Jobo 24:5 - BIBELE

⁵ “Jwaloka tonki e hlaha, lehwatateng, mafutsana a tsohella mosebetsing, ho ya sela, lefeella ke lona le fepang bana ba wona.

Sesotho 1909/1961 (SO)

⁵ Bonang, jwaloka dipitsi feelleng, ba tswela dijong e sa le ka meso; ke nahathothe feela ba ka fumanelang bana ba bona bohobe.

Jobo 24:5 Referencias Cruzadas

Genese 16:12

E tla ba monna ya kang tonki ya naha ka bohlaha, o tla lwantsha bohle, mme bohle ba tla mo lwantsha; o tla aha ka botjhabela ho bana babo bohle, a ba lwantshe.”

Genese 27:40

O tla phela ka sabole ya hao, mme o tla sebeletsa moena hao, empa ha nako ya ho itokolla e fihla, o tla monyola molala wa hao jokong ya hae.”

Jobo 12:6

Malapeng a batupi teng ho rena kgotso, ba phephetsang Modimo ba phela ka boiketlo, bao matla a bona e leng wona modimo wa bona.

Jobo 24:14

Mmolai o tsoha ha mafube a hlaha, a bolaye mofumanehi, a bolaye le mofutsana; athe bosiu teng o fetoha leshodu hantle.

Jobo 24:6

A kotula dijo masimong a ba kgopo. A kgwahlapise morara rapeng tsa ba kgopo.

Jobo 5:5

kotulo ya sona e jewa ke ya lapileng a ituletse, a e honyolle leha e le kahara meutlwa, batupi bona ba nyoretswe leruo la sona.

Dipesaleme 104:23

Motho yena o ikela mosebetsing wa hae, a yo sebetsa ho fihlela mantsiboya.

Diproverbia 4:16

Ha ba sa etse bokgopo ha ba robale, ba fadimehiswa ke takatso ya ho bolaya.

Jeremia 2:24

o ka tonki e hlaha, e tlwaetseng lehwatata, e fofonelang moya ha e fihletswe ke takatso; ha e palesitse e ka thibelwa ke mang? Poho tse e batlang di ke ke tsa ikgathatsa, di tla e fumana ka kgwedi ya ho tlolelwa.

Hosea 7:6

Dipelo tsa bona di tjhesa sa sebopi, ha ba qatjhame, ba laletse kgosi. Kgalefo ya bona bosiu e a kekela, ere bo esa e tuke sa malakabe.

Hosea 8:9

Ba nyolohile, ba ikela Asiria, sa tonki e hlaha, e lelerang le naha; Efraime yena o ikgiretse basireletsi.

Mikea 2:1

Ho madimabe ba rerang bolotsana, ba nahanang bokgopo ba le diphateng tsa bona! Ha bosiu bo esa ba a bo phethathatsa, hobane ba na le matla a ho etsa jwalo.

Sofonia 3:3

Mahosana a wona ke tau tse purumang baahlodi ba wona ke phiri tse jang bosiu, ere bo esa di be di jele di qetile.

Johanne 18:28

Jwale Bajuda ba tloha ha Kaiafa, ba isa Jesu tlung ya bobusisi, e sa le kameso. Bona ha ba a ka ba kena ka tlung ya bobusisi, hore ba tle ba je Paseka ba sa silafala.

Diketso 23:12

Yare ha bo esa, Bajuda ba etsa mmomori, mme ba ikana hore ba ke ke ba eja, leha e le ho nwa letho, ba eso bolaye Paulosi.