1 John 1:1 - ASII LAKDAP Bible (BSI)

¹ Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

Hawa Naga Bible 2001

¹ Vphaungc vyaungc maq phuex vhttax dodoc rullungx tvraungx Bomjungc lvmx nuimshiq kox nuex nuiyshiq rueq wuiyq tvgurc vphix.Thuiuzthuic ngoz yaq bomjungc lvmx kuex luik nuex wuiyq tvwvnc vphaungx, kvruex bomjungc kuex vphaungc vyaungc maq phuex vhttax rvtueq, nuiyshiq rueq vtay muinz tay wvnc tiq, muik maq muinz khiz wvnc tiq, nuiyshiq rueq yauk maq muinz shuimx lawc wvnc tiq.

Muklom

¹ Í aa nim ma rollung Raaq raa batphi, bara thaji ahung angta jakho wang hun angta. Í aa esha utat eq ti, etho í aa í miik wang khiti; ang ang aa, í aa sing siin eq ti etho í jak eq hun loti.

1 John 1:1 Referencias Cruzadas

ISAIA 41:4

Atinkhan arka juwero tiihong thalottla? Manphan ka juwero thapthi kuqta? Ngi, Tatiwe ka rapha hiqwa niiphü asi dongdii riikang, kiimaq Ngi, Tatiwe ka atiithum na saüli kiijaq asi mirha.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Luke 1:2

Tsangshiq raq waiq wantaq kriika, nashiq ma chongkuqtaq, manphan kriili. Kra manphan ka, Phungmaiqse ka jamkho parai wanta, kra manphan, apha wan ranaiq miiphü, arang chong maq tiichap tlii maq, jujuro maiqmii mak maq chhi wantaq, raüta kra tsütsa ka nashiq ma trahokuq wan wan, phanchan chongkuqtaq, kriiwa riichom raüta, waiqto.

Luke 24:39

Namshiq raq maiqmii mak maq, i jaqphi ara lii rong liina. Kiimaq i hokphi ara liirong liina. Lanta, arka ngi dea ahata nguta sap rong liina. I khum arjaq namshiq maiqmii jaq maq chum rong liina. Lanta, namshiq raq arka ngi dea nguta misap han. Ara i khum arka, tiijai han-ngam khum dea ahata nguta misap han. Maji khum niika, arok arii nai tiijai han-ngam ka ahü.”

John 19:35

Ara chong tiikai mra pintaq thun ara, juro apaiq mak maq chhitaq, kriiwe raq bom ka chong tlo. Ara bom chong tlaq arka, namshiq riimin, ara bomchong arma mikam wan laq nguta chong kuq tlo. Apaiq raq jamlai bom wa chongtlaq kriika tengteng. Krai mren, apaiq riika kamto maq tengteng chhikang asap ha nguta chong tlo.

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

John 5:26

Awe ka tarü ma tsitsü raüchong. Krai mren ngi, Ase armin tarü ma tsitsü raüchong.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

1 John 5:7

Jesuq Khristo ka Shiikeawe Se dea nguta tengteng kiimwe jati ka atsam.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 19:13

Apaiq raq samtlaq samtong jong ka tiijai maq alorat riito. Apaiq mang ka “Shiikeawe Bomtsi.”

Revelation 2:8

“Smarna na phungtu sitlaq kra liiti rase ma ara waiq laq: “Ara tsütsa arka aphati we nai atiisupti we raq atiiwan. Apaiq ka atsai riikito. Shatmaq, ümchaü ka atra sinong tlo.