1 Peter 4:11 - ASII LAKDAP Bible (BSI)

¹¹ Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

Hawa Naga Bible 2001

¹¹ Miq vshiz shiz rueq jungphvnx kuq ruiux yuq, Tishox bomjungc kuex mjungx phvnx kuq shueq; miq vshiz shiz rueq juiux kax kuq ruiux yuq Tishox rueq vkuq hungc vlaungc rulc rv-ngvlc mshuimx kaz shueq; kvkhoc ngoz ruiux jix shuimx kaz wvnc shuex lotlaz ningkhvnc nuex, Yesu Christu maq Tishox ngauz vngax kuex tvdung wvnc shuex. Yesu Christu kuex ngauz vngax nuiyc luimc vkawc kuex pattup pat-sac mhttax wvnc tueq. Amen.

Muklom

¹¹ Chamtey eq phanchan ajo, Shkewa raaq phanchan ching; chamtey eq nong ajo, bara Shkewa kot aa tarong shey somlo ching; irimal ang ajo thaji na Jesu Khristo tungkang o, Shkewa tasapsey na. Piq rangma phun amun nia tarong sha pattuk cham ang aa. Amen.

1 Peter 4:11 Referencias Cruzadas

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 23:22

Tsangshiq raq ngi tiima tsantsii apaü lata athüha kra asap ngu raüka, tsangshiq raq isenginok ma itsütsa bomtsi ka chiiriim raüta tra miho kuq wan chang wa. Raüta tsangshiq raq ashut rilung singa tlaq kra aklai mirwan wa. Kiimaq tsangshiq raq abi ashut jaqsham wan tlaq thun kra athaq she arbaiq chang wa.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

John 13:31

Judas ka kaiho jai she, Jesuq raq tsangshiq ma bom ka akha chongkuqto, “Ümchaü akhing na Maiq Se khushü jong kriika tiichhi kuqto she. Ümchaü Shiikeawe khushü jong kiimin Maiq Se lümaq tiichhi kuqto she.

Acts 7:38

Apaiq ka Israilnok rai kumtsaiphii na adam maq thungtii wan damto. Kiimaq, Sinai Pum maq Shiikeawe rase ka apaiq rai riibom damto. Kra akhing na apaiq ka natitiim rai adam riito. Kiimaq, apaiq raq Shiikeawe bomtsi atra tsütsa ka jaü raüta, nashiq ma kuqto.

Romans 11:36

Ara jamkhano wai wan tiikai ngukla, phanrap phanrii ka, apaiq raq siisaq phansang kuq wanto. Kiimaq, phanrap siwan tlaq kriika, apaiq lümaq li atra siwan tlo. Kiimaq, apaiq miitu li phanrap ka siwan tlo. Riita, ija pattup pat-sa, Shiikeawe khushü kli dea mijong wan laq! Amen!

Romans 12:3

Riita, Shiikeawe raq ngi ma wenyi kongphiq jonghea kuqtaq kriikha maq, ngi raq namshiq tarü loweatek ma, ara tsii chongkuq tiikang ara: Namshiq raq maiqmii ka, ajong ala, phanrap asap atsin hai siisaq nguta, tsan na naq tiima rongkiq. Shatmaq, sobsob bombom maq siwan lili ronglaq. Shiikeawe raq namshiq loweatek ma kamtsantsii ümchuwa kuqtaq kra khan khan, maiqmii thii ka shin wan lili lanta siwan lili ronglaq. Achan ana ka naq bom rongkiq.

Romans 16:27

Apaiq kli Shiikeawe, apaiq kli tlotli thaq na taksma kiimiili, Jesuq Khristo lümaq khushü pattup pat-sa misi laq! Amen.

Romans 3:2

O, phanrap na tsangshiq ka sinkhu niidea wawan tlo na! Arka tengto dea na. Apha na Shiikeawe raq, Jehudinok ma apaiq bomtsi kra rümkom wan miitu, arang kuqto.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

1 Corinthians 12:4

Riita Asii Wenyi raq Phungmaiqse ma kuq tlaq kongphiq ka phanphan asi. Shatmaq kra thun ka Asii Wenyi raq akuq siisaq.

1 Corinthians 3:10

Shiikeawe raq ngi miika tsiimwe khiiqwe kongphiq kuqto. Kra phaqchi lümaq, ngi riika ara chongtiikang jam kra hai tiikang. Kiimaq jam hai chang jamkhü kra chhintsii kang she. Lata kham shong kang she. Kiimaq kongtibi ahinti riika, kra jam hai jaqthiq kra haiwan nongtlo. Shatmaq maiq pumsiitek raq, maiqmii jaqthiq kra jamkho haihun tlaq, kra samhea honkam shatmaq haihun chang.

