1 John 1:3 - ASII LAKDAP Bible (BSI)

³ Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.

Hawa Naga Bible 2001

³ Nuiyshiq kuex Vwaz rulc muinz Vsaz Yesu Christu rulc muinz lux rvyaungc wvnc tiq khuec nuex, nuimshiq muinz nuiyshiq rulc vroc nuex kungjix yaungc wvnc naungc tvkoc nuiyshiq rueq khiz tay wvnc tiq lvmz htenc kuex nuimshiq muex jungx tvtay kuq vphix.

Muklom

³ Í aa chamlang khiti etho tat ti, eshi raaq sha í aa nim ma bat ko chey phi; irimal ang eq nim í jamoq rok rum pha nin. Í rok rum sha wa nia usa Jesu Khristo jamna.

1 John 1:3 Referencias Cruzadas

YOBA 13:1

Namshiq raq ümchuwa chonglan, kriithun ka ngi raq man niiphü atai kun she. Ngi raq wiita asapha siisaq; Namshiq raq ümchuwa saptlan kriika ngi riimin asapha. Ngi ka namshiq nam ma anun lin ka riimang.

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Tvtsvmc 22:22

Ngi raq inok ibin ma michongha ümniiraq jamlai wa shamkuq laü kra; Ngi raq ümnaq mitiitsamha tsangshiq phungtu maq:

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

WEAWEA 10:32

Ümniika naishiq rai wadam haüla, Tatiwe raq naishiq ma ümchu wa achu shiiman kuq jiiq, kra wiita ümniirai riiphea riinyin laita mishong wan rong i.”

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

John 17:21

Ngi raq, tsangshiq tarü ka weshi ikha, kiqshi tsiimshi miidea mishong nga laq nguta, achu jaü tiikang. I We lei! Tsangshiq ka nanai puk na mishang laq. Ümniika i pum na, kiimaq ngi ka ümpum na. Tsangshiq ka pumshi ikha mija wan laq. Krai mren, mangjong maiqse raq, ngi ka ümniiriidea tiiki laü nguta mikam wan.

John 17:25

I We lei! Ümniika tingting! Mangjong maiqse raq ümniika juwa sap mak. Shatmaq, ngi riika asap ha. Kiimaq artiim riimin, ngi ka ümniiriidea mangjong hiq na tiiki laü nguta asap.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 19:35

Ara chong tiikai mra pintaq thun ara, juro apaiq mak maq chhitaq, kriiwe raq bom ka chong tlo. Ara bom chong tlaq arka, namshiq riimin, ara bomchong arma mikam wan laq nguta chong kuq tlo. Apaiq raq jamlai bom wa chongtlaq kriika tengteng. Krai mren, apaiq riika kamto maq tengteng chhikang asap ha nguta chong tlo.

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Acts 13:41

‘Liirong laq, angok anginok lei, Shiikeawe bom shipoqtitiim lei! Wangthang rai ronglaq, lanta miqphaq wan ronglaq! Ara jamkhano chongtiikang ngukla, ümchaü namshiq pat na ngi raq jaqsham tiikang arka, maiq weshi ra raq namshiq ma chongkuq raü min, namshiq raq kam man!’ ”

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Acts 20:27

Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Romans 15:27

Ara tsangshiq raq thapthi wantaq arka, tsangshiq tsiitsii maq archong wan. Shatmaq, riikhaqli maq liiwan raü jiika, tsangshiq raq Jehudinok ma, jaqsong khrum kewan chang ka asi dea na. Jehudinok raq tsangshiq Pongnok phan maiqse ma, kamasham tsiiq anyam ka phea kuq wanto kriikha maq, tsangshiq riimin la, tsiiq nai nyam ka, Jehudinok ma kran kewan ka alam asi.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

1 Corinthians 1:9

Namshiq raq Shiikeawe ma pinthum kamchang, Shiikeawe raq nashiq TATIWE, Ase Jesuq Khristo rai adam maq siwan miitu hea wanto she.

