Zakaria 13:9 - Bibl Koad 21: Ar Bibl e Brezhoneg evit ar Vretoned

⁹ An drederenn-se a lakain da dremen en tan, o furaat a rin evel ma vez puraet an arc'hant, o amprouiñ evel ma vez amprouet an aour. Ar re-se a c'halvo va anv, ha me a selaouo outo, hag e lavarin: Va fobl! Hag e lavarint: An AOTROU eo va Doue.

Zakaria 13:9 Referencias Cruzadas

2 Samuel 7:24

Sartaet ec'h eus da bobl Israel evit bezañ da bobl da viken, ha te, AOTROU, te a zo deuet o Doue.

Levr Job 23:10

Anavezout a ra an hent am eus heuliet, ra amprouo ac'hanon, hag e teuin er-maez evel aour.

Levr Job 28:1

Bez' ez eus ur vengleuz evit tennañ an arc'hant diouti, hag ul lec'h evit glanaat an aour ennañ.

Salmoù 144:15

Eürus ar bobl emañ an traoù evel-se ganti! Eürus ar bobl eo an AOTROU he Doue!

Salmoù 43:4

Mont a rin etrezek aoter Doue, etrezek Doue, va joa ha va levenez. Ha da veuliñ a rin gant an delenn, o Doue, va Doue!

Salmoù 50:15

ha va asped en deiz da estrenvan: me a zieubo ac'hanout ha te a roio gloar din.

Salmoù 91:15

Va aspediñ a raio hag e selaouin anezhañ, hag e vin gantañ en anken, hag en tenin ac'hane, hag e roin gloar dezhañ.

Krennlavarioù 17:3

Ar gleuzeur a zo evit an arc'hant hag ar forn evit an aour, met an AOTROU eo an hini a amprou ar c'halonoù.

Kanenn ar C’hanennoù 2:16

Va muiañ-karet a zo din ha me a zo dezhañ. Peuriñ a ra e dropell e-touez al lili.

Izaia 43:2

Pa dreuzi an doureier e vin ganit, ar stêrioù ne c'holoint ket ac'hanout. Pa gerzhi dre an tan ne vi ket devet, hag ar flamm ne guzumo ket ac'hanout.

Izaia 48:10

Setu, em eus amprouet ac'hanout, met n'eo ket evel an arc'hant, da zibabet em eus e teuzlestr ar glac'har.

Izaia 58:9

Neuze e c'halvi hag an AOTROU a responto, e youc'hi hag e lavaro: Setu-me amañ! Mar lamez eus da greiz ar yev, ar biz savet faeüs, ar c'homzoù drouk,

Jeremiaz 24:5

Evel-henn e komz an AOTROU, Doue Israel: Evel ar fiez mat-se, evel-se e tisheñvelain, evit o mad, harluidi Juda am eus kaset eus al lec'h-mañ da vro ar Galdeiz.

Jeremiaz 30:22

Hag e viot va fobl, hag e vin ho Toue.

Jeremiaz 31:33

Met setu an emglev a ziazezin gant ti Israel goude an deizioù-se, eme an AOTROU: Lakaat a rin va lezenn en o c'hreizon hag e skrivin anezhi war o c'halon, hag e vin o Doue hag e vint va fobl.

Jeremiaz 32:38

Hag e vint va fobl hag e vin o Doue.

Jeremiaz 9:6

Da chomlec'h a zo e-kreiz an touellerezh, dre o zouellerezh eo e nac'hont va anavezout, eme an AOTROU.

Ezekiel 11:20

evit ma gerzhint em reolennoù ha ma virint va barnedigezhioù ha ma raint hervezo; hag e vint va fobl, hag e vin o Doue

Ezekiel 14:11

evit ma ne bellaio ken ti Israel diouzhin, ha ma n'en em saotro ken dre o holl disentidigezh, met ma vint va fobl ha ma vin o Doue, eme an Aotrou AOTROU.

Ezekiel 20:38

Hag e pellain diouzh ho touez ar re zisent hag ar re en em sav a-enep din. O zennin diouzh ar vo emaint o chom, met ned aint ket war zouar Israel, hag e ouiot ez on me an AOTROU.

Ezekiel 36:28

Hag e viot o chom er vro am eus roet d'ho tadoù, hag e viot va fobl hag e vin ho Toue.

