1 Peter 2:9 - ASII LAKDAP Bible (BSI)

⁹ Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

Hawa Naga Bible 2001

⁹ Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

Muklom

⁹ Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.

1 Peter 2:9 Referencias Cruzadas

Tvtsvmc 106:5

Ümsenginok rongwintlaq kra ngi ma tiichhikuqlaq kiimaq ümmungtan chochi ka ngi riimin lapdampha, ümwokhong na lomdam khushü jong na.

Tvtsvmc 118:27

Tati ka Shiikeawe, apaiq ka naishiq ma thep. Namshiq jaq na pekü thun sham lanta, poi ka phaho ronglaq, lanta berong-wacha tro na khum ronglaq.

Tvtsvmc 135:4

Apaiq raq Jakob ka apaiq rii nguta tseato, Israilnok ka apaiq rii nguta tseato.

Tvtsvmc 22:30

Rawiichii senye nonye pat na apaiq mishkumpan wan; maiqwere raq Tatiwe manphan ka rawiichii pat kiima michongkuq wan.

Tvtsvmc 33:12

Ümra mungti Shiikeawe wa Tatiwe, kra mungti ka peohea; apaiq raq apaiq riishe nguta tsea wantaq mungti ma peohea!

Tvtsvmc 73:15

Ngi raq akha bom wan kang jiika, ngi ka ümsenginok nguta tiingo wan lot mang mirha wa.

ISAIA 26:2

Chela kilü thun ka dironglaq, raüta tsapsaü kapse maq siti mungti ka miwalaq, ümra mungti riiwa riikhaqli jaq shamtlaq kriiti miwalaq.

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 44:1

Tatiwe raq ngutlo, “Tailaq ümchaü, ijaqshise, Israil lei, Ngi raq tingsang atsea wanha isenginok, Jakob saüse phan.

ISAIA 61:6

Kiimaq namshiq ka Tatiwe ramwetiim nguta misap. Nashiq Shiikeawe jaqshisekong miraq. Namshiq raq maiq mung thun wa Tsiiq tum thun kra misiq han Kiimaq kriithun ka namshiq riishe nguta mitiisom rahan.

ISAIA 62:12

Namshiq ka “Shiikeawe sengi asii maiqsetiim,” ngutiishe mingu. “Tatiwe raq achhü wan maiqse” nguta mingu. Jerusalem ka, “Shiikeawe raq lungwiitlaq chela,” nguta mingu wan. “Shiikeawe Raq Thaqbaiq Mak Phan Chela” ngutiishe mingu wan.

ISAIA 66:21

Ngi raq tsangshiq phong wa maiq wiijam ka ramwebi ma kiimaq wiijam ka Lewinok ma mishongha.

ISAIA 9:2

Ranyaq nyang na shongtinok raq, rawüli jonghea she chhi wanto. Tsangshiq ka ranyam biibangbang hiq na sito, shatmaq ümchaü tsangshiq ma rawü liliimtlo.

MALAKI 3:17

“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.

Matthew 4:16

Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Luke 1:79

Kra rashe kii ka ramungtan maq, ranyaq tangtang mong na siti tarü ma mili liim wan. Raüta, nashiq ka khusang rakhang rilung lam na, mishun shea wan.”

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Acts 26:28

Kra tairaütiishe, Agripa raq, “Riita ara jaqlose liipan niili, ümniiraq ngi ka Khristan maiqse ma mitiija wan lot ha ngutiisha tiima tlaü?” nguta Paul bom ka treto.

Romans 9:24

Ara jamkhano chongtiikai ngukla, nashiq arka, apaiq raq ashea wan maiqsetiim nguta sitiikai. Nashiq phong wa maiq wiijamti ka, Jehudinok phan wa atsea wan. Kiimaq wiijamti ka Pongnok phan maiqse wa atsea wan.

1 Corinthians 3:17

Riita arkha maq, jurwa maiqmii khum Shiikeawe sichang shomjam kra shiithen baiq tlaq, Shiikeawe raq apaiq ka mishthen baiq. Ara jam- khano chongtiikai ngukla, Shiikeawe shomnoq chang shomjam ka asii. Kiimaq namshiq khum ka Shiikeawe shomjam.

Ephesians 1:14

Nashiq ma, Asii Wenyi kuqtaq arka, Shiikeawe raq asengi ma kongphiq mikuq ha nguta kiq khamkuqtaq kra arshe dea nguta bom tiipha shat wan she riito. Kiimaq Shiikeawe raq asengi ka awongsii wasetiim miishe dea tiija wan tlo nguta tri raü kha tiipha shat wan she riito. Ümchaü sanha apaiq khushü jonglu kriili she tiitsam kam rong i!

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Ephesians 3:21

Riita, ija, ümchaü sanha, nashiq phungtuti raq, kiimaq Khristo Jesuq rai pumshi hanshi she sitiikaiti raq, Shiikeawe ka pattup pat-sa tiitsamkam ruq miili she si rong i! Amen.

TRI CHONGKE 10:15

Shatmaq namtitiim miitu Tatiwe lungwiitsii ka pinthum jonghea kha maq, nanok maiq mung ahinti ka tsea wan la na apaiq raq namshiq ka tseatsiiq wanto. Krai mren, ümchaü li jiimin namshiq ka apaiq raq atsea wan asenginok sitlan.

TRI CHONGKE 14:2

Namshiq ka Tatiwe namshiq Shiikeawe rii. Apaiq raq namshiq ka mangjong hiq raikhü na maiq phan ümchuwa sitlaq kra phong wa namshiq ka asengi ma nguta tsea wanto.

TRI CHONGKE 18:2

Israilnok maiq phan ahin raq lap tlaq kiikha tsangshiq raq tachong hupsam hiq ka thü maimak. Tsangshiq ma kiim jonghea pinthum ka Tatiwe raq kiq khamkuqtaq kra phan phan tsangshiq ma Tatiwe ramwebi jaqsham kuq wantaq kra.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

Philippians 3:14

Krai mren, ngi ka, ngi raq asii rilung poksi ka lap wa miitu, rusan na juwan ruq li ju tiikang. Kra poksi ka, Shiikeawe raq Khristo Jesuq lümaq, ramungtan na siwa chang rilung ngi miitu, tiihong raüta athü. Kra lapwa miituli jutiikang.

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 20:6

Ümriitiwa ara apha lak, amaa wa tiidong wan tlaq lak na lomdam tlaq, kriiti ma kechu jonghea kiimaq achu shiiman jonghea miraq. Tsangshiq ka Shiikeawe sengi she. Tsangshiq ka thongnai tsai wan ngutlaq wamungtan wa raq khiim wan lot mak she miraq. Shatmaq, tsangshiq ka Shiikeawe nai Khristo ramwebi she. Kiimaq tsangshiq raq Jesuq rai rawii hingshi mung misiq dam.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.