Isaia 24:8 - BIBELE

⁸ Meropa ya thabo e kgaotsa ho tidinya, mehoo ya ba nyakaletseng le yona e a fela, pina tsa diharepa le tsona di kgaoditse.

Sesotho 1909/1961 (SO)

⁸ Thabo ya meropa e fedile, lerata la bathabi ha le sa le yo, thabo ya harepa e kgutsitse le yona.

Isaia 24:8 Referencias Cruzadas

Jobo 3:7

Ka boo bosiu ho se tswalwe lesea, le mehoo ya thabo e se utlwahale.

Jobo 30:31

Harepa ya ka e letsa kodi-ya-malla, melodi ya kodilo la ka e fetohile dillo.”

Dipesaleme 137:2

Meduwaneng ya tsona re ne re fanyehile diharepa tsa rona.

Isaia 16:10

Masimong a dikgwiti thabo le monyaka ha di sa le yo, ha ho pina kapa mehoo masimong a lona a morara, ha ho ya tlhotlelang veine tlhotlelong sa hae, hoba mehoo ya lona ke nna ya e fedisitseng.

Isaia 5:12

Meketeng ya bona ba letsa harepa le dikatara, ba tidinye meropa le makodilo, ba nwe veine; mosebetsi wa Morena wona ha ba o natse, tseo a di entseng tsona ha ba di bone.

Isaia 5:14

Kahoo lebitla le ba lapetse, le se le ahlame, le ba emetse; kgabane tsa bona le matshwele di theohela teng, di theohela le menyaka le marata a tsona.

Jeremia 16:9

Morena wa mabotho, Modimo wa Iseraele, o bua tjena: ‘Mehleng ena ya lona, moo le ntseng le bona, hona sebakeng sena, ke tla fedisa mehoo ya thabo le ya nyakallo; ke fedise lentswe la monyadi le lentswe la monyaduwa.’

Jeremia 25:10

Ke tla fedisa mehoo ya thabo le ya nyakallo; ke fedise lentswe la monyadi le lentswe la monyaduwa; ke fedise lerata la lelwala ha ho silwa, ke time lebone.

Jeremia 7:34

Metseng ya Juda le diterateng tsa Jerusalema ke tla fedisa mehoo ya thabo le ya nyakallo, ke fedise lentswe la monyadi le lentswe la monyaduwa, hobane naha e tla fetoha lehwatata.

KOLI-YA-MALLA 5:14

Maqheku ha a sa dula kgorong ya motse, batjha ba kgaoditse ho letsa makodilo.

Ezekiele 26:13

Ke tla fedisa dipina tsohle tsa hao, le modumo wa diharepa tsa hao ke o fedise.

Ezekiele 28:13

O no phela Edene, rapeng sa Modimo, mekgabo ya hao e le mahakwe a bohlokwa: dirubi, didaemane le ditopase; berile, kareneleane, le jasepere; safire, emeraleda le karanete. Mekgabiso ya hae e ne e le ya kgauta, tsena tsohle o no di etsetswe, wa di etsetswa mohla tlholeho ya hao.

Hosea 2:11

Ke tla fedisa menyaka yohle ya hae, mekete ya hae ya selemo ka seng, ya ho thwasa ha kgwedi le ya Disabatha, mekete yohle e halalelang ke e fedise.

Amose 6:7

Kahoo ke lona ba pele ba tla thopuwa, mekete ya lona ya dijo e tla fela.

Tshenolo 18:22

Mmino wa baletsi ba diharepa, le wa dibini, le wa makodilo, le wa diterompeta, ha o ka ke wa hlola o utlwahala ha hao. Setsebi sa mosebetsi ofe kapa ofe ha se ka ke sa hlola se bonwa ha hao. Modumo wa lelwala ha o ka ke wa hlola o utlwahala ha hao.