenc lvp wvnc tuit rulc rv-ngvlc, Tishox kejux yauk noalc phvnx ruip saz kuex vhvlx shuimc waz ikhoc vdvmz dvmz vhvlx kejux laung nuex shuimx lvmz wuez shuinz.

Muklom

¹⁰ Nim thaji aa bari jakkot raa Shkewa wang kap tin, eshi jakkot sha Shkewa ching wang thangchan ta tathin eq ashey eq ashey ma jaqhal eq somlo ching.

1 Peter 4:10 Referencias Cruzadas

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Matthew 24:45

“Riita ikhiijiika juwa atsii asi kiimaq maiqshaq jaqshi se ka? Apaiq ma atijong we raq, apaiq ka wanhiq na kaiho ma, ajamkun kra mitiikhe thü. Kiimaq ajaqshisetiim ahinti sitlaq kriima akhing khaq khaq na tü adung tiiphaq siq lili riiliijo nguta apaiq ma arang mikuq thü.

Matthew 25:17

Kiikhiisii hali ajaqshi se chaq kampho hingnai lapti we riimin hingnai tliip lapto.

Matthew 25:44

“Kiijiishe tsangshiq raq mitre, ‘Tatiwe, naishiq raq ümniika ümtiiko amang lo khamnyang tsi lo, wanmo lo, kheahü lo, atsi lo, phaqtek mong na lo chhi wan laita shiili lii wan mai dea riikai?’

Mark 10:45

Ara jamkhano chongtiikang ngukla, ara mangjong hiq na Maiq Se saüki taq arka, mangjong maiqse raq apaiq ka mishli lii laq nguta aki riimak. Shatmaq, apaiq ka maiqse shiililii kai, kiimaq apaiq miisaq kra kuq raüta, mangjong maiqse kra dokda kai nguta kito.”

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Luke 19:13

Apaiq raq wanhiq kaiho ma, ajaqshisetiim weroqshi ka hea raüta, chaq kampho sii ka siichhuq chhuq phea kuq thüto. Kra pheake wan lam maq, ‘Lii rong laq, ngi tamii shon na, namshiq raq armaq piikii li rong liijo,’ nguta tsangshiq ma tsii chongkuq thüto. Raüta apaiq ka wanhiq na kihoto.

Luke 8:3

Kiimaq Herod rung na jaqshamti siihiip we Chuja tanyung Joana, kiimaq Susana thun kra riito. Kiimaq jechakre pahea ahinti, Jesuq nai ajaqshisetiim ka tsangshiq tsiiq anyam maq khrum kewan damtibi thun kra wadamto.

Romans 15:25

Ümchaü bala liipan niiriiwe kla, ngi ka Jerusalem na, kiijaq siti Shiikeawe setiim ma khrum kongphiq kra kekai nguta kiho tiikang.

Romans 15:27

Ara tsangshiq raq thapthi wantaq arka, tsangshiq tsiitsii maq archong wan. Shatmaq, riikhaqli maq liiwan raü jiika, tsangshiq raq Jehudinok ma, jaqsong khrum kewan chang ka asi dea na. Jehudinok raq tsangshiq Pongnok phan maiqse ma, kamasham tsiiq anyam ka phea kuq wanto kriikha maq, tsangshiq riimin la, tsiiq nai nyam ka, Jehudinok ma kran kewan ka alam asi.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

1 Corinthians 3:10

Shiikeawe raq ngi miika tsiimwe khiiqwe kongphiq kuqto. Kra phaqchi lümaq, ngi riika ara chongtiikang jam kra hai tiikang. Kiimaq jam hai chang jamkhü kra chhintsii kang she. Lata kham shong kang she. Kiimaq kongtibi ahinti riika, kra jam hai jaqthiq kra haiwan nongtlo. Shatmaq maiq pumsiitek raq, maiqmii jaqthiq kra jamkho haihun tlaq, kra samhea honkam shatmaq haihun chang.

1 Corinthians 4:7

Riita ija, ümniika juro wela ma shong ta? Shiikeawe raq ümniima phanrap ka kuqto she riimak sha? Riita, Shiikeawe raq ümniima phanrap ake kun she jiika, ümnaq shiikong rai chang lam min asi sha? Shiikeawe raq phanrap ka phe maq kuqto riimak sha?

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

2 Corinthians 9:1

Riita, riikhaqli miikla, ara Judia wang na sitibi Shiikeawe setiim ma khrumke kongphiq hoho tiikai kra miitu ka, ngi raq namshiq ma lak na waiq rea nong ngo min rarai makli she.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

2 Timothy 1:18

Riita, Tatiwe raq apaiq ma, kra Ranaiq akhing na atiihang mangchan mikuq laq! Apaiq raq ngi miitu, Ephisia maq ümtinkhan wa khrum kuqtaq irka, ümniiriimin kunli asap haü.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.