Nehemia 9:38 - Bibl Koad 21: Ar Bibl e Brezhoneg evit ar Vretoned

³⁸ En abeg da gement-se hon eus lakaet dre skrid un engouestl start, hag hor pennoù, hol Levited hag hon aberzhourien a laka o siell.

Nehemia 9:38 Referencias Cruzadas

2 Rouned 23:3

Ar roue en em zalc'has e-kichen ar golonenn, hag a reas emglev dirak an AOTROU, da gerzhout war-lerc'h an AOTROU, ha da virout e c'hourc'hemennoù, e destenioù hag e reolennoù, a holl galon hag a holl ene, en ur ober hervez komzoù an emglev skrivet el levr-se. Hag an holl bobl a asantas d'an emglev-se.

2 Danevelloù 23:16

Jehojada, an holl bobl hag ar roue a reas un emglev, evit bezañ pobl an AOTROU.

2 Danevelloù 29:10

Bremañ eta em eus a galon d'ober un emglev gant an AOTROU Doue Israel, evit ma tistroio diouzhimp e gounnar entanet.

2 Danevelloù 34:31

Ar roue en em zalc'has war e leurenn, hag a reas emglev dirak an AOTROU, da gerzhout war-lerc'h an AOTROU, ha da virout e c'hourc'hemennoù, e destenioù hag e reolennoù, a holl galon hag a holl ene, en ur ober hervez komzoù an emglev skrivet el levr-se.

Ezdra 10:3

Ha bremañ greomp un emglev gant hon Doue, da gas kuit an holl wragez-se hag ar re a zo ganet diouto, hervez kuzul an Aotrou hag ar re a gren da gomzoù hon Doue. Ra vo graet hervez al lezenn.

Nehemia 10:1

Setu ar re a lakaas o siell. Nehemia ar gouarnour mab Hakalia. Sedesia,

Nehemia 10:29

a unanas ouzh o breudeur, ar re uhelañ anezho, hag e ouestljont gant le, o touiñ da gerzhout e lezenn Doue a oa bet roet dre Voizez servijer Doue, da virout ha d'ober hervez holl c’hourc’hemennoù an AOTROU hon Aotrou hag hervez e varnedigezhioù hag e reolennoù,

Izaia 44:5

Unan a lavaro: Me a zo d'an AOTROU. Unan all a lavaro: Me a zo da Jakob. Unan all a skrivo gant e zorn: D'an AOTROU, hag e vo lesanvet dre anv Israel.

Mazhev 27:66

Mont a rejont eta kuit hag e lakajont e surentez ar bez en ur siellañ ar maen hag o lakaat gwarded war e dro.