Luka 7:34 - BIBELE

³⁴ Mora Motho o ile a tla a eja, a enwa, mme le re: ‘Motho enwa ke monyollo le letahwa, motswalle wa balekgetho le wa baetsadibe!’

Sesotho 1909/1961 (SO)

³⁴ Mora motho yena o tlile a eja, a enwa, mme le re: A le ke le boneng motho wa moji le wa monwi, motswalle wa balekgetho le wa baetsadibe.

Baasraak Sotho NT

³⁴ Mora motho o tlile a eja, a enwa; mme le re: Bonang motho wa sejato, le monwi wa veine, motswalle wa balekgetho le baetsadibe!

Contemporary Southern Sotho Bible 2024

³⁴ Mora motho o tlile a eja, a enwa; mme le re: Bonang motho wa sejato, le monwi wa veine, motswalle wa balekgetho le baetsadibe!

Luka 7:34 Referencias Cruzadas

Mattheu 11:19

Mora Motho yena o tlile a eja, a enwa, yaba ho thwe: ‘Motho enwa ke monyollo le senwi sa veine, ke motswalle wa balekgetho le baetsadibe.’ Empa bohlale bo netefatswa ke mesebetsi ya bona.”

Mattheu 5:46

Haeba le rata ba le ratang feela, le ka ba le moputso wa eng? Ana balekgetho le bona ha ba etse jwalo na?

Mattheu 9:11

Ha Bafarisi ba bona hoo, ba re ho barutuwa ba hae: “Ke ka baka lang moruti wa lona a jang le balekgetho le baetsadibe?”

Luka 11:37

Yare ha a ntse a bua, Mofarisi e mong a mo kopa hore a yo ja le yena; a kena, a ja.

Luka 14:1

Eitse ha Jesu a ile dijong tlung ya e mong wa batsamaisi ba Bafarisi ka Sabatha, ba mo disa.

Luka 15:2

Bafarisi le Ditsebi tsa Molao ba korotla, ba re: “Monna enwa o amohela baetsadibe, mme o ja le bona!”

Luka 19:7

Yare ha ba bona hoo, ba korotla bohle, ba re: “O fapohetse ha monna wa moetsadibe.”

Luka 5:29

Levi a mo etsetsa mokete o moholo ka tlung ya hae: ho ne ho ena le sehlophahadi sa balekgetho le ba bang ba dutse ba eja le bona.

Luka 7:33

“Etswe Johanne Mokolobetsi o ile a tla a sa je bohobe, a sa nwe veine, mme le re: ‘O na le modemona.’

Luka 7:35

Empa bohlale ba Modimo bo netefatswa ke bohle ba bo neilweng.”

Luka 7:36

E mong wa Bafarisi a memela Jesu ho ja le yena; a kena ka tlung ha Mofarisi eo, a dula, a ja.

Johanne 12:2

Ba mo etsetsa dijo teng, Maretha a ba fepa, mme Lasaro e ne e le e mong wa ba nang le yena dijong.

Johanne 2:2

Jesu le barutuwa ba hae le bona ba ne ba memetswe lenyalong.