Genese 30:9 - Sesotho 1909/1961 (SO)

⁹ Eitse ha Lea a bona hoba o dutse ho beleha, a nka Silpa, lekgabunyane la hae, a mo nea Jakobo, hore e be mosadi wa hae.

BIBELE

⁹ Ha Lea a bona hore a ke ke a hlola a beleha, a nka lekgabunyane la hae Silepa, mme a le nea Jakobo hore e be mosadi wa hae.

Genese 30:9 Referencias Cruzadas

Genese 16:3

Yaba Sarai, mohatsa Abrame, o nka Agare, Moegepeta, lekgabunyane la hae, ho se ho le dilemo tse leshome Abrame a aheletse lefatsheng la Kanana, mme a mo neela Abrame, monna wa hae, hore e be mosadi wa hae.

Genese 29:24

Labane a nka Silpa, lekgabunyane la hae, a mo nea Lea, moradi wa hae, hore e be lefielo la hae.

Genese 29:35

A ba a emola hape, a tswala mora, a re: Kajeno, ke tla boka Jehova. Ka baka lena, a mo rea lebitso la Juda (poko ya Jehova). Yaba o dula ho beleha.

Genese 30:10

Silpa, lekgabunyane la Lea, a tswalla Jakobo mora.

Genese 30:17

Jwale Modimo wa utlwa Lea, mme a emola, a tswalla Jakobo mora wa bohlano.

Genese 30:4

A mo nea Bilha, lekgabunyane la hae, hore e be mosadi wa hae; mme Jakobo a ya ho yena.

Genese 30:8

Ragele a re: Ke lwanne le moholwane wa me ntwa e kang ya Modimo, ke bile ke mo hlotse. Yaba o mo rea lebitso la Nefthali (ntwa ya ka).

Genese 46:18

Bao ke bara ba Silpa, eo Labane a neng a mo neile Lea, moradi wa hae, mme a ba tswalla Jakobo; ke batho ba leshome le metso e tsheletseng.