1 Peter 2:8 - ASII LAKDAP Bible (BSI)

⁸ Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

Hawa Naga Bible 2001

⁸ Kvmaq Rumvrc luik vganc nuex, “Vruex lung kuex miq htenc tvhtuip tvrul shuex, tsuingshiq kuex tvrul tvbunx gay juing lung muinz rvtueq,” ngoz tueq. Tsuingshiq kuex bomjungc kvmac kvmluimx muq ningkhvnc nuex kvhtuip rul wuez yaq; kvruex kuex tsuingshiq tvkoc Tishox thuinroc tvhungx rvtueq.

Muklom

⁸ Etho “Eshi long sha thabot ang ching long, etho miqtang taqhat ching long ma angna.” Ning aa han moq tungkang o thabot angti aa etho irimal ning ma Shkewa tinuk angta.

1 Peter 2:8 Referencias Cruzadas

YOBA 23:14

Ngi miitu apaiq raq jamlai sham-akai wa sürii wantaq kra kunli mitiihong kuq wan; kriika apaiq raq jaqsham pahea sürii wantaq phong wa phanshi jaqsham li.

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

ISAIA 57:14

Tatiwe raq ngutlo, “Isenginok ka i wokhong na mijang wanlaq. Tsangshiq lam wa atiibanbi chang thun ka wiita lambaiq ronglaq! Lam ka tan ronglaq! Lantea lam ka tiijejeshe thü ronglaq!

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

1 Corinthians 1:23

Shatmaq nashiq raq riiwe kla, Khristo ka maiqse tiichhiike miitu pumsongkham na tübaiqto nguta kra tsütsa kli mungmaiqse ma chiiriim laita chongkuq tiikai. Riita ara tsütsa arka Jehudinok raq tai miika taibi pinthum. Kiimaq Pongnok phan raq tai miika thiihü hiqtili banbok mii.

2 Corinthians 2:16

Ümriiti riiwa tsailam na kiho tlaq, kriiti miika, ara ahom tsang arka, maiq tsea baiq chang liipu ikha jaki tlo. Shatmaq, ümriiti riiwa tiichhii wan rilung lap wan tlaq, kriiti miika, amaa wa tsitsü tiijang wan chang homseng. Riita, ikha jiika, ara chongtiikai ningkun ajong jaqsham lotti arka juwiita?

Galatians 5:11

I phu i notiim lei, ümchaü ngi raq namshiq ma chongke chang bomtsi ka arli she sitlo: Ngi riika, ümchaü niitaq, athohan tri ka lang raa dongdii nguta, nokwe ma traho kuq tiikang jiika, nanok raq ngi arka, jamlai khano ngengseng tla? Riita, tsangshiq raq ngi ma ara huknyan wan tlaq ara ngohea dea jiika, ngi raq Jesuq Khristo pumsongkham na tsaito nguta tra hokuq tiikang kra tai raüta, nanok raq ngi ka ngeng mak chang she kata.

1 Thessalonians 5:9

Shiikeawe raq nashiq ka, apaiq manson tsankhiq wamong na tiikhiim chaq baiq wan miitu atsea wan ka riimak. Shatmaq, nashiq Tati Jesuq Khristo pum lümaq, asak rilung tsitsü ka milap wan laq nguta, tsea wanto.

1 Peter 2:6

Asii bomtsi na, “Ngi raq athii tsinhea longkaü ashi tsea wan kang. Toqpen toqpum ikha Jajon chela na shong wan kang. Jurwa apaiq ma kam tlaq, kriiti ka ümtiikiimin maiq raq tiidealot mak she miraq,” nguta chong tlo.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.