Jeremia 28:5 - Sesotho 1909/1961 (SO)

⁵ Yaba moporofeta Jeremia o fetola Hanania moporofeta, pontsheng ya baprista le pontsheng ya setjhaba kaofela se emeng ka tlung ya Jehova;

BIBELE

⁵ Jwale moporofeta Jeremia, moo baprista le setjhaba sohle se neng se eme ka Tempeleng ya Morena se ntseng se le teng, a araba moporofeta Hananiya.

Jeremia 28:5 Referencias Cruzadas

1 Dikronike 3:19

Bara ba Pedaia ke Sorobabele, le Shimei; bara ba Sorobabele ke Meshullame, le Hanania, le kgaitsedi ya bona Shelomithe;

Jeremia 19:14

Yaba Jeremia o kgutla Tofethe moo Jehova a neng a mo rometse teng ho porofeta; a tla a ema lebaleng la ntlo ya Jehova, a re ho setjhaba kaofela:

Jeremia 26:2

Ho itswe ke Jehova: Eya, o eme lebaleng la ntlo ya Jehova, o bolelle ba metse kaofela ya Juda ba kenang ho ya kgumama ka tlung ya Jehova mantswe wohle ao ke o laetseng ho ba bolella wona; o se ke wa ba lobela lentswe leha le le leng.

Jeremia 28:1

Selemong sona seo, tshimolohong ya puso ya Tsedekia, morena wa Juda, selemong sa bone, ka kgwedi ya bohlano, Hanania, mora Assure, moporofeta wa Gibeone, a mpolella ditaba pontsheng ya baprista le ya setjhaba kaofela ka tlung ya Jehova, a re:

Jeremia 7:2

Eya, o eme monyako wa ntlo ya Jehova, o howeletse lentswe lena teng, o re: Mamelang lentswe la Jehova, lona Bajuda kaofela ba kenang ka menyako ena ho tla kgumamela Jehova.