1 Peter 1:7 - ASII LAKDAP Bible (BSI)

⁷ Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

Hawa Naga Bible 2001

⁷ Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

Muklom

⁷ Nim kam sha chamtan asing sha thak siin rangma iri tang raa angta. Nim kam sha hun aa cha phey náng thangchan. Hun aa cha sha uthun ang ajo tho wal eq ira hun tasang aa, irimal nim kam raa tho ang ang ching. Irimal ang ajo Jesu Khristo sha takhi saal o, nim rangma tasapsey, phun amun etho rangka nim aa kap nin.

1 Peter 1:7 Referencias Cruzadas

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

YOBA 28:1

Kampho ka kampho sha mong wa thutlo; kiimaq chaq ka asha mong wa thuraüta watum na chentlo.

Tvtsvmc 17:3

Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.

TAKSU LAK 16:16

Chaq nai seng riichom nam miika, taksu tsii nai nyan phaqchi tsin chang. Arka rahea pinthum.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

TAKSU LAK 8:19

Ümniiraq ijaq wa lap tlaü kriika, chiisan pinthum chaq thaq niimin araa pinthum, chiisan kampho thaq niimin, rahea pinthum.

THARC TVLUINGC 5:14

Shatmaq akhing ashi na, kra kampho ka phanshi ra alap chang piikii lam asi kiijaq piikiikai na piikii ka sumphaqtlo. Raüta jai na asaü asetiim miitu thüthü chang min ahüshe riitlo.

ISAIA 48:10

Ngi raq ümniika chamchao wa maq chaq lata chen wan kang, kampho ka khiwa maq chentlaq ikha chenkang. Shatmaq Ngi raq ümniika thiihü chhikang.

JEREMIA 48:36

“Arningkhan itsan ka Mob miitu hoqtlo. Kiimaq Kir Heres chelati miitu hoqtlo. Maiq weshi ra raq maahoti paimin tsü raüta majo shingetlaq ikha. Jamkhano ngukla tsangshiq jaq na jamlai wa sitlaq kriika tiisiirai she thumto.

JEREMIA 9:7

Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

MALAKI 3:3

Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

WEAWEA 5:28

Shatmaq apaiq ka shut mak dea, sepii jiila, manson ka akhum na nikhi walot mak miraq. Krai mren apaiq raq asetiim ka mihum wan.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 25:21

Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’

Matthew 25:23

Kiijiishe, ‘Riikhaqli, ong laü. Ümniiraq tsiiq ka atsapse li jiimin, asho awo tliip pha wan laü. Arkha maq, ümchaü sanha ngi raq ümjaq na tsiiq apa sham wan miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’ ” nguta chongto.

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 17:30

Ikiikhiisii hali, Maiq Se saükai akhing ranaiq niimin micha wan.”

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

Acts 8:20

Kiijiishe, Petar raq, “Shiikeawe kongphiq Asii Wenyi ningkun ka ümkampho maq mirilot ha nguta ashut pinthum tiima tlaü kra ningkhan, ümniirai ümkampho thop kra wamungtan na mitiikhiim baiq kiiphaü!

Romans 2:10

Shatmaq, maiqse angu ümchu riiwa, riikhaqli sham akai ka sham raüta siwantaq, kriiti thun tarü miika Shiikeawe raq khushü, shreng kiimaq hansang rakhang rilung mikuq wan. Apha na Jehudinok ma mikuq wan. Raütiishe Pongnok phan maiqse ma mikuq wan.

Romans 2:29

Shatmaq, riikhaqli Jehudinok phan maiqse dea nguta sitlaq kriika, ümriiti wa atsan among na, Jehudinok phan nguta sitlaqti kata. Kriika atsan among na atho ka hanje maq sitlaqti kra nangnga ngutlo. Riita, arka Shiikeawe Asii Wenyi jaqsham. Arka awaiq araq Thungtri jaqsham ka riimak. Riita, arti ka Shiikeawe raq shomra tlo. Maiqse riika shomra mak.

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 8:19

Shiikeawe raq phanrap ümchuwa phansang wantaq thun wiitarü raq, maklii khamthii maq, Shiikeawe raq asetiim thun kra tiichhi kuq wan tlo haü jiilei nguta, kai athei ange khe wan tlo.

1 Corinthians 3:13

Kiimaq maiq khumtek raq ahea, abi minshiiq tlaq kriika, Khristo saükai akhing ranaiq niishetiq mitiichhi kuq wan. Ara jamkhano chongtiikang ngukla, maiqse raq ümchuwa jaqsham wantaq kriika, kra Ranaiq na wa maq michaq. Raüta, wa maq chaq raütiq, jaqsham ka ahea sha abi wa sham wantaq kra mitiichhi kuq.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

1 Peter 4:12

Lungwii phunainotiim lei, ümchaü bala kamtsantsii maitai namshiq chamchao walü mong maq learai wan tlan kra ningkhan, namshiq ka jamkho chamchao kikai nguta naq wang thang rongkiq. Saüthin wan mak chang phan saürai wan tlo riimak sha nguta naq chapa rongkiq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.