1 Peter 3:18 - ASII LAKDAP Bible (BSI)

¹⁸ Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

Hawa Naga Bible 2001

¹⁸ Yvmx khoc lac ngoz ruiux lec Christu kuex naungshiq mvrax laung nuex laukshiz lvmz maq dvyx lotlaz rawc nuex tvlot laz vthueyc khvmc tueq. Vpiq kuex miqhvlx waz rvtueq rvhvt maq mvrax lvp jix laung nuex thueyc khvmc tueq, kvkhoc ruez tueq lvmz kuex nuimshiq kuex Tishox kox nuex shvlc wvnc tvkoc rvtueq. Vpiq kuex gvnngvmx maq vthvy gay rvhumc ruiux muinz siyac nuex Tishox rueq tvraungx tvhttax tueq.

Muklom

¹⁸ Chammatakoi Khristo atho, ngarey rangma takshey tsamnang ta. Miq shi rangma jaqhal miq ang eq hiqtang Shkewa relnáng sol kat ma piq tita. Piq hanngam o utik angta, etharin Tsija o wey thajey ta.

1 Peter 3:18 Referencias Cruzadas

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

John 16:10

Tsangshiq raq kechu rilung nai tingting jaqsham ka sapmak, ajiq tiimatlo. Ara jamkhano chongtiikang ngukla, ngi ka i We phaniishe wawan nong tiikang. Kiimaq, namshiq raq ngi ka chhi man she mirhan.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

Romans 1:4

Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.

Romans 4:25

Nashiq ngarai ningkhan apaiq ka tiitsat baiqto. Kiimaq hali nashiq ka Shiikeawe rai kechu maiqse she nguta, apaiq rai shram wan miitu, apaiq ka amaa wa tiidong wanto.

Romans 5:2

Apaiq raq nashiq ka, nashiq kamtsantsii maq, ara Shiikeawe kaphap mangchan wura khong niishe tiishang kuq wanto. Ümchaü nashiq ka apaiq wokhong mong niishe sitiikai. Krai mren, nashiq riimin Shiikeawe chhainyii rilung kiimin mirsha lap wan rong i she nguta, tiishom raa tiikai!

Romans 8:11

Riita, ara chong tiikai arai mren, Shiikeawe Asii Wenyi, Jesuq ka amaa wa tiidong wanti we kra, namshiq khum na sitlaq jiika, Shiikeawe apaiq riisii hali, Khristo ka amaa wa tiidong wantaq kiikhiisii, namshiq han-ngam ariim kai chang kiimiimin, tsitsü rilung she mithü kuq wan. Arka namshiq khum na Shiikeawe Asii Wenyi sitlaq kra ningkun lümaq mikuq wan.

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

2 Corinthians 1:24

Naishiq raq namshiq ma “arma kam wan raa”, “armiika kam wan raa mak,” nguta shiichutchat wan mai. Namshiq ka maiqmii kamasham na, pharangrang she sitlan nguta naishiq riimin asap hai. Naishiq raq namshiq ka jamsha mai. Kra rii na, naishiq riika namshiq rai reraüshi maq, namshiq ma chochi rilung lamlu tiijong lu wan miituli jaqsham kuq tiikai.

2 Corinthians 13:4

Khristo ka apaiq ümtiikiiwa pumsongkham na tübaiqtaq, kra akhing na, han-ngam ningkun ka ajom riito. Shatmaq, ümchaü ka Shiikeawe ningkun maq, Khristo ka atra sitlo. Krai mren, naishiq kiimwebi armin la, apaiq rai pumshi hanshi she sitiikai. Kra lümaq, han-ngam niika ningkun ajom sitiikai. Shatmaq, naishiq ümtiikiiwa Korin na watiikai, laita namshiq kha ka phokuq tiikai, kra ranaiq niika, atra Khristo sitlaq krai pumshi maq, ningkun asi maq misi hai. Kiimaq krai mren, juwa ajiq we sitlaq, kriiwe kha ka mipho kuq hai. Kriika, Shiikeawe ningkun maq mipho kuq hai.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Galatians 1:4

Ümchaü ara abi ngarai pat arwa nashiq ka wase ma tiijawan miitu, Khristo raq apaiq miisaq ka nashiq ngarai thun miitu kuqto. Arka Shiikeawe, kiimaq Nawe raq thapthitaq kra lang raüta tsaito.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

Ephesians 3:12

Riita, ümchaü sanha, nashiq ka, Jesuq Khristo rai pumshi she tiipum sitiikai kra lümaq, kiimaq, nashiq raq Jesuq ma kam tiikai kra lümaq, nashiq arka, Shiikeawe wokhong na nyap wan ma, tsailam jilam she sitiikai. Kiimaq, apaiq raq nashiq achu jaü ka mitre kuq nguta, kamto, pharangrang miishe sitiikai.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 10:10

Shiikeawe raq Jesuq Khristo ma jamlai jaqsham wa thaütaq kra, Jesuq Khristo raq shamto. Krai mren, nashiq ngarai ka tiisii kuqto. Raüta, nashiq ka asii maiqsetiim, Shiikeawe wokhong na siwan miitu she pong na rai raüta tsea wanto. Arka, Khristo raq apaiq khum ka klang maq lakshi wa niili, pattup pat-sa miitu panthit honglu na kuqtaq kra lümaq, nashiq ara tiisii kuqto.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

Hebrews 9:26

Kra ngu raü jiika, apaiq kiimin, ra nai hiq tiiq wan li miiphat ka, tiithongkiki chamchao wan chang midongki wa. Kra rii na, apaiq ka, ara maiqpat pahea lea wan jai she, ümchaü ara phangthum wan pat saüho tlo angu niishetiq, pattup pat-sa miitu maiqse ngarai homa thun kra klang maq lakshi wa niili hutjok tiisii rai, apaiq khum ka honglu na tiitaa wantaq kra lümaq tiikhoi kuqto.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

1 Peter 3:19

Kiimaq apaiq ka wenyi khum na poshat maq, wulum pahea kharü mong na siti thun ma tiichhii wan tsütsa chongkuq kito.

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.

1 Peter 4:6

Ara chongtiikai arkha miitiina, maiq kongkhu na atsaikiti thun kunli winji ma, Jesuq Khristo raq Tsütsa Ahea kra chongkuq kitaq kra. Maiqse ngusaq tarü ka atsaiti siisaq. Tsangshiq tsai wantaq kriimin la, Shiikeawe raq tsangshiq ningthoi kra tiihongke wan kha maq tsai wanto. Shatmaq tsangshiq ma Tsütsa Ahea tiitai kuq wantaq kriika Shiikeawe raq tsangshiq riimin wenyi rilung na atra misi wan laq nguta chongkuq kito.

1 John 1:9

Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.