1 Peter 1:7 - Muklom

⁷ Nim kam sha chamtan asing sha thak siin rangma iri tang raa angta. Nim kam sha hun aa cha phey náng thangchan. Hun aa cha sha uthun ang ajo tho wal eq ira hun tasang aa, irimal nim kam raa tho ang ang ching. Irimal ang ajo Jesu Khristo sha takhi saal o, nim rangma tasapsey, phun amun etho rangka nim aa kap nin.

ASII LAKDAP Bible (BSI)

⁷ Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

Hawa Naga Bible 2001

⁷ Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

1 Peter 1:7 Referencias Cruzadas

Matthew 19:28

Jesu aa batta, “Nga asing bat phang, mingkang anal rangham tho, Miqna Sa lungwang ang eq phun amun tongching na tong ajo, nim asi ani i jiphantey tang sha asi ani tongching na tong eq, Israel asi ani phan sha khaphung nin.

Matthew 25:21

Utangteywa they piq ma batta, ‘Jaqhal ni uhan eq ching sanga, nang aa jaqhal som tu! Nang raa amaan dan wang uhan ching rol, nga nang raa daqhan tang wang siin tan ma shing phanáng. Ba tangteywa sungrang jam sho rap sungrang u.’

Matthew 25:23

Utangteywa they piq ma batta, ‘Jaqhal ni uhan eq ching sanga, nang aa jaqhal som tu! Nang amaan dan wang uhan eq ching rol, nga nang raa daqhan tangwang siin ma shing phanang. Ba tangteywa sungrang jam sho rap sungrang u.’

Luke 12:33

Nim pik aa haq tang shi sangchak eq tangshit tangma kotchak inn. Nim nginkhak shi baluk otho po moq ang atha hun inn. Ira mungtan lik angin bara baluk otho kum moq angna etho bari rel o ahut jin ruk thu moq angna etho jongbal eq tho phak moq angna.

Luke 17:30

Miqna Sa thoksal o tho irimal hun angna.

John 12:26

Chamtey i sanga ma nuk ajo piq aa i jiji phanching angna; etho nga barina, eshina isanga tang tho ijamoq utong angna. Etho chamtey isanga ang ajo Iwa piq sha rangka eq na.”

John 5:44

Nim aa ashey eq ashey tasapsey ma nuk inn etho ashey dang tasapsey bara Shkewa chingko wang shima nuk min, nim aa nga chammal eq han pha nin?

Acts 8:20

Etharin Peter aa thawel batta, “Ba ngin sha ba jamoq cham thint aa, chammatakoi nang aa Shkewa jakkot sha ngin eq jin ri náng ta tathin u i!

Romans 2:10

Etharin barey jaqhal som aa, ning rangma phun amun etho rangka etho nungmay angna; esha phang Jehudi tang ma eshi jio Gentile tang ma angna.

Romans 2:29

Etharin bara tin mong wang hankhup qhan chol tey piq sha hun Jehudi, bara jak eq wit aa thong wang ang moq etharin Tsija wang ang aa. Eshimal miq sha miqtang wang ang moq ang eq Shkewa ching kowang rangka kap na.

Romans 2:7

Barey jaqhal jaksom som chey roq eq na etho phun amun, rangka etho timoq rollung sha bi aa, ning rangma Shkewa pattuk rollung kot na.

Romans 8:19

Phanghun eq rapney tungmang wang Shkewa susa tang takhi rangma ban chey aa.

1 Corinthians 3:13

Etho Khristo saal o, miq jaksom lot chamal aa sha thaji miqtang aa usam eq na. Chammatakoi eshi saal sho wal eq thaji miqtang jaksomlot tang sha takhi na; jaksom sha asing ti alik aa ta wal eq tari na.

1 Corinthians 4:5

Ethirangma, nim atho khakla rangham thuwey phamoq nángduk nak phung inn. Teyhungwa kat náng thula ban inn. Piq aa rangnak na tapu eq somlo aa tang sha rangwung náng thoksol phana etho tinmong o tapu shing eq chamlang ta tathin aa tang thaji sha usam eq ma kot na. Etho eshi rangham tho Shkewa aa thaji miqtang sha chamal rangka kap ching shimal kot na.

James 1:12

Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

1 Peter 1:13

Irimal ang ajo jaksom rangma nim thung shi kacha inn. Rangtun eq tong inn etho, Jesu Khristo kat rangham o nim aa kap ma ta inn eshi ráng manchan rangma nim aa tungmang shing eq tong inn.

1 Peter 1:5

Iri tang raa nim rangma, nim kam tungkang o Shkewa tarong wang nim raa uthun rangham o takhi lunwan rangma thalun phin.

1 Peter 2:4

Teyhungwa relnáng kaphin, piq sha miqtang aa raa moq ta shing chakta long, etharin Shkewa piq sha thangchan ta talchol.

1 Peter 2:7

Iri long raa nim ma thangchan bara han shing inn. Etharin utang eq han shing moq ning rangma, “Bari long sha raa moq ta himhuntey tang aa shingchak ta eshi long sha thaji phey náng eq jaqhal thangchan long ma kalikta.”

1 Peter 4:12

Inokwa nia noknu tang, rapney tsamnang tari nim ma ang ajo, iri tang ri chamlang ma í jamna ang aa ta tathin eq nak patja inn.

1 Peter 4:13

Etharin Khristo tsamnang shina nim tho tsamnang ang inn ta sungrang ang inn, irimal ang eq piq phun amun takhi rangham o nim rapney sungrang ang nin.

1 Peter 5:1

Nim miqlang tang, nga nim ma likwit phang, nga nim mal miqlang etho Khristo tsamnang miikkhi kottey etho bara phun amun takhina eshina nga tho atha angnáng.

2 Peter 1:1

Iri likwit raa Jesu Khristo sanga nia apostle Simon Peter ching kowang: Hiqtang aa kapti mal thangchan kam kaptey miq ma iri likwit raa wit ang, Shkewa nia thaluntey Jesu Khristo asing tungkang wang.

2 Peter 1:4

Eshi tungkang o piq aa hiqtang ma ajong nia thangchan rangtum kot ta, irimal ang eq iri rangtum tungkang o hiqtang sha mingkang jashit tinthin bara hiqtang tathun chak phani, iri thaji wang lun eq etho Shkewa dangjang mal ang ni.

2 Peter 3:14

Eshirangma i noknu nia wa tang, nim aa eshi saal sha ban inn jo, Shkewa relna asang nia jaq moq ang rangma etho piq jamoq nungmay eq tong ching.

Jude 1:24

Barey nim sha tabot wang jin táng tey etho nim sha uphun amun jakho na sungrang jamoq ang eq jin thalang eq phanin,

Revelation 1:7

Siin inn, piq phun tang jamoq kapha; thaji miik eq piq sha khina, utang eq piq tasam ta, ning aa tho piq tha ukhi eq na, etho mingkang thaji miqtang ma piq tungkang o tin tashit na. Irimal hun cham ang aa! Amen.

Revelation 2:10

Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.

Revelation 3:10

Nang aa tinthaman rangma i raaqkhat kot tu sha nim aa shing tin eshirangma mingkang na tongtey tang rangma bari tari sha thupha na eshiwang nga nang sha thalun phanáng.

Revelation 3:18

Eshirangma tanglom angma, wal o sot chol hun aa cha ri, iching wang ri phu ta nga nang ma batphang; etho nang hansang wang rakri ang moq angma usam eq ma apung khat shi iching wang ri phu. Etho nang aa jin khi eq u tha ba miik o jik ma ujik phan iching wang ri phu.