Mattheu 5:28 - BIBELE

²⁸ Empa nna ke re ho lona: Mang kapa mang ya tadimang mosadi ka ho mo lakatsa o se a mo febile pelong ya hae.

Sesotho 1909/1961 (SO)

²⁸ Empa nna, ke re ho lona: Motho, leha e ka ba mang le mang, ya tadimang mosadi ho mo lakatsa, o se a mo febile pelong ya hae.

Baasraak Sotho NT

²⁸ Empa nna ke re ho lona: E mong le e mong ya tadimang mosadi ho mo lakatsa, o se a mo febile pelong ya hae.

Contemporary Southern Sotho Bible 2024

²⁸ Empa nna ke re ho lona: E mong le e mong ya tadimang mosadi ho mo lakatsa, o se a mo febile pelong ya hae.

Mattheu 5:28 Referencias Cruzadas

Genese 34:2

Ha Shekeme, mora wa Hamore wa Mohife, kgosana ya naha eo, a mmona, a mo tshwara, a mmeta, a mo hlompholla.

2 Samuele 11:2

Ka tsatsi le leng, motsheare wa mantsiboya, Davida a tsoha diphateng tsa hae. Ha a ntse a otlolla maoto hodima marulelo a ntlo ya bokgosi, a bona mosadi a ntse a tola. Mosadi eo o ne a le motle haholo.

Jobo 31:1

“Ke entse tumellano le mahlo a ka, hore ha a ka ke a tjhatjhehela kgarebe.

Jobo 31:9

“Haeba pelo ya ka e hohetswe ke mosadi, eba nkile ka lalla monyakong wa mohaeso,

Dipesaleme 119:96

Ke bone hore tsohle tse phethehileng di na le bofelo, empa Molao wa hao ha o na moedi.

Eksoda 20:17

“O se ke wa lakatsa hore ntlo ya motho e mong e be ya hao. O se ke wa lakatsa mosadi wa hae, kapa mohlanka wa hae, kapa lekgabunyane la hae, kapa pholo ya hae, kapa tonki ya hae, kapa ntho e nngwe le e nngwe eo e leng ya motho e mong.”

Diproverbia 6:25

Pelo ya hao e se lakatse botle ba sona, mahlo a sona a se ka o hohela,

Ezekiele 23:16

Hanghang ha a ba bona a ba tjhatjhehela, a ba a romela maqosa ho bona, Babilona.

Levitike 18:20

“ ‘O se ke wa kena dikobong tsa mosadi wa mohaeno, wa itshilafatsa ka yena.

Mattheu 15:19

hobane pelong ho tswa mehopolo e kgopo: polao ya sehloho, bofebe, bohlola, boshodu, bopaki ba leshano le diketseletso.

Mattheu 5:22

Empa nna ke re ho lona: Mang kapa mang ya halefelang ngwanabo o tla tshwanelwa ke kahlolo, mme ya reng ho ngwanabo: ‘Sethoto towe!’ o tla tshwanelwa ke ho iswa kgotla; ha e le ya reng: ‘Tseketseke towe!’ o tla tshwanelwa ke ho ya mollong wa dihele.

Mattheu 5:39

Empa nna ke re ho lona: Le se ka la hanyetsa motho e mobe, empa ya o jabelang lerameng le letona, o mo retelletse le le letshehadi;

Baroma 7:14

Re a tseba hore Molao ke wa moya, athe nna ke wa nama, ke lekgoba la sebe.

Deuteronoma 22:22

“Haeba monna a fumanwa a feba le mosadi wa monna e mong, monna eo le mosadi eo ya neng a feba le yena, ba tla bolawa bobedi ba bona. Ka mokgwa ona, o tla fedisa bokgopo kahara lona.

2 Petrose 2:14

Mahlo a bona a tsoma bofebe kamehla, ba lakatsa sebe hoyahoile, ba tshwasa ba fokolang, dipelo tsa bona di tletse meharo. Ke batho ba rohakehileng.

1 Johanne 2:16

hobane tsohle tsa lefatshe: ditakatso tsa botho, tse hohelang mahlo, le ho ikgantsha ka maruo, tsena hase tse tswang ho Ntate, empa ke tse tswang ho lefatshe.