1 Peter 1:8 - Muklom

⁸ Nim aa Jesu Khristo sha khi min otho piq ma tinmat ang inn, nim aa thanga khi min otho piq o han inn etho iri rangma nim rapney sungrang ang inn, iri sungrang raa raaq eq jin baat min.

ASII LAKDAP Bible (BSI)

⁸ Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.

Hawa Naga Bible 2001

⁸ Nuimshiq rueq Christu kuex khiz muit yuq muinz, lungwawx vshuinx, vpiq kuex majuiuc rvhumc muit yuq muinz, vpiq muex kvmx vtuinx. Kvkhoc rvtueq nuimshiq rueq nuix maq jungx lot muit tanc khvnc kokez juing yunghvlc maq kokez lvp vtuinx.

1 Peter 1:8 Referencias Cruzadas

Matthew 10:37

“Iphey náng eq, uwa tia unu ma tinmat tey sha i jiphantey jin ang moq. Iphey náng eq, usa miqwasa tia miqnu sa ma tinmat tey, i jiphantey jin ang moq.

John 14:15

“Nim aa ngama tinmat angta phin jo i raaqkhat tang sha utat eq nin.

John 14:21

“Utang eq iraaqkhat han aa etho iraaqkhat tat eq tong aa, piq aa hun ngama tinmat shing aa. Iwa tho ning ma tinmat shing na; nga tho ning ma tinmat shing náng etho nga ning ma takhi náng.”

John 14:24

Utang ngama tinmat phamong, piq aa iraaq sha tat moq. Etharin bari raaq raa nim aa tat inn, esha iraaq ang moq; esha Iwa ching kowang thupha, barey nga takat taphang.”

John 16:22

Ethimal nim thanga tsamnang inn, etharin nga nim jamoq wey tachong ang phanáng, etho nim tin sungrang wang shey tina, etho nim sungrang sha utang eq tho jinnal moq sey angna.”

John 20:29

Jesu aa piq ma batta, “Nang aa nga khi eq ta phu, ethirangma nang aa han phu i? Utang eq khi hung aa han aa sha sunmaan!”

John 8:42

Jesu aa ning ma batta, “Shkewa nim wa ang ta jo, nim nga ma tinmat ang wang taphin; chammatakoi nga Shkewa kowang kata phang etho thanga nga irina. Nga i thunglam o kapha mong angta phang, etharin piq aa nga takat taphang.

Acts 16:34

Ethi jio piq aa Paul nia Silas tha uhimnáng sol kat eq phaksat taphak sa ta. Piq nia uhimtey tang tha rapney sungrang ta chammatakoi ning aa thanga Shkewa tha uhan sey ta.

Romans 14:17

Shkewa mung sha ling phaksat raaq ang moq; etharin esha Asang Tsija o asing, nungmay etho sungrang sha ang aa.

Romans 15:13

Tungmang kottey Shkewa nim kam tungkang o nim sungrang nia nungmay wang cham tashey phin, irimal Asang Tsija tarong wang nim tungmang shi cham chen chey aa.

1 Corinthians 16:22

Utang Teyhungwa ma tinmat moq, piq ma manthun cham ang aa! Í Teyhungwa, ukat ang phu!

2 Corinthians 1:22

hiqtang raa umiq angma umal kot taphi, etho piq aa hiqtang rangma chamlang thajoq shingta sha takhi rangma hiqtang tinmong na Asang Tsija kot ta.

2 Corinthians 12:4

Piq tha rangmungtan náng solwan ta, etho eshina miqtang jin raaq moq etho utang tho tharaaq moq raaq tang sha tat táng;

2 Corinthians 4:18

Í aa miik eq jin khi tangwang sho khi mi, etharin miik eq jin khi mi esha siin chey i. Chammatakoi barey jin khi eq aa, esha chomwey rangma, etharin bara jin khi moq esha pattuk rangma.

2 Corinthians 5:7

Chammatakoi í kam o tong i, jin khi phan wang ang moq.

2 Corinthians 9:15

Itan jakkot hiqtang ma kot taphi thiwang hiqtang aa Shkewa ma kechu ajong kot ching!

Galatians 5:22

Etharin Tsija tingo, tinmat, sungrang, nungmay, tinthaman, tinshit, jaqhal jaksom, kam,

Galatians 5:6

Chammatakoi Khristo Jesu o hankhup qhan chol tia hankhup qhan hung chamtho ahung. Kam chen, bara tinmat tungkang o somlo aa, esha hun akhek.

Ephesians 3:19

Khristo tinmat sha hiqtang aa chamtan jin sam i eshiwang ahan, etha o tho nim aa eshi tinmat sha usam rangma nga romtam chu ang; irimal ang jo nim o Shkewa dangjang sha tahom angna.

Ephesians 6:24

Barey hiqtang Teyhungwa Jesu Khristo ma thun moq phan tinmat shing aa, ning thaji o ráng manchan cham ang chey aa.

Philippians 1:25

Iri raaq rangma nga tungmang shing ang, ethirangma nga atharang tong náng etho nim kam lam o jakho náng katma etho sungrang ang rangma nga tong chey roq ang náng.

Philippians 3:3

Hiqtang raa hun asing hankhup qhan kap chol tey tang, chammatakoi hiqtang aa Shkewa sha u Tsija wang tasapsey i, etho Khristo Jesu na tharangka kot aa, etho hiqtang aa hankhup o tungmang shing mi.

Philippians 4:4

Nim Teyhungwa miq ang tungkang o salwet sungrang inn. Nga wey bat phang sungrang ang inn.

Hebrews 11:1

Hiqtang aa tungmang raaq sha ang ang aa ta tathin sha kam ta raaq aa, etho kam wang khimi phan sha takhi na ta sam i.

Hebrews 11:27

Kam tungkang o lungwang tinqhat ma cho hunga Moses Egypt haq tha shingchak ta; utang eq tho khi moq Shkewa sha khi aa thimal ang eq piq uwel angma thamjam chey roq angta.

1 Peter 1:6

Iri rangma nim sungrang ang inn. Thanga chomwey rangma tsamnang daqhan tari wang nim tinshit ching.

1 Peter 2:7

Iri long raa nim ma thangchan bara han shing inn. Etharin utang eq han shing moq ning rangma, “Bari long sha raa moq ta himhuntey tang aa shingchak ta eshi long sha thaji phey náng eq jaqhal thangchan long ma kalikta.”

1 Peter 5:4

Etho Ajong Kelwut rimtey takhi ajo, nim aa phun amun khopok sha kap nin, eshi rangham alip sha baluk otho munti moq angna.