Jobo 9:2 - Sesotho 1909/1961 (SO)

² Ke tseba ruri hobane ho dutse jwalo; motho ya shwang a ka loka jwang pela Modimo?

BIBELE

² “Ruri ke a tseba, ho fela ho le jwalo; motho a ka loka jwang mahlong a Modimo?

Jobo 9:2 Referencias Cruzadas

1 Marena 8:46

Mohla ba sitelwang, kamoo ho seng motho ya sa sitweng kateng, mme o ba halefetse, o ba neetse direng tsa bona, hore ba iswe kgolehong, naheng ya dira, kapa e leng hole, kapa e leng haufi;

Esdrase 9:15

Oho, Jehova, Modimo wa Iseraele, o lokile; rona re setse re le masala a phonyohileng jwalokaha ho le jwalo le kajeno. Ke rona mona, re eme pela hao re le molato; athe ha ho ya ka emang pela hao a le jwalo!

Jobo 25:4

Le jwale, motho a ka loka jwang pela Modimo? Ngwana wa mosadi a ka hlweka jwang na?

Jobo 25:5

Ha esita le kgwedi e se ntho e kganyang, le dinaledi di sa hlweka pela mahlo a wona,

Jobo 32:2

Yaba ho tuka bohale ba Elihu, mora wa Barakeele, wa Buse, wa ntlo ya Rame; bohale ba hae ba tukela Jobo, hobane a ipeile ya lokileng ho fetisa Modimo;

Jobo 33:9

Ke hlwekile, ha ho sebe ho nna; ha ke na molato, ha ho bokgopo ho nna;

Jobo 34:5

Hobane Jobo o itse: Ke lokile, mme Modimo o nkamohile toka ya ka;

Jobo 4:17

Na ya shwang a ka loka pela Modimo na, kapa motho na o hlwekile pela Mmopi wa hae na?

Jobo 9:1

Yaba Jobo o fetola, a re:

Dipesaleme 130:3

Jehova, ha o ka lotolotsa makgopo, ke mang ya ka emang pela hao, Morena?

Dipesaleme 143:2

o se ke wa isana nyeweng le mohlanka wa hao, hobane ha ho motho ho ba phelang ya ka fumanwang a lokile pela hao.

Baroma 3:20

Ka baka leo, ha ho nama, leha e le nngwe, e tlang ho bewa e lokileng pela wona ke mesebetsi ya molao; hobane ke ka molao re nang le tsebo ya sebe.