1 Peter 1:8 - ASII LAKDAP Bible (BSI)

⁸ Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.

Hawa Naga Bible 2001

⁸ Nuimshiq rueq Christu kuex khiz muit yuq muinz, lungwawx vshuinx, vpiq kuex majuiuc rvhumc muit yuq muinz, vpiq muex kvmx vtuinx. Kvkhoc rvtueq nuimshiq rueq nuix maq jungx lot muit tanc khvnc kokez juing yunghvlc maq kokez lvp vtuinx.

Muklom

⁸ Nim aa Jesu Khristo sha khi min otho piq ma tinmat ang inn, nim aa thanga khi min otho piq o han inn etho iri rangma nim rapney sungrang ang inn, iri sungrang raa raaq eq jin baat min.

1 Peter 1:8 Referencias Cruzadas

ASHICHONG 1:7

Itsanrowe lei, ümskukong ka ümbano mirümki haü? Ranaiq shethung rakiitsi na ümbano mitiibum haü? Riita ngi raq ümniika ahin skukong rümti, phong mong niika jaram miliikiha?

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ASHICHONG 5:9

Atsom thaq na tsomhea junrii nyunglei, Riita ümtawe ka jerobi tarü thaq na, Pin thum tsomhea dea shea? naishiq raq apaiq ka ümbano, kra ümniima chongke miitu, arang ho wan lichang dea shea?

Matthew 10:37

“Jurwa anyung nai awe ka ngi thaq na chan raüta lungwii tlaq, kriiti ka i jaqshise ma jawan lot mak. Kiimaq jurwa ase maiqwe se lo jechakse lo ka ngi thaq na chan raüta lungwii wan tlaq, kriiti ka i jaqshise ma jawan lot mak.

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

John 14:21

“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”

John 14:24

Jurwa ngi ka lungwii mak, kriiti ka, i bom chong armin lang mak miraq. Ara i manphan i jüche namshiq ma ümchuwa phanchan kuq tiikang arka, i tsiitsii maq achong kuq ha ka riimak. Shatmaq, ngi tiikaiti we, i We raq ngi ma jamlai kiq wa tiidea kuq tlaq, kra bomtsi kli tlü chong kuq tiikang.

John 16:22

Ara chongtiikang akha, namshiq miimin akhing she saü wato. Namshiq ma ümchaü ka tsanbi hosi akhing saüwato. Shatmaq, ngi ka namshiq rai mirhum nong kang. Kiimaq, namshiq ka khoqriiq shishiiq miili she misi wan han. Kra namshiq tsan mong wa chochi tsii kriika, jurmin khot-ho lot mak she miraq.

John 20:29

Kiijiishe, “Ümniiriika i sham ara chhi laü tiitiq sha, ngi ma kam tlaü? Jurwa i sham ara chhi mak miili, ngi ma kam tlaq, kriiti ma pinthum kechu jonghea!” nguta Jesuq raq Thomas bom ka tre nongto.

John 8:42

Kiijiishe, Jesuq raq tsangshiq bom ka treto, “Riita ngohea dea, Shiikeawe kiidea namshiq ma Awejong ngu raüka, namshiq raq ngi ka milungwii han wa. Ara jamkhano chongtiikang ngukla, ngi ahata Shiikeawe pha wa akiha. Lata, ümchaü namshiq rai sitiikang. Ngi ka i tsiitsii maq asaükiha ka riimak. Ngi ka apaiq raq atiiki.

Acts 16:34

Kra raütiishe, apaiq raq Paul nai Silas ka tsangshiq jam na shea wanto. Raüta, phaq asea tiihong tha kuq raüta tiiphaq siqto. Kiimaq apaiq nai ajamtitiim kunli ka Shiikeawe miishe kamwan kha maq, kai khoqriiq shishiiq she chochi wanto.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

1 Corinthians 16:22

Jurwa Tatiwe lungwii mak, kriiti ma manson misi laq! Maranatha-Naishiq Tatiwe lei kira!

2 Corinthians 1:22

Kiimaq nashiq khum na apaiq raq, apaiq rii she nguta, Asii Wenyi miithii maq shongto. Kiimaq apaiq raq nashiq ma nashiq tsan mong na Asii Wenyi kiimin athiikewi she. Riita, ara Asii Wenyi thiikuqtaq arka, Shiikeawe raq nashiq miitu ümchuwa mikuqha nguta kiq kham raüpot khakuqtaq kra, rawiichii nashiq raq kunli milap wan rong i she dea nguta tiichhike wan kiqkham raükha tiipha khake la niishe kuqto.

2 Corinthians 4:18

Ara jamkhano chongtiikai ngukla, nashiq raq nashiq maklii ka, mak maq tiichhi tlaq phan hupsam kriijaq ran wan mai. Shatmaq maq mak maq chhi lot mai phan sitlaq kriima ran phan tiikai. Mak maq tiichhi tlaq phan hupsam ka jaqlose akhing miitu li mitsing. Shatmaq, mak maq chhi lot mai phan hupsam ka, pattup thenki mak phan.

2 Corinthians 5:7

Nashiq rilung ka kamtsantsii khu thaq maq sichang li. Mak maq chhi laita singa chang ka riimak.

2 Corinthians 9:15

Riita, Shiikeawe raq nashiq ma nü maq achong lot mai, athii tsinhea phan kongphiq kuq taq ara miitu, nashiq raq Shiikeawe ma pinthum kechutum rong i!

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Ephesians 3:19

O raq, ija, ngi ara, namshiq raq, apaiq raq namshiq ma mangchan tlaq kra tsaü ka, sap wan tlo han jiilei, nguta tsinngin rai tiikang. Riita, apaiq raq namshiq mangchan tlaq kra, ümtinkhan tsaü wa sitla, kla namshiq raq kunli ka tak wan lot man min miraq. Li jiimin, namshiq ka Shiikeawe rong arai maq, namshiq tsantsii ka kunli, aliim alei mitiima kuq laq, nguta achu jaü kuq tiikang.

Ephesians 6:24

Jurwa nashiq Tati Jesuq Khristo ka tsaimak phan lungwii maq lungwiitlaq, kriiti tarü ma Shiikeawe kaphap misilaq.

Philippians 1:25

Ngi riika riikhaqli asap ha. Ngi ka alu misiha. Ngi ka namshiq wiitarü rai misiha. Namshiq tiijong luwan miitu, kiimaq namshiq rai kamasham na chochi dam miitu misi ha.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

Hebrews 11:1

Kamtsantsii rümti ngutlaq kriika, mak maq chhi mai li jiimin, na raq jamlai phan mo ranphan tiikai kra phan ka, poiki mak maq milap i dongdii nguta, tsankhun maq nga raüta sitlaq kra nangnga ngutlo.

Hebrews 11:27

Kiimahali, Mosheq raq kamtsantsii maq, Ejip mung ka miimthüto. Apaiq ka, hokham we tsankhiq miimin hai mak maq, Ejip mung wa laü wanto. Apaiq raq, mak maq chhilot mai Shiikeawe ka, asham chhi shat ngo chang chang ikha, apaiq tsan ka jai nü na jangkai nong nguta akhiismin man mak she wawanto.

1 Peter 1:6

Ümchaü jaqlo miitu namshiq ka phanrap phanrii, chamchao litkot walü mong maq lea wan chang li siraü min, namshiq wiitarü chojong chise miili sironglaq.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.