Ezekiel 37:27

Va zabernakl a vo en o zouez, hag e vin o Doue, hag e vint va fobl.

Daniel 11:35

Hag e-touez ar re boellek, hiniennoù a gouezho evit ma vint amprouet, glanaet ha gwennaet, betek amzer an diwezh, rak ne zeuio nemet d'an amzer merket.

Daniel 12:10

Meur a hini a vo glanaet, gwennaet hag amprouet. Ar re zrouk a oberio gant drougiezh, ha den drouk ebet ne gompreno, met ar re fur a gompreno.

Joel 2:32

Hag e c'hoarvezo ma vo salvet piv bennak a c'halvo anv an AOTROU, rak ar silvidigezh a vo war Venez Sion hag e Jeruzalem, evel m'en deus lavaret an AOTROU, hag e-touez an nemorant a vo galvet gant an AOTROU.

Leviegezh 26:12

kerzhout a rin en ho touez; bez’ e vin ho Toue hag e viot va fobl.

Zakaria 10:6

Kreñvaat a rin ti Juda, saveteiñ a rin ti Jozef, hag o adlakain, rak truez am eus outo. Hag e vint evel ma ne'm bije ket o zaolet kuit, rak me a zo an AOTROU o Doue, ha me o selaouo.

Zakaria 12:10

Skuilhañ a rin war di David ha war dud Jeruzalem ar Spered a c'hras hag a bedennoù, hag e sellint ouzhin, an hini o deus toullet. Hag e raint kañv dezhañ evel ma reer kañv d'ur mab nemetañ, hag e ouelint c'hwerv evel ma oueler war ur mab kentañ-ganet.

Zakaria 8:8

O lakaat a rin da zont, hag e vint o chom e-kreiz Jeruzalem, hag e vint va fobl hag e vin o Doue, e gwirionez hag e reizhder.

Actou an Ebestel 2:21

Hag ec’h erruo penaos piv bennak a c’halvo anv an Aotrou, a vo salvet.

Hebreed 8:10

Met setu an emglev a rin gant ti Israel: Goude an deizioù-se, eme an Aotrou, e lakain va lezennoù en o soñjoù hag e skrivin anezho war o c’halonoù, me a vo o Doue hag int a vo va fobl.

S. Jakes 1:12

Eürus an den a c’houzañv an temptadur, rak goude bezañ bet amprouet, e resevo ar gurunenn a vuhez en deus an Aotrou prometet d’ar re a gar anezhañ.

1 Pêr 4:12

Re garet-mat, ne vezit ket souezhet ma ez eus ur fornez en ho touez evit hoc’h amprouiñ, evel ma c’hoarvezfe ganeoc’h un dra iskis bennak.

Apocalyps 21:7

An hini a drec’ho en devo an holl draoù da hêrezh. E Zoue e vin hag eñ a vo va mab.

Apocalyps 8:10

An trede ael a sonas, hag e kouezhas eus an neñv ur steredenn vras leskidik evel ur c’houlaouenn-dan, hag e kouezhas war an deirvet lodenn eus ar stêrioù ha war ar mammennoù-dour.

Apocalyps 8:11

Anv ar steredenn-se a zo Huelenn-c’hwerv. An deirvet lodenn eus an doureier a voe troet en huelenn-c’hwerv hag un niver bras a dud a varvas dre an doureier abalamour ma oant deuet da vezañ c’hwerv.

Apocalyps 8:12

Ar pevare ael a sonas, hag an deirvet lodenn eus an heol a voe skoet, an deirvet lodenn eus al loar hag an deirvet lodenn eus ar stered, en hevelep doare ma voe an deirvet lodenn teñvalaet, ma kollas an deiz an deirvet lodenn eus e sklêrijenn kenkoulz hag an noz.

Apocalyps 8:7

An hini kentañ a sonas, hag e voe ur grizilh hag un tan mesket gant gwad o kouezhañ war an douar. An deirvet lodenn eus ar gwez a voe devet hag an holl c’heot glas a voe devet.

Apocalyps 8:8

An eilvet ael a sonas, hag e voe stlapet er mor evel ur menez bras tanet holl. An deirvet lodenn eus ar mor a voe troet e gwad,

Apocalyps 8:9

an deirvet lodenn eus ar grouadurien a oa er mor hag o doa buhez a varvas, hag an deirvet lodenn eus al listri a voe kollet.