1 Peter 3:19 - ASII LAKDAP Bible (BSI)

¹⁹ Kiimaq apaiq ka wenyi khum na poshat maq, wulum pahea kharü mong na siti thun ma tiichhii wan tsütsa chongkuq kito.

Hawa Naga Bible 2001

¹⁹ Vpiq kuex vpiq siyac pumz nuex rvtueq kvkaq khoktep nuex shuiuz rvhumc yaq siyac htenc kox nuex kaz vtueq jungphvnx kuq kaz tueq.

Muklom

¹⁹ Piq ka eq chuk wang tsija tang ma tho phanchan eq ta.

1 Peter 3:19 Referencias Cruzadas

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

ISAIA 42:7

Ümniiraq makchuktibi ma mak mitiipiiq haü, kiimaq ranyaq tangtang phaqtek mong na sitibi ka midakuq haü.

ISAIA 49:9

Ngi raq phaqtek mong na siti ma minguha, ‘Wase she wawan laq!’ kiimaq maiq ranyaq mong na sitibi ma minguha, ‘Rawii na dongho ronglaq!’ Tsangshiq ka skusekong kin thun na atsamphaq haitlaq ikha miraq.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 Peter 3:20

Riita ara chongtiikai winji khum arka, Nowaq raq laita wantaq akhing na siti, Shiikeawe bom tleati riito. Shiikeawe riika tsangshiq ka kai tsan tiitsi raüta khe wanto. Shatmaq tsangshiq raq kam mak riito. Maiq atsapse li, tsangshiq tiichat lai mong na ngataq kriiti kli rathup jüjang mong wa kham thaq maq tiichhii kuqto.

1 Peter 4:6

Ara chongtiikai arkha miitiina, maiq kongkhu na atsaikiti thun kunli winji ma, Jesuq Khristo raq Tsütsa Ahea kra chongkuq kitaq kra. Maiqse ngusaq tarü ka atsaiti siisaq. Tsangshiq tsai wantaq kriimin la, Shiikeawe raq tsangshiq ningthoi kra tiihongke wan kha maq tsai wanto. Shatmaq tsangshiq ma Tsütsa Ahea tiitai kuq wantaq kriika Shiikeawe raq tsangshiq riimin wenyi rilung na atra misi wan laq nguta chongkuq kito.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 20:7

Rawii hingshi kra thum jai miishe, Soitan ka phaqtek mong wa adü she mirbaiq nong.