Jonase 1:14 - BIBELE

¹⁴ Kahoo ba ipiletsa ho Morena, ba re: “Oho, Morena, o se ke wa re timetsa, wa re re bolaile monna enwa. O se ke wa re bea molato wa ho tsholla madi a se nang molato, hobane wena Morena, o entse se o kgahlang.”

Sesotho 1909/1961 (SO)

¹⁴ Yaba ba howeletsa ho Jehova, ba re: Oho Jehova, oho, o se ke wa re timetsa ka baka la bophelo ba monna enwa, o se ke wa re jarisa madi a se nang molato, hobane wena Jehova, o entse kamoo o ithatetseng kateng.

Jonase 1:14 Referencias Cruzadas

Genese 9:6

“Mang le mang ya tshollang madi a motho, le yena madi a hae a tla tshollwa ke motho, hobane Modimo o entse motho ka setshwano sa Modimo.

Dipesaleme 107:28

Matshwenyehong a bona ba lla ho Morena, mme a ba ntsha tsietsing ya bona.

Dipesaleme 115:3

Modimo wa rona o mahodimong, o etsa tsohle tse mo kgahlang.

Dipesaleme 135:6

Morena o etsa tsohle tseo a di ratang, mahodimong le lefatsheng, mawatleng le madibeng wohle.

Isaia 26:16

Morena, ba tlile ho wena ba tsielehile, ha o ba kgalema yaba ba a o rapela.

Jonase 1:13

Leha ho le jwalo, banna bao ba leka ka matla ho sokela sekepe lebopong, empa ba sitwa, hobane lewatle le ne le befile, le ntse le tuduana.

Jonase 1:16

Banna bao ba tshoha haholo, ba nyehella Morena ka sehlabelo, mme ba mo etsetsa dikano tse itseng.

Jonase 1:5

Basesisi ba sekepe ba tshoha, mme e mong le e mong wa bona a ipiletsa ho modimo wa hae. Ba lahlela thoto lewatleng, e le hore ba imolle sekepe. Ha e le Jonase yena o ne a theohetse ka kamoreng e katlase ya sekepe, a ithobaletse, a ile le sephume sa boroko.

Jonase 3:8

Empa motho a apare tse mahwashe, esita le yona phoofolo. Motho e mong le e mong a ipiletse ka matla ho Modimo, a furalle metsamao ya hae e kgopo le diketso tsa hae tsa dikgoka.

Mattheu 11:26

E, Ntate, hobane o kgahlilwe jwalo.

Diketso 28:4

Ha baahi ba bona noha eo e leketla letsohong la hae, ba bolellana, ba re: “Ruri motho enwa ke mmolai, eo le hoja a phonyohile lewatleng, ka toka a ke keng a dumellwa ho phela.”

Baefese 1:11

Ka yena re abetswe lefa. Ho ya ka morero wa ya sebetsang tsohle ka thato ya hae, re kgethilwe e sa le pele,

Baefese 1:9

O re tsebisitse sephiri sa thato ya hae, e leng morero o mo kgahlileng e sa le pele.

Deuteronoma 21:8

Oho, Morena, ako tshwarele setjhaba sa hao sa Iseraele, seo o se lopolotseng. O se ke wa jarisa setjhaba sa hao sa Iseraele molato wa ho tsholla madi a se nang molato.’ Ba tla tshwarelwa molato wa ho tsholla madi.