Ozea 2:3 - Bibl Koad 21: Ar Bibl e Brezhoneg evit ar Vretoned

³ gant aon n'he diwiskfen en noazh, ha na lakafen anezhi evel da zeiz he ganedigezh, ha n'he lakafen heñvel ouzh ur gouelec'h hag ouzh un douar kras, ha na rafen dezhi mervel gant ar sec'hed,

Ozea 2:3 Referencias Cruzadas

Ermaeziadeg 17:3

Ar bobl he doe sec'hed el lec'h-se dre vank dour hag a c'hrozmolas a-enep Moizez o lavarout: Perak ec'h eus graet deomp pignat eus an Ejipt evit hol lakaat da vervel gant ar sec'hed, me ha va mibien ha va loened?

Izaia 33:9

An douar a zo e kañv ha faezh, al Liban a zo mezhek hag izelaet, Saron a zo deuet evel ul lanneg distro, Basan hag ar C'harmel a zo brañsellet.

Izaia 47:3

Da noazhder a vo dizoloet, ha da vezh a vo gwelet. Me a denno veñjañs, ha n'espernin den.

Izaia 64:10

Da gêrioù santel a zo ur gouelec'h, Sion a zo ur gouelec'h, Jeruzalem a zo un distruj.

Jeremiaz 12:10

Mêsaerien e-leizh o deus gwasted va gwinienn, mac'het o deus va lodenn gant o zreid, lakaet o deus va lodenn gaer da vezañ ur gouelec'h glac'haret.

Jeremiaz 13:22

Ha mar lavarez ez kalon: Perak e c'hoarvez ganin an traoù-se? En abeg da vraster da zireizhder eo adsavet pastelloù da zilhad ha gwallgaset da seulioù.

Jeremiaz 13:26

Me eta ivez a savo pastelloù da zilhad war da zremm, ha da vezh a vo diskouezet.

Jeremiaz 14:3

Ar re vras en o zouez a gas ar re vihan da gerc'hat dour; mont a reont d'ar puñsoù-glav ha ne gavont ket a zour. Neuze e tistroont gant o listri goullo, mezhek ha pinous, goleiñ a reont o fenn.

Jeremiaz 17:6

Bez' e vo evel brug er gouelec'h, ne welo ket ar mad o tont, met chom a raio el lec'h distro ha sec'h, war un douar holenek ha diannez.

Jeremiaz 2:31

O rummad! Eveshait ouzh komz an AOTROU: Ha bet on ur gouelec'h evit Israel? Pe un douar a deñvalijenn? Perak he deus lavaret va fobl: Hor mistri omp, ne zeuimp ken da'z kavout?

Jeremiaz 2:6

N'o deus ket lavaret: Pelec'h emañ an AOTROU en deus graet deomp pignat kuit eus bro Ejipt, en deus hor renet dre ar gouelec'h, dre ur vro didud ha digompez, dre ur vro kras e skeud ar marv, dre ur vro na dremene den enni ha na oa den o chom e-barzh?

Jeremiaz 22:6

Rak evel-henn e komz an AOTROU diwar-benn ti roue Juda: Bez' ez out evidon evel Galaad, evel lein al Liban, met a-dra-sur e rin ac'hanout ur gouelec'h, kêrioù didud.

Jeremiaz 4:26

Sellout a ran, ha setu ar C'harmel a zo ur gouelec'h, hag e holl gêrioù a zo distrujet dirak an AOTROU, dirak e gounnar entanet.

Jeremiaz 51:43

He c'hêrioù a zo deuet ur gouelec'h, un douar sec'h, digenvez, ne vo den o chom enno, ha mab-den ebet ne dremeno drezo.

Jeremiaz 51:5

Rak Israel ha Juda n'int ket dilezet gant o Doue, AOTROU an armeoù, daoust d'o bro bezañ leuniet a dorfedoù dirak Sant Israel.

Ezekiel 16:22

E-kreiz da holl euzhusterioù ha da c’hastaouerezh, ne'c'h eus ket bet soñj eus amzer da yaouankiz, pa oas en noazh, noazh-bev, ha gourvezet en da wad.

Ezekiel 19:13

Ha bremañ ez eo plantet er gouelec'h, en un douar krin ha sec'hedek.

Ozea 13:15

Petra bennak m'en deus roet frouezh e-touez e vreudeur, avel ar sav-heol a zeuio, avel an AOTROU o sevel eus ar gouelec'h, hag e tisec'ho e eien hag e kaso da hesk e feunteun. Laeret e vo en teñzor an holl draoù prizius.

Ozea 2:10

Ha bremañ e tizoloin he mezhegezh dirak daoulagad hec'h amourouzien, ha nikun n'he dieubo diouzh va dorn.

Apocalyps 17:16

An dek korn ac’h eus gwelet d’al loen a gasaio ar c’hast, he glac’haro, he diwisko, a zebro he c’hig hag he c’haso da netra gant an tan.

Ar Varnerien 15:18

Ur sec'hed ruz en doa, hag e krias d'an AOTROU o lavarout: Roet ec'h eus da'z servijer an dieubidigezh vras-se, ha bremañ e varvfen gant ar sec'hed, hag e kouezhfen etre daouarn an diamdroc'hidi?