Genese 16:7 - Sesotho 1909/1961 (SO)

⁷ Lengeloi la Jehova la le fumana pela sediba sa metsi feelleng, sedibeng se tseleng ya Shure.

BIBELE

⁷ Lengeloi la Morena la fumana Hagare pela sediba se hara lehwatata, se tseleng e yang Shure,

Genese 16:7 Referencias Cruzadas

Genese 20:1

Abrahama a tloha moo a leng teng, a leba naheng ya Borwa, a aha pakeng tsa Kadeshe le Shure, a hlola Gerare.

Genese 21:17

Yaba Modimo o utlwa lentswe la moshanyana; mme lengeloi la Modimo la howeletsa Agare le le lehodimong, le re ho yena: O jewa keng Agare? Se tshabe, hobane Modimo o utlwile lentswe la moshanyana, moo a leng teng.

Genese 21:18

Tsoha, o emise moshanyana, o mo tshware ka letsoho, hobane ke tla mo etsa setjhaba se seholo.

Genese 21:19

Yaba Modimo o tutubolla mahlo a hae, mme a bona sediba sa metsi; a ya, a tlatsa sehwana, a nwesa ngwana.

Genese 22:11

Yaba lengeloi a Jehova le mo howeletsa, le le lehodimong, la re: Abrahama! Abrahama! A re: Ke nna enwa.

Genese 22:15

Yaba lengeloi la Jehova le howeletsa Abrahama la bobedi le le lehodimong,

Genese 24:7

Jehova, Modimo wa mahodimo, ya ntlositseng tlung ya ntate le lefatsheng la banabeso, ya buileng le nna, ya nlthapanyeditseng, a re: Lesika la hao ke tla le nea naha ena; ke yena ya tlang ho roma lengeloi la hae pele ho wena, mme o tla nkela mora wa ka mosadi teng.

Genese 25:18

Ba lesika la hae ba ahela ho nka Havila ho isa Shure e pela Egepeta ka nqa Asiria; Ishmaele a aha jwalo pontsheng ya banababo kaofela.

Genese 31:11

Lengeloi la Modimo la re ho nna torong: Jakobo! Ka re: Ke nna enwa.

Eksoda 15:22

Yaba Moshe o tlosa Baiseraele Lewatleng le Lefubedu, ba tsamaela lefeelleng la Shure, ba tsamaya ka matsatsi a mararo feelleng, ba sa bone metsi.

Eksoda 3:2

Yaba lengeloi la Jehova le itlhahisa ho yena, kgabong ya mollo, kahare ho sehlahla, mme ha a tadima, a bona sehlahla se tuka ke mollo, empa se sa tjhe.

Diproverbia 15:3

Mahlo a Jehova a dinqalong tsohle, a qamaka ba babe le ba batle.

1 Samuele 15:7

Saule a bolaya Baamaleke, ho tloha Havila, ho ya fihla Shure, o mabapa le Egepeta.