Jobo 2:11 - Sesotho 1909/1961 (SO)

¹¹ Metswalle ya Jobo e meraro ya utlwa kotsi yohle eo a wetsweng ke yona, e le Elifase wa Themane, le Bildade wa Shua, le Tsofare wa Naama; ba tloha ha habo bona, mme ba kopanya dipuo ho tla hammoho ho utlwela Jobo bohloko le ho mo tshedisa.

BIBELE

¹¹ Ha metswalle e meraro ya Jobo, e leng Elefase ya tswang Temana, le Biledade ya tswang Shua, le Sofara ya tswang Naama, e utlwela tsena tsohle tse bohloko tse mo hlahetseng, ya mo etela; motho ka mong a etswa hahabo. Banna bana ba ne ba dumellane hore ba tle mmoho, ho tla lla le yena, le ho mo tshedisa.

Jobo 2:11 Referencias Cruzadas

Genese 25:2

Mosadi eo a mo tswalla Simrane, le Jokshane, le Medane, le Midiane, le Jishbake, le Shua.

Genese 36:11

bara ba Elifase ya eba Themane, le Omare, le Tsefo, le Gaethame, le Kenase.

Genese 36:15

Mahosana a bara ba Esau ke ana: Ho bara ba Elifase, mora Esau wa letsibolo, ke kgosana Themane, le kgosana Omare, le kgosana Tsefo, le kgosana Kenase,

Genese 36:34

Jobabe a shwa, mme kamora hae ha busa Hushame wa naha ya Bathemane.

Genese 37:35

Bara ba hae kaofela, le baradi ba hae kaofela, ba tla ho mo tshedisa, empa a hana ho itshedisa, a re: Ke tla theohela nqalong ya bafu ho mora wa ka, ke ntse ke lla. Ntatae a mo llela jwalo.

1 Dikronike 1:32

Bara ba Ketura, serethe sa Abrahama: a tswala Simrane, Jokshane, Medane, Midiane, Jishbake, le Shua. Bara ba Jokshane ke Seba le Dedane.

1 Dikronike 1:45

Jobabe yena mohla a timelang, ha busa Hushame wa naha ya Bathemane tulong tsa hae.

1 Dikronike 7:22

Ntata bona Efraime a ba llela ka matsatsi a mangata, mme banababo ba tla ho yena matshedisong.

Jobo 11:1

Yaba Tsofare wa Naama o fetola, a re:

Jobo 13:4

hobane lona, le balohi ba mashano, kaofela ha lona le dingaka tse se nang molemo.

Jobo 15:1

Elifase wa Themane a fetola, a re:

Jobo 16:2

Ditaba tse jwaloka tseo ke se ke kgotshe tsona; kaofela ha lona le batshedisi ba kgathatsang.

Jobo 16:20

Leha metswalle ya ka e fetohile basomi, mahlo a ka a lebile ho Modimo ka meokgo;

Jobo 18:1

Yaba Bildade wa Shua o fetola, a re:

Jobo 19:19

Ke tshabeha ho bao ke kunutang le bona, bao ke neng ke ba rata ba fetohile dira ho nna.

Jobo 19:21

Nkgauheleng, nkgauheleng, lona metswalle ya ka, hobane letsoho la Modimo ke lona le nkotlileng.

Jobo 4:1

Yaba Elifase wa Themane o fetola, a re:

Jobo 42:11

Yaba banababo bohle, le dikgaitsedi tsa hae kaofela, le bohle bao a neng a tsebana le bona pele, ba tla ho yena, ba ja le yena ka tlung ya hae, ba hlakola meokgo ya hae, ba mo tshedisa hodima bohloko bohle boo Jehova a neng a bo tlisitse hodima hae; e mong le e mong a mo nea sekoto sa silefera le lesale la kgauta.

Jobo 42:7

Eitse hobane Jehova a bue dipolelo tseo ho Jobo, Jehova a re ho Elifase wa Themane: Bohale ba ka bo tuketse wena le metswalle ya hao e mmedi, hobane ha le a ka la bolela tsa ka hantle, jwalokaha ho entse Jobo, mohlanka wa ka.

Jobo 42:9

Yaba Elifase wa Themane, le Bildade wa Shua, le Tsofare wa Naama, ba ya, ba etsa jwalokaha Jehova a ba boleletse; mme Jehova a mamela thapello ya Jobo.

Jobo 6:14

Motswalle wa ya swabileng e ka kgona a mmontshe lerato; ha ho se jwalo a ka tshoha a lesa ho tshaba Ya matla wohle.

Jobo 6:19

Makaba a Thema a a batla, dihlopha tsa baeti ba Seba di bea tshepo ya tsona teng.

Jobo 8:1

Yaba Bildade wa Shua o bua, a re:

Diproverbia 17:17

Motswalle wa motho o mo rata kamehla; e ba ngwanabo tlokotsing ya hae.

Diproverbia 18:24

Motho ya nang le metswalle e mengata ho yena ke tshenyehelo, empa mohlomong motswalle e mong o a kgomarele motho ho fetisa ngwanabo motho.

Diproverbia 27:10

O se ke wa furalla motswalle wa hao, leha e le motswalle wa ntatao; mme o lese ho ya ha ngwaneno mohla o leng tsietsing. Eo le ahisaneng hammoho le yena o feta ngwaneno ya leng hole.

Isaia 51:19

O hlahetswe ke kotsi tse pedi; o tla tshediswa ke mang? Tshenyeho le lesupi, tlala le lerumo: ke tla o tshedisa jwang?

Jeremia 49:7

Bakeng sa Edomo, ho itswe ke Jehova wa makgotla: Na ha ho sa le bohlale Themane? Na kelello e timetse ho baeletsi? Na bohlale ba bona bo fedile na?

Obadia 1:9

Dinatla tsa hao, Themane, di tla thothomela, ho tle ho fediswe banna bohle thabeng ya Esau ka polao.

Johanne 11:19

Bajuda ba bangata ba ne ba tlile ho Maretha le ho Maria, ho ba tshedisa bakeng sa ho shwa ha kgaitsedi ya bona.

Baroma 12:15

Thabang le ba thabileng, mme le lle le ba llang.

1 Bakorinthe 12:26

Mme setho se seng ha se utlwa bohloko, ditho tsohle di utlwa bohloko le sona; leha setho se seng se tlotliswa, ditho tsohle di thaba le sona.

BaHebheru 13:3

Hopolang ba ditlamong, ho be jwaloka hoja le tlamilwe le bona; hopolang ba etswang hampe, etswe le sa le mmeleng le lona.

Joshua 15:41

Gederothe, Bethe-Dagone, Naama, le Makkeda; metse eo e leshome le metso e tsheletseng, le metsana ya eona;