1 Peter 2:8 - Muklom

⁸ Etho “Eshi long sha thabot ang ching long, etho miqtang taqhat ching long ma angna.” Ning aa han moq tungkang o thabot angti aa etho irimal ning ma Shkewa tinuk angta.

ASII LAKDAP Bible (BSI)

⁸ Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

Hawa Naga Bible 2001

⁸ Kvmaq Rumvrc luik vganc nuex, “Vruex lung kuex miq htenc tvhtuip tvrul shuex, tsuingshiq kuex tvrul tvbunx gay juing lung muinz rvtueq,” ngoz tueq. Tsuingshiq kuex bomjungc kvmac kvmluimx muq ningkhvnc nuex kvhtuip rul wuez yaq; kvruex kuex tsuingshiq tvkoc Tishox thuinroc tvhungx rvtueq.

1 Peter 2:8 Referencias Cruzadas

Luke 2:34

Simeon aa ning ma sunmaan ko eq nijangsa nu Mary thima batta, “Iri sa raa ahan Israel tang tatal ma etho thalun ma Shkewa talta. Piq raa Shkewa wang ashey umal etharin thaji miqtang aa piq raa miiksuk na,

Romans 9:22

Shkewa chamlang somlo ta eshina tho iri raaq raa khakla. Piq ahan tinqhak takhi rangma etho utarong sha tasam tol rangma piq nuk aa. Etharin utang o piq qhak aa, etho piq sha uthun angma shing aa, piq rangma thanan eq Shkewa ban aa.

1 Corinthians 1:23

Etharin í aa bólq na tita Khristo tung aa raaq tha phanchan i, bara Jehudi miqtang taqhat ching raaq etho Gentile miqtang ma ahut alik.

2 Corinthians 2:16

Bari tang raa matwang angta, ning rangma tatik eq chak aa atingham thimal; etharin utang ulun angta ning rangma rollung kot aa hamting thimal. Utang eq irimal jin somlot eq na i?

Galatians 5:11

Ipho nia na tang, nga thanga náng thula hankhup qhan tung aa raaq phanchan táng jo, chamma thanga náng thula nga tahikham phang? Irimal ang jo Khristo bólq tungkang o nga tsamnang mong ang wang táng.

1 Thessalonians 5:9

Chammatakoi Shkewa hiqtang ma piq tinqhat wang tsamnang kap ma ang moq, etharin hiqtang Teyhungwa Jesu Khristo tungkang o lun ma tal taphi.

1 Peter 2:6

Chammatakoi Asang likwit na taka aa, “Siin inn, nga Zion na ashey thóng shing ang, esha talchol etho thangchan long, etho utang eq piq ma han shing aa, piq baluk otho rakri moq angna.”

1 Peter 2:7

Iri long raa nim ma thangchan bara han shing inn. Etharin utang eq han shing moq ning rangma, “Bari long sha raa moq ta himhuntey tang aa shingchak ta eshi long sha thaji phey náng eq jaqhal thangchan long ma kalikta.”

2 Peter 2:3

Ning ngikjuk ang eq nim jamoq raaq wan eq nim ching wang kap ma tathin na, etharin Shkewa ning sha tatsamnang ma jakho wang hun kacha ta etho piq jib moq etho athing tong aa.

Jude 1:4

Chammatakoi chamtan Shkewa ahung miqtang hutshu wang hiqtang jaktung na nop ta, barey ujashit lam sha tapu rangma hiqtang Shkewa ráng manchan raaq sha kaley chak aa, etho ning aa hiqtang tataltey nia Teyhungwa barey Jesu Khristo sha shingchak aa. Jakho wang hun ning tsamnang tung aa raaq asang likwit na wit sey ta.