Numere 6:23 - Sesotho 1909/1961 (SO)

²³ Bua le Aarone, le bara ba hae, o re: A le ke le hlohonolofatseng bana ba Iseraele jwalo, le re ho bona:

BIBELE

²³ “Bua le Arone le bara ba hae, o re: ‘Ha le hlohonolofatsa bana ba Iseraele, le re ho bona:

Numere 6:23 Referencias Cruzadas

Genese 24:60

Ba hlohonolofatsa Rebeka, ba re ho yena: Oho, kgaitsedi ya rona, o be mma dikete tsa diketekete, mme ditloholo tsa hao di rue dikgoro tsa dira tsa tsona!

Genese 47:10

Jakobo a hlohonolofatsa Faro, mme a tloha pela Faro.

Genese 47:7

Josefa a tlisa Jakobo, ntatae, a mmea pela Faro, mme Jakobo a hlohonolofatsa Faro.

Genese 48:20

Yaba o ba hlohonolofatsa ka tsatsi leo, a re: Iseraele o tla nne a hlohonolofatse ka wena, a re: Modimo o o etse jwaloka Efraime le jwaloka Manasse. A bea jwalo Efraime ka pele ho Manasse.

1 Marena 8:55

A ema, a hlohonolofatsa phutheho yohle ya Iseraele ka lentswe le phahameng, a re:

1 Dikronike 23:13

Bara ba Amrame ke Aarone le Moshe; Aarone yena a kgethwa, hore a tle a halaletswe ka ho sa feleng ka kgalalelo e fetisang, e le yena le bara ba hae, mme ba tjhese dibano pela Jehova, ba mo sebeletse, ba hlohonolofatse setjhaba ka lebitso la hae ka ho sa feleng.

2 Dikronike 30:27

Baprista le Balevi ba ema, mme ba hlohonolofatsa setjhaba; mantswe a bona a utluwa, mme merapelo ya bona ya fihla bodulong bo kgethehileng ba Jehova mahodimong.

Eksoda 39:43

Moshe a tadima mosebetsi wohle, mme a fihlela ba o entse jwalokaha Jehova a ne a laetse; ba o etsa jwalo. Yaba Moshe o a ba hlohonolofatsa.

Numere 6:22

Jehova a bua le Moshe, a re:

Baroma 1:7

lona bohle bao le leng Roma, baratuwa ba Modimo, ba bitsitsweng, ba halalelang, ke re: A le ke le newe mohau le kgotso ke Modimo, Ntata rona, le ke Morena Jesu Kreste.

1 Bakorinthe 1:3

ke re: Le newe mohau le kgotso ke Modimo Ntata rona, le ke Morena Jesu Kreste.

Deuteronoma 10:8

Mohlang oo, Jehova a kgetha leloko la Levi ho jara areka ya selekane sa Jehova, le ho ema pela Jehova, le ho mo sebeletsa, le ho hlohonolofatsa setjhaba ka lebitso la hae, ho fihlela la kajeno.

Deuteronoma 21:5

Baprista, bara ba Levi, ba tla atamela; hobane ke bona ba kgethilweng ke Jehova, Modimo wa hao, hore ba mo sebeletse le ho hlohonolofatsa ka lebitso la Jehova, le hore dinyewe tsohle le dikotsi tsohle di ahlolwe ke melomo ya bona.

Deuteronoma 33:1

Ke yona hlohonolofatso Moshe eo monna wa Modimo, a hlohonolofaditseng bana ba Israele ka yona, a eso ho shwe.

BaHebheru 7:1

Ke Melkisedeke eo, morena wa Saleme, le moprista wa Modimo o moholoholo, ya neng a ye ho kgahlanyetsa Abrahama, mohla a neng a sa tswa qhala marena, a ba a mo hlohonolofatsa;

BaHebheru 7:7

Athe ha ho motho ya ka hanang ha ho thwe, e monyenyane o ye a hlohonolofatswe ke e moholo.

Joshua 8:33

Baiseraele bohle, le baholo ba bona, le matona a bona, le baahlodi ba bona ba ema ka nqa tse pedi ho areka, mabapa le baprista, e leng Balevi ba jereng areka ya selekane sa Jehova, hammoho le baditjhaba, le Baiseraele ba hlaho; sehlopha se seng se ne se lebane le thaba ya Gerisime, sehlopha sa bobedi se lebane le thaba ya Ebale, kamoo Moshe, mohlanka wa Jehova, a neng a laetse kateng kgale, hore ba hlohonolofatse setjhaba.

1 Petrose 1:2

ba kgethilweng ka ho tsejwa pele ke Modimo Ntate, ba halaleditsweng ke Moya, hore ba utlwe Jesu Kreste, mme ba fokwe ka madi a hae; ke re: Le ke le atisetswe mohau le kgotso.

2 Johanne 1:3

Mohau, lereko, le kgotso, di be ho lona, le di fuwa ke Modimo Ntate le ke Morena Jesu Kreste, Mora wa Ntate, nneteng le leratong.