1 John 1:2 - ASII LAKDAP Bible (BSI)

² Ümtiikiiwa ara rilung ka mak maq chhili chang she maiqse ma pokitaq, naishiq raq apaiq ka chhi kai. Kra ningkhan, naishiq raq apaiq Tsütsa ara chong tiikai. Kiimaq pattup pat-sa rilung, Awe rai sitlaq, kiimaq kra rilung ka ümchaü nashiq ma tiichhi kuq tlaq kra manphan chongkuq tiikai.

Hawa Naga Bible 2001

² Kvruex rullungx kuex dung wvnc tueq nuex nuiyshiq rueq kvruex khiz tiq; kvkhoc rvtueq kvruex lvmz nuiyshiq rueq hakhix khvmc vshix. Vwaz rulc vdvmz httaz wvnc tueq rullungx kuex nuiyshiq muex kvkhic kay khuec nuex, nuiyshiq rueq kvruex rullungx lvmx kuex nuimshiq muex jungx tvtay kuq vphix.

Muklom

² Baluk o iri rollung raa takhita, í aa esha khiti; ethi rangma í aa eshi tung aa raaq ma miikkhi ko chey i, etho í aa nim rangma baluk otho thun moq iri rollung tung aa raaq bat chey phi, bara hiqtang wa jamna angta etho í ma takhi taphi.

1 John 1:2 Referencias Cruzadas

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 1:4

Apaiq ka rilung rangchong. Kiimaq ara rilung raüchong arka mangjong maiqse ma rawüli.

John 10:28

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 15:27

Kiimaq, namshiq riimin la, ngi hakhi ma jawan lanta, ngi tingkhu wa bom ka maiqse ma michong kuq han. Ara jamkhano chongtiikang ngukla, namshiq ka ngi raq trahoke wan jaqsham phaho kang ranaiq miiphü she, ngi rai kongshi maq jaqsham wan dam lan kata.”

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 19:35

Ara chong tiikai mra pintaq thun ara, juro apaiq mak maq chhitaq, kriiwe raq bom ka chong tlo. Ara bom chong tlaq arka, namshiq riimin, ara bomchong arma mikam wan laq nguta chong kuq tlo. Apaiq raq jamlai bom wa chongtlaq kriika tengteng. Krai mren, apaiq riika kamto maq tengteng chhikang asap ha nguta chong tlo.

John 21:14

Riita, ara chongtiikai, Jesuq raq ajaqshisetiim rai riihumkitaq arka, apaiq ka amaa wa dong wan li maq, laktsam ngoja riihumkai bom she riito.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 7:29

Shatmaq, ngi raq apaiq ka juwa kriika asap ha. Apaiq ka ngi tiikaiti we. Ngi ka apaiq pha wa akiha,” nguta Jesuq raq nokmaiqse ma traho kuqto.

John 8:38

Ngi riika, i We raq ngi ma jamlai sham akai wa tiichhikuq tlaq, kriili chongkuq tiikang. Shatmaq, namshiq riika, nam we raq jamlai phan sham akai wa chongkuq tlaq kriili sham tlan.”

Acts 10:41

Riita ara apaiq sham tiichhikuq wantaq kriika maiq wiitarü ma pili niika riimak. Arka Shiikeawe raq Jesuq hakhibi miitu juju wa kongkhu miiphü tsea raüta, tiijetiiti thun kra miili tiichhi kuqto. Kra hakhibi ka naishiq ara. Naishiq ka apaiq amaa wa dong wanjai miimin, apaiq rai adam maq phaqsiq wandam kai.

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 5:32

Shiikeawe raq jamlai phan jaq wa shamtaq, kra hakhi kewanti ka naishiq. Kiimaq Shiikeawe aming lang wantibi ma, Shiikeawe apaiq raq kongphiq kuqtaq Asii Wenyi kra riimin, naishiq rai adam maq hakhi kuq damtlo.”

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

2 Timothy 1:10

Riita, ümchaü sanha, Khristo Jesuq nashiq Chhiiti we ka, mangjong hiq niishe saükito. Apaiq mangjong hiq na saükitaq arka, Shiikeawe raq nashiq ma lungwii jonghea rüm tlaq kra tiichhi kekai ngutiishe tiikito. Tsütsa Ahea lümaq, Khristo raq atsai ningkun kharü raü ka chumbaiq wanto she. Raüta, nashiq ma pattup pat-sa rilung ka kuqto she.

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

1 John 3:5

Namshiq raq asap han, Khristo ka maiqse khum na pokitaq kriika ngarai kharü thun kra chumbaiq kai kito. Kiimaq apaiq dü niika ngarai ahü, chongwa siirai dongdii.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

1 John 4:2

Riita tsangshiq khum na sitlaq kriika Shiikeawe raq akuq Asii Wenyi dea sha, riimak wa, kriika ara kappe maq chechiip han jaq ahea miraq: Jurwa Jesuq Khristo ka maiqse han-ngam na pokito nguta kamtlaq, kriiti khum na sitlaq kriika Asii Wenyi dea ngushat miraq. Kriika Shiikeawe raq akuq Asii Wenyi dea ngushat.

1 John 5:11

Riita nashiq raq hakhi kuq tiikai arka ara: Ümchaü sanha, Shiikeawe raq nashiq ma pattup pat-sa rilung tsitsü ka kuqto she. Kiimaq nashiq tsitsü rilung rangchong ka, Ase kra ngutiishe nashiq raq sap wan kai she.

1 John 5:13

Ngi raq ara waiq tiikang arka, namshiq ümriiti riiwa Shiikeawe Se ma kamtlan, kriiti thun raq pattup pat-sa rilung ka lap lanshe dea, nguta misap laq ngo maq ara waiq tiikang.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.