1 Peter 3:17 - ASII LAKDAP Bible (BSI)

¹⁷ Shiikeawe riidea thimi hotaq jiika, abi jaqsham kha na chamchao rai nam miika, ahea awa jaqsham raüta chamchao riiwe ka achu shiiman jonghea.

Hawa Naga Bible 2001

¹⁷ Yvmx khoc lac ngoz ruiux lec Tishox thuinroc rvtueq ngoz ruiux kuex, vhvlx yauk shuimc ningkhvnc nuex kuilc daz rvhumc tuinx kuex honc vbac phvnx shuimx lvmz vtueq kuilc daz rvhumc tix htauk nuex muinz pinhtumc vhvlx rvtueq.

Muklom

¹⁷ Shkewa tinuk sha, nim jashit jaksom ma tsamnang náng eq, jaqhal jaksom tungkang o tsamnang sha aqhal.

1 Peter 3:17 Referencias Cruzadas

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Acts 18:21

Shatmaq apaiq raq akaiho ma, tsangshiq ma bom ka akha ngutli she chongkuq thiito, “Arka Shiikeawe raq thili. Apaiq raq thi raüka, ngi ka namshiq phana hali mijang wa nong kang.” Kra bomthü raütiishe, apaiq ka Ephisia maq laijong na diito. Raüta kihoto.

Acts 21:14

Riita, naishiq raq apaiq ka tiiwinlot mai she kha maq, atei she riikai. Laita, ikhiijiika, “Tatiwe raq jamlai phan wa thapthi tlaq, kriili she dea mihong tha laq,” ngutli she bom ka shat kai.

1 Peter 1:6

Ümchaü jaqlo miitu namshiq ka phanrap phanrii, chamchao litkot walü mong maq lea wan chang li siraü min, namshiq wiitarü chojong chise miili sironglaq.

1 Peter 2:15

Shiikeawe riika, namshiq raq shamhea kaiwa jaqsham tlan kra lümaq, ajiq alam min sap mak maq, angok angiti raq Phungmaiqse thaq na abi ati tsütsit bom tlaq kriiti nübok ka sukbaiq lungwii tlo.

1 Peter 2:20

Riita ngohea dea, namshiq jiqphiq lanta, namtijong wetiim mo hohan jiika, jamlai achu wa misi ta? Shatmaq namshiq riika, jam shutphit min ahü maq, maiqmo khahü na howan lanta nin han jiila, Shiikeawe raq namshiq ma achu shiiman jonghea mikuq.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

1 Peter 4:15

Namshiq liipan wa weshi ra raq chamchao riihum raüla, kriika apaiq matwe ma ja kha maq lo, ahuk jakai kha maq, lo ashut aphit jaqsham kai kha maq lo, ngi riithaü na jaqre ki raüta chamchao riihum wan ka raa mak.

1 Peter 4:19

Ara chongtiikai ara ningkhan na, Phungmaiqse ümriiti wa, Shiikeawe riidea thimi wan kha na chamchao tlaq jiika, tingting jaqsham tlaq kra lümaq tsangshiq khum ka tsangshiq Phansangtiwe jurwa akiqkham bomtsi ka riikhaqli tiihongkuqtlaq kriima kunli kiinong kuq raütli misilaq.