2 Bakorinthe 8:4 - BIBELE

⁴ Di re qopheletse hore di dumellwe ho kenya letsoho thusong ya badumedi.

Sesotho 1909/1961 (SO)

⁴ Ba re qopheletse ka merapelo e mengata, hore re no amohela ketso eo ya mohau le ho kena ha bona dithusong tse etsetswang bahalaledi.

Baasraak Sotho NT

⁴ ba re rapella ka dikopo tse ngata hore re amohele mpho eo, mme re kopanele tshebeletsong ya bahalaledi.

Contemporary Southern Sotho Bible 2024

⁴ ba re rapella ka dikopo tse ngata hore re amohele mpho eo, mme re kopanele tshebeletsong ya bahalaledi.

2 Bakorinthe 8:4 Referencias Cruzadas

Mattheu 10:42

Ya fang e mong wa ba banyenyane bana mohope wa metsi a phodileng kahobane e le morutuwa, ruri ke a le bolella, ha a ka ke a hloka moputso wa hae.”

Mattheu 12:50

Mang kapa mang ya etsang thato ya Ntate ya mahodimong, ke yena eo e leng ngwaneso, le kgaitsedi, le mme.”

Mattheu 25:40

“Kgosi e tla ba araba, e re: ‘Ruri ke a le bolella, seo le se etseditseng e mong wa bao ba banyenyane ho bana beso, le se etseditse nna.’

Mareka 14:7

Mafutsana le na le wona kamehla, mme le ka a etsetsa molemo neng le neng ha le rata; athe nna le ke ke la ba le nna kamehla.

Diketso 11:29

Yaba barutuwa ba rera ho romela dithuso ho badumedi ba ahileng Judea, ho ya kamoo e mong le e mong wa bona a ka kgonang kateng.

Diketso 16:15

Ha a se a kolobeditswe le ba lelapa la hae, a re rapela, a re: “Haeba le kgotsofetse hore ke dumetse ho Morena, kenang ka tlung ya ka, le hlole teng.” A re qophella.

Diketso 24:17

“Jwale kamora dilemo tse ngata, ke tlisitse dithuso ho setjhaba sa heso le ho tla etsa mahlabelo.

Baroma 15:31

hore ke tle ke sireletswe ho ba sa dumeleng, ba Judea, mme dithuso tseo ke di isang Jerusalema di tle di amohelehe ho badumedi.

1 Bakorinthe 16:1

Tabeng ya koleke e etsetswang badumedi, le lona le etse jwalokaha ke laetse dikereke tsa Galatia.

1 Bakorinthe 16:15

Jwale ke sa na le kopo, bana beso. Le a tseba hore lelapa la Setefanase ke letsibolo bodumeding naheng ya Akaya, mme le ikabetse ho sebeletsa badumedi.

2 Bakorinthe 9:1

Tabeng ya dithuso tse etsetswang badumedi, ha ho hlokahale hore ke le ngolle letho.

Bagalata 2:10

Feela ba re re hopole mafutsana, e leng seo ke neng ke ikemiseditse ho se etsa.

Bagalata 6:10

Jwale he, ha re sa ntse re ena le sebaka, a re etsetseng bohle molemo, haholoholo ba lelapa la bodumedi.

1 Timothea 5:10

Hape e be ya pakwang ke mesebetsi ya hae e metle, e kang ho hodisa bana hantle, ho amohela baeti, ho hlatswa badumedi maoto, ho thusa ba tsietsing, esita le ho nna a etsa mesebetsi yohle e molemo.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.