2 Samuele 21:16 - Sesotho 1909/1961 (SO)

¹⁶ Yaba Jishbi-Benobe, wa mofuta wa Barefaime eo lerumo la hae le neng le na le boima ba dishekele tse makgolo a mararo tsa koporo, ya ikgahlotseng le ka sabole e ntjha, a re o bolaya Davida.

BIBELE

¹⁶ Ishibi, eo e neng e le e mong wa diqhobane, o ne a le Nobe. Lerumo la hae, le entsweng ka lethose, le ne le le boima bo ka etsang dikilo tse tharo le halofo, a bile a hlometse le ka sabole e ntjha, mme a nyoretswe ho bolaya Davida.

2 Samuele 21:16 Referencias Cruzadas

Genese 14:5

Yaba ka selemo sa leshome le metso e mene, Kedorlaomere a tla le marena a nang le yena, mme ba hlola ba Refaime Ashterothe-Karnaime, le Bazuzime Hame, le Baemime Shave-Kiryathaime,

Genese 6:4

Ho ne ho le difontwane tsa batho lefatsheng mehleng eo, hobane bara ba Modimo ba tle ho baradi ba batho, mme ba ba tswalle bana; ke tsona dinatla tsa boholoholo, tse mabitso a tumileng.

2 Samuele 21:18

Kamora tseo, Bafilesta ba boela ba lwana Gobe. Teng, Sibbekai wa Hushathe a bolaya Safe wa mofuta wa Barefaime.

2 Samuele 21:20

Hapehape, ntwa e nngwe ya lwana Gathe; teng, ha hlaha monna e molelele eo seatla se seng le se seng sa hae se nang le menwana e tsheletseng, le leoto le leng le le leng la hae le nang le menwana e tsheletseng, e etsa mashome a mabedi a metso e mene ha e balwa. Le yena e ne e le wa mofuta wa Barefaime.

2 Samuele 21:22

Bao ba bane e be e le ba mofuta wa Barefaime ba Gathe; ba eshwa ka matsoho a Davida le ka matsoho a bahlanka ba hae.

2 Samuele 5:18

Bafilesta ha ba fihla, ba rasa kgohlong ya Barefaime.

Numere 13:22

Ba kena ka nqa borwa, ba fihla Hebrone, moo ho neng ho ahile bana ba Anake, boAkimane, Sheshai, le Talmai. Hebrone o ne a hahilwe dilemo tse supileng, motse wa Tsoane wa Egepeta, o eso ho be teng.

Numere 13:28

Empa feela, batho ba ahileng naheng eo ke dinatla, mme metse ya teng e haheleditswe ka marako, mme e meholo haholo; esita le bana ba Anake re bile ra ba bona teng.

Deuteronoma 1:28

Re tla nyolohela kae? Banababo rona ba re nyahamisitse dipelo, ha ba itse: Ke setjhaba se re fetang ka bongata le ka boemo bo bolelele; ke metse e meholo e haheleditseng ka marako a fihlang lehodimong; re bone bana ba Anake teng.

Deuteronoma 2:10

[Baemime ba ne ba ahile teng pele; e ne e le setjhaba se seholo, se sengata, se boemo bo bolelele jwaloka ba Baanake.

Deuteronoma 2:11

Le bona ba ne ba tumile, ho thwe, ke Barefaime (diqhobane), jwaloka Baanake; empa Bamoabe ba ne ba ba bitsa Baemime.

Deuteronoma 2:21

E ne e le setjhaba se seholo, se sengata, se boemo bo bolelele jwaloka Baanake. Jehova a ba fedisa pela bana ba Ammone; yaba bao ba ba lelekisa, mme ba aha tulong tsa bona.

Deuteronoma 3:11

[Hobane Oge, morena wa Bashane, o ne a setse a nnotshi wa mofuta wa Barefaime. Ha ke re, malao a hae, e leng malao a tshepe a ntse a le Rabba, motseng wa bana ba Ammone? Bolelele ba wona ke ditswe tse robileng mono o le mong, mme bophara ba wona ke ditswe tse nne, ha ho lekanngwe ka setswe sa motho.]

Deuteronoma 9:2

Ke setjhaba se seholo, se boemo bo bolelele, ke ditloholo tsa Baanake bao o ba tsebang, bao o utlwileng ha ho thwe: Ho ka ema mang pela bana ba Anake?

Joshua 11:22

Ha ho a ka ha sala motho le a mong wa Baanake fatsheng la bana ba Iseraele; feela ha nna ha sala ba seng bakae Gasa, le Gathe, le Ashdode.

Joshua 15:14

Kalebe a leleka teng bara ba bararo ba Anake, Sheshai, le Akimane, le Talmai, bana ba Anake.

1 Samuele 17:7

Theko ya lerumo la hae e ne e le kgolo jwaloka sefate sa molohi, boima ba tshepe ya lona e ne e le makgolo a tsheletseng a dishekele tsa tshepe; lehlahana la hae le ne le mo eteletse pele.