1 Corinthians 6:20

Apaiq raq namshiq khum ka athii tsinhea maq riwanto. Krai mren, namshiq khum ka Shiikeawe khushü tiijong miituli she lang rong laq.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

2 Corinthians 9:13

Ara namshiq raq phunaino ma honglu khrum jaqmiiq kuq tlan arka, namshiq tsan na Phungmaiqse rilung lungwiitsii tsingo dong man wan tlaq kra, tiichhike hakhi. Kiimaq ara namshiq kamtsantsii jaqsham tsingo, kra chhi raüta nai namshiq raq Khristo aming wokhong na sitlan kra chhi raüta, namshiq ma phunainotiim Phungmaiqsetiim raq Shiikeawe ka mitiitsamkam. Kiimaq namshiq raq, tsangshiq ma nai nanok Phungmaiqsetiim ahinti khrumke miitu, raükhokkhok lanta, honglu hongtan kuq lan kra miitu, Shiikeawe mitiitsam kam.

Ephesians 1:19

Kiimaq ara apaiq ningkun tu, nashiq apaiq ma kamtiikaitibi khum na sitlaq ariiraq, jaqshamtlo. Riita, ara ningkun jonghea, nashiq khum na sham wan tlaq ara ningkun miisii li,

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Ephesians 5:20

Tati Jesuq Khristo mang maq, Awe Shiikeawe ma, phanrap phanrii miitu, wranaiq she, kechutum ruq si ronglaq.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Philippians 2:11

Kiimaq wiitarü raq tantan maq, Jesuq Khristo dea Tatiwe nguta mishom noq wan. Raüta, Awejong Shiikeawe khushü ka mitiijong wan.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

1 Thessalonians 2:4

Kra rii na, Shiikeawe raq naishiq ma, jamkho chongkuq tlaq, kra phan phan, naishiq raq maiqse ma chongkuq tiikai. Ara jamkhano ngutiikai ngukla, Shiikeawe raq ara Tsütsa Ahea ara chongke miitu, naishiq ma tawun ka akhamke kun she. Naishiq riika, maiqse tsan tiihea miitu ka chong mai. Shatmaq, naishiq tiima tsantsii ajiq alam shinti, Shiikeawe tiichochi miituli, ara Tsütsa Ahea ara chongkuq tiikai.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Titus 2:1

Shatmaq, ümniiriika phungtuti ma awongsii kamasham tri raü kli shrinke raa tlo. Ümniiraq maiqlare ma tsii ka samhea wiq maq chongkuq laq.

Titus 2:15

Ara ümchaü chongkuq kang thun, tsiichong tri raü pot thun ara ho tlaü arang thaq maq, phungtuti ma, tsaiji doke lam maq, trap tru tsii chongkuq tlaü akhing na, pha dangdang maq chongkuq lili riilaq. Ümwokhong na siti phungtuti jumiimin ümniika naq tiishummiikiq.

Hebrews 13:7

Kiimahali, man niiwa shrabi, namshiq ma Shiikeawe tsütsa chongke wantibi ka, naq laq rongkiq. Samhea wiq tiima lanta, shin ronglaq. Tsangshiq ka atsai wan na saüli, Shiikeawe ma kamtsantsii pharang rang maq thü raüta siwanto. Krai mren, ümchaü namshiq riimin la, tsangshiq changkhü kra song lanta si rong laq.

Hebrews 5:12

Ümchaü sanha, namshiq ka maiqla she, nanok ahinti ma Shiikeawe lamphan bomtsi chongketi, ashrinketi miishe jawan han chang wa. Jamkhano ngukla, namshiq ka Phung na shang wan li maq, rawii luhea she lea wan lan. Shatmiitiq, namshiq ka ümchaü min, nosere li riishatshat sitlan. Nanok raq namshiq ma, kamasham lamphan tiichap wan chang, tsütsa bomtsi se kriili chongke chang ma jatlan. Namshiq raq ümchaü sanha, kamasham bomtsi ka chungkaq dung kriishe sea han chang wa. Shatmaq, namshiqtiq ümchaü min, nyakpü kli nyang ruq nyang tlan. Namshiq ka ümchaü min, noshiisetiim ikhli sitlan.

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.

1 Peter 4:16

Shatmaq tiina, namshiq ka Phungmaiqse ningkhan chamchao tlan jiika, kra miitu akhiismin naq tiijeasi rongkiq. Atiijeasi wan rii na, namshiq ka Jesuq khü maq tiihong laita dea sitiikai nguta Shiikeawe ka kai shomra lan tli sironglaq.

1 Peter 5:11

Apaiq miili pattup pat-sa ningkun misilaq! Amen.

Jude 1:25

apaiqkli nashiq Shiikeawe kiimaq nashiq Chhiitiwe kriimiili, nashiq Tati Jesuq Khristo lümaq, khushü, jonglu, ningkun, kiimaq arang ka, man na pat achat tlotli wa, kiimaq ümchaü min, kiimaq jai na wattlaq pattup pat-sa kiiwa wiita apaiq riili she mirlaq! Amen.