Nehemia 9:37 - Bibl Koad 21: Ar Bibl e Brezhoneg evit ar Vretoned

³⁷ Hag e ro gant fonnder d'ar rouaned ac'h eus lakaet warnomp en abeg d'hor pec'hedoù. Mestroniañ a reont hor c'horfoù hag hol loened, evel ma plij dezho, en doare ma'z omp en un enkrez bras.

Nehemia 9:37 Referencias Cruzadas

Ezdra 4:13

Ra ouezo ar roue bremañ, ma vez ar gêr-se adsavet hag he mogerioù adlakaet, ne baeint na truajoù na tailhoù na gwirioù tremen, hag e vo ur c'holl evit teñzor ar rouaned.

Ezdra 6:8

Eus va ferzh eo roet an urzh diwar-benn ar pezh hoc'h eus d'ober e-keñver henaourien ar Yuzevien evit adsevel ti Doue: Diwar leve ar roue o tont eus tailhoù an tu all d'ar stêr, ra vo paeet buan an dispign d'an dud-se, evit na baouezint ket en o labour.

Ezdra 7:24

Hag ivez e roomp da c'houzout deoc'h na vo na truajoù na tailhoù na gwirioù tremen war hini ebet an aberzhourien, al Levited, ar ganerien, ar borzhierien, an Netiniz hag ar servijerien eus an ti Doue-mañ.

Nehemia 5:8

Hag e lavaris dezho: Dasprenet hon eus, hervez hor galloud, hor breudeur Yuzev a oa bet gwerzhet d'ar broadoù, ha c'hwi a werzhfe hoc'h-unan ho preudeur? Ha deomp-ni e vefent gwerzhet? Hag e tavjont, ne ouezjont mui petra lavarout.

Klemmganoù 5:5

Heskinet omp, ar yev war hor gouzoug. Faezh ez omp ha n'hon eus diskuizh ebet.

Leviegezh 26:17

me a lakaio va dremm a-enep deoc’h, pilet e viot gant hoc’h enebourien, ar re a gasa ac’hanoc’h ho mestronio hag e tec’hot hep den o redek war ho lerc’h.

Sant Ian 8:33

Respont a rejont dezhañ: Ni a zo lignez Abraham ha biskoazh n’omp bet sklavourien da zen, penaos e lavarez: Dieubet e viot?

Adlezenn 28:33

Ur bobl na'z po ket anavezet a zebro frouezh da zouar, da holl labour, ha ne vi bepred nemet heskinet ha mac'het.

Adlezenn 28:39

Plantañ a ri gwini hag o labouri met ne evi ket eus o gwin ha ne zastumi netra diouto, rak debret e vint gant ar preñved.

Adlezenn 28:48

e serviji da enebourien a gaso an AOTROU ez enep, en naonegezh, er sec'hed, en noazhder, en dibourvez a bep tra, hag e lakaio ur yev houarn war da c'houzoug betek ma vi distrujet.

Adlezenn 28:51

a zebro frouezh da loened ha frouezh da zouar, betek ma vi distrujet. Ne lezo dit na gwinizh, na gwin, nag eoul, na klodadoù da saout ha da zeñved, betek ma vi distrujet,