1 Peter 4:8 - ASII LAKDAP Bible (BSI)

⁸ Akhek pinthum, namshiq liipan na riimang riichan maq sirong laq. Mangchan tsii miitiq kongti mra ümchu li siraü min midii kuq lot han.

Hawa Naga Bible 2001

⁸ Phvnx ruip saz htauk nuex jvnc vtueq nuimshiq vdvmz dvmz vsuing rvlungwawc wuez kuinz, yvmx khoc lac ngoz ruiux lec lungwawc thuinz rueq mvrax paung hvlc puingc kuq gay lot yaq.

Muklom

⁸ Ashey eq ashey ma tinmat sha thaji pheywang aluk; chammatakoi tinmat shey daqhan ngarey sha hop aa.

1 Peter 4:8 Referencias Cruzadas

TAKSU LAK 10:12

Makshu rasheti riika maiqta triitsotlo; Shatmaq lungwii tsantsii rümti riika, Shapshaü miqshii ka apaüli riitlo.

TAKSU LAK 12:16

Maiqbom akhüse niili khiqkaiti ka angi nola. Shatmaq taksu maiqse riika, maiq raq shummii raümin, kaishak aninli riitlo.

TAKSU LAK 17:9

Kongti mra diiketi raq kongti milap, Shatmaq diikuq makti riika, kongti mijobaiq.

TAKSU LAK 18:13

Maiqbom kongkhu tiitsang tailaq, laüta trelaq; Chhingi miki na piq naqphiikiq, kriika maiq shummii miraq.

1 Corinthians 13:1

Ngi riika mangjong hiq na maiqphan ümchuwa sitlaq kra wiitarü bom atsin ha min mirha sham. Kiimaq rasetiim bom dongdii min mibom tsü ha sham. Shatmaq i tsan mong na lungwiitsii ahü jiika, i bom chong ka mobukbuk abuk nyiimtsü riinya rai tlaq ikhli miraq. Lo, süpseng atriinya buk ikhli miraq.

1 Corinthians 13:4

Ümniiraq ashi ra lungwii tlaü jiika, apaiq rai ka phanrap na anin riiwan laüta misi haü. Kiimaq apaiq rai ka riimang riichan miili misi haü. Lungwii tsantsii maq si ngutlaq ka, makshu rashe ahü; shiikong miilong riimak; kiimaq khünga tsii thü mak kra nangnga chong tlo.

Colossians 3:14

Riita, ara chong tiikang thun angu tu, arthaq na lungwii tsii maq kei lanta sirong laq. Lungwii tsii raükha riika, phanrap adam na pumshi hanshi ikha riitu khawan tlo.

1 Thessalonians 3:12

Kiimaq, Tatiwe raq namshiq tsan nai mongjii na, kongti miitu, kiimaq maiqse angu wiitarü miitu lungwii tsantsii rüm tlan ka, apa pahea mitiima kuq laq. Naishiq tsan mong na namshiq miitu lungwiitsii jonghea rüm tiikai kiikha mitiijong kuq laq.

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

James 5:12

Lungwii Phungmaiqse phunainotiim lei, ara chong tiikang bomtsi arka akhek pinthum ashi. Namshiq raq ümtiikiiwa bomkham kongphiq raü kha tlan na, ra mang chong lantiimin naq kham rongkiq, kiimaq hiq mang chong lantiimin naq kham rongkiq. Kiimaq bom achan min naq tiitsuq rongkiq. Namshiq riika, “Ngi raq kiq kham tiikang arka misham ha dongdii,” riimak la, “Ngi raq sham mang ngutiikang arka, ümtiikiimin sham mang dongdii,” ngutli bom ronglaq. Kra bom kham kongphiq kha tlan krai mren, akhing hongto angu na, kongphiq raükha ka dii wan ra tlo. Akha ating arai maq sihan jiila, Shiikeawe raq namshiq ma kha ka tiiho mak miraq.

James 5:20

ara tsan na tiitsang ronglaq: Jurwa ngarai maiqse ashi ka lamjiq na akiho kiiwa tiijang shea wan tlaq, kriika ngarai tangti we tsaiji ka atsai kai chang wa tiichhii kuqto ngushat. Kiimaq ngarai pahea tiidii kuqto ngushat.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

3 John 1:2

Lungwii phunowe lei, ümniima phanrap na ahea mirlaq nguta ngi raq achu jaütiikang kiimaq ümniika hansang maq misi laq nguta achu jaü tiikang- ümniika wenyi na hansang nguta ngi raq asap ha.