1 Corinthians 15:1

Riita ümchaü min phunainotiim lei, ngi raq namshiq ma bliiq tiitaike nong rotiikang. Ngi raq namshiq ma Tsütsa Ahea chongkuq kang kra, namshiq raq lang lan she. Kriithaq na, namshiq kamasham rang ka pharangrang miishe cham tlo.

Ephesians 3:6

Riita, ara chong tiikai apaü raüta athü Shiikeawe jaqsham jaqthiq arka, Tsütsa Ahea lümaq Pongnok phan maiqse riimin, Jehudinok phan rai adam maq, Shiikeawe achu shiiman kriika lap wan damtlo she, nguta Shiikeawe raq tiichhi kuqto. Kra bomchong tiichhi kuqtaq kra, nangnga chong tlo. Tsangshiq noknai ri ka, ümchaü tashi wiishi miishe tiija wanto. Raüta, Shiikeawe raq, Jesuq Khristo lümaq, achu shiiman ümchuwa kuq tlaq kra, tsangshiq noknai ri raq, mren mra she lap tlo.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Philippians 2:1

Namshiq ka ümchaü sanha Khristo nyam mong na, phintsaq tsaqhea she sitlan. Kiimaq apaiq mangchan wokhong na, tsailam jilam sitlan. Namshiq ka Asii Wenyi rai rintii ashi maq sitlan. Kiimaq, namshiq liipan na riilung riiwii, kiimaq riimang riichan miishe sitlan.

Philippians 3:10

Ümchaü sanha, ngi raq Khristo ka atsaü maq sap wan rotiikang kriili she. Kiimaq, apaiq ka amaa wa tiidong wantaq ningkun raq, i khum na jaqsham tlaq kra, sap wan rotiikang kli she. Lata, apaiq chamchao wantaq homa kriimin riisha howan dam lata, apaiq tsaitaq kiikha, atsai chamchao kra, i khum na sap wan rotiikang.

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

1 Timothy 6:2

Kiimahali, Phungmaiqsetiim disetiim raq, tsangtijong wetiim ka, ümchaü kla siphu sino siisaq she nguta tiima raüta, atijong wetiim ka shipoq ra mak. Kra rii na, tsangshiq raq tsangtijong wetiim wokhong na awongsii, maiqshaq pinthum disetiim miishe jawan raa tlo. Ara jamkhano chongtiikang ngukla, tsangshiq disetiim raq jaqsham tlaq kra tsingo ka, atijong wetiim ma aliip dong tlo. Kiimaq tsangtijong wetiim ka ümchaü sanha, Khristo na lungwii phunaino siisaq she jawanto. Ara sungkhu tsiilam chongkuq tiikang thun ara lang raüta siwan miitu, ümniiraq ümnok ümbin tarü ma, phaqthak nithak maq tsii chongkuq laq.

Hebrews 2:12

Apaiq raq Shiikeawe ma tsangshiq miitu bom ka akha chongtlo: “Ümniiraq jamlai jaq wa shamkuq laü kra, ngi raq, I notiim ma michong kuq ha; ngi ka tsangshiq phong na nga lata, ümniika mishom raa ha.”

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

2 Peter 1:16

Naishiq kiimwebi raq namshiq ma nashiq Tati Jesuq Khristo ka apaiq ningkun ajong achhai anyii liliim wahea la maq misaüho nong nguta namshiq ma atsi dada maq chongkuqkai. Kra chongkuq kai irka, naishiq raq chiiheawea wea wa maiq bom chong tiishowo manphan tai laita atlii chongkuq hai riimak. Naishiq raq maiqmii mak maq, apaiq khushü ngao jonglu ka ümtinkhan wa sitlaq kra chhi wan kai.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

1 John 1:5

Naishiq kiimwebi raq Ase nübok wa tsütsa ka ara tai kai. Laita ümchaü namshiq ma chiiriim laita chongkuq tiikai. Tsütsa ka ara: Shiikeawe ka rawü. Kiimaq apaiq khum na ranyaq ngutiika akhiismin ahü